Hernani, Arano eta Elduain arteko mugetan bost haize errota jarri nahi dituen proiektuaren atzean Endesa dago
Enigma Green Power enpresak "Ikatz Gane" deitu dion proiektu eolikoa egiteko "aldez aurreko administrazio-baimena" eskatu du. Bost haize errota jarri nahi ditu. Enigma Green Powerren jabe bakarra Arena Green Power da, eta honen kargudunen artean da Endesa.
Enigma Green Power 26, SLU enpresak "aldez aurreko administrazio-baimena" eskatu du "Ikatz Gane" deitu dion zentral eolikoa egiteko. Hala iragarri du Euskal Herriko Agintaritzaren Aldizkariak maiatzaren 23an. Horrekin, lehia eskabidea aurkezteko epea zabaldu zaie gainerako enpresei, 20 eguneko epean.
Iragarkiak dioenez, Enigma Green Power enpresak bost haize errota jarri nahi ditu, guztira 33 MWko potentzia gordina emango luketenak. Proiektua Hernaniko udal mugetan egingo dela dio Euskal Herriko Agintaritzaren Aldizkariaren iragarki honek, eta koordenatu zehatzak ematen ditu.
Makroproiektuen aurkako militante batek koordenatu horiek mapan kokatu ditu eta hedabideetara bidali duen mezuan dio, itxuraz, proiektuak Hernani, Arano eta Elduaiengo lurrak hartuko dituela: "Adarra-Mandoegi lerroan Etzala eta Azketa mendiak, eta Hernani-Arano mugan Garagartza mendi-lerroa eta Euntzin; Urumeaz bestaldean, Ugaldetxotik gora, Urdaburu azpian dagoen Aginaga-Erkaitz Pagoeta kaskoa. Zentrala ez da Leuneta eta Mandoegira igotzen".
Enigma Green Power 26, SLU berez Arena Green Power da
Enigma Green Power pertsona bakarreko sozietate mugatua da, Sevillan kokatua eta 2021ean sortua. Bere bazkide bakarra Arena Green Power SL da, 2021eko abuztuaren 17ko BORMEan irakur daitekeenez (beheko argazkia hortik ateratakoa da).
Arena Green Powerrek Madrilen du egoitza eta 2021ean sortu zen. 500dik gora enpresak osatzen duten sare korapilatsua da, eta enpresa hauetako bakoitzak zenbaki baten izena hartzen du (Arena Green Power 2, edo 2, edo...).
BORMEan irakur daitekeenez, Arena Green Power 1ek kargudunen artean ditu administradore solidario Enel Green Power España SL, Endesa SA eta Endesa Generacion SA. Administradore bakarra, aldiz, Shark Power SL du, eta 2022ko abuztutik Guillermo Gomez Gomez du ordezkaria.
Arena Green Power 1en estatutuetan 2. artikuluan irakur daitekeenez, "Sozietateak helburu gisa dauka energia berriztagarrien plantak garatzea, eraikitzea, muntatzea, martxan jartzea, ustiatzea eta mantentzea, baita hauek ustiatuta lortutako argindarra ekoiztea eta saltzea ere".
Araba mendebaldeko Gaubeako proiektu eolikoak eskualdeko energia berriztagarrien potentziala areagotzea helburu duela adierazi du Mendia Wind enpresak. Gasteiz eta Arratzua-Ubarrundia udalerrietan hiru parke fotovoltaiko egiteko proiektua aurkeztu du, bere aldetik, San Miguel... [+]
Arano eta Hernani inguruetan Repsol eta Endesa enpresek eraiki nahi dituzten makro-zentral eolikoen aurkako txosten kritiko mardula egin du Mikel Alvarez ekintzaile ekologista donostiarrak. Bere esanetan, "Euskal Herrian planteatzen den era horretako azpiegitura... [+]
Erramun Galparsoro eta Joxe Manuel Muñoz aranoarrak dira. 22 eta 30 urte daramatzate, hurrenez hurren, 440 metroko garaieratik itsasoari begira dagoen eta 114 biztanle dituen Nafarroako herri txiki hartan bizitzen. Inguruetan Repsolek eraiki nahi duen zentral eoliko... [+]
"Sare elektrikoak eta lurraldea: sistema energetikoa eztabaidagai" hitzaldia emango du Euskal Herriko Unibertsitateko ikertzaile eta irakasleak. Herribizigune eta Ezkeltzu Bizirik taldeek elkarrekin antolatu dute hitzaldia.
Aixeindar SA enpresak "Laminoria" izeneko zentral eolikoa eta fotovoltaikoa eraiki nahi du Arraia-Maeztu, Iruraiz-Gauna eta Donemiliagako lurretan. Proiektu horrek Eusko Jaurlaritzaren ingurumen baimena jasoko ote duen ikusteko dago. ARGIAren eskuetara iritsi da... [+]
Aixeindar enpresak haizea neurtzeko 82,5 metroko dorre meteorologikoa instalatua du 2023tik Analamendin. Dorrearen egonkortasuna eta segurtasuna bermatzeko, lurrera altzairuzko hainbat kablerekin ainguratu zuen enpresak. Arabako Mendiak Aske elkarteak salatu du hegaztiek... [+]
Arabako Mendiak Aske elkarteak zorionak eta eskerrak eman nahi dizkio Arabako Foru Aldundiko Natura Ingurunearen Zerbitzuari, Bonelli arranoa gure lurraldean berriro sartzeko Aquila a-Life proiektuarekin lortutako arrakasta dela eta.
Guztiz kontziente gara proiektu honek... [+]
Enpresa batek Irimo mendian zentral eolikoa eraikitzeko asmoa zuela iragarri zigun aspaldi batean haize kolpe batek. Gehienek ezin zuten sinistu, inondik ere. Are gutxiago Irimo mendiaren orografia eta izaera harritsua ezagutzen dituztenek. "Baina ba al dakizu ze nolako... [+]
Kolitza mendiaren magal batean eraiki nahi zituzten haize erroten proiektua atzera bota du Eusko Jaurlaritzak, hala adierazi du Balmasedako alkateak. Baina horren ordez, "eragin gutxiago" duen beste zentral bat aurreikusi dute inguru bertsuan. Maiatzaren 26an Euskal... [+]
Energiaren sektoreari loturiko konpainiak bere zuzendari nagusia aldatu du, doikuntzak iragartzearekin batera. Euskal Herriko lantegietan ia 3.000 langile aritzen dira eta sindikatuak kezkatuta agertu dira, kaleratzeak ekar litzakeelako erabakiak.
Martxoaren 20an Barakaldoko BECen egingo du Europako industria eolikoak bere urteroko kongresua, "Wind Europe" deitu diotena. 10:00etan atarian elkarretaratze zaratatsua deitu du EH Bizirik sareak.
Berriztagarriek Galizian ere sukarra bizi dute eta proiektu ugari justizia auzitegietan dira momentu honetan. Galiziako Justizia Auzitegi Nagusiak haietako hamahiruren gaineko suspentsioa agindu du, eta horretarako bere irizpideak egokitu ditu Espainiako Auzitegi Gorenak... [+]
"Hamaika arrazoi lurraldea defendatzeko" izeneko erakusketa artistiko honetan, Euskal Herriko hamaika ilustratzailek parte hartu dute eta makroproiektu eolikoek kaltetutako Euskal Herriko zenbait familia eta bizilagunen hamaika testigantza ere jasotzen dira. Etxalarko... [+]
Irimo mendian Cilda Energy SLU enpresak 200 metroko bi haize errota ezarri nahi ditu, Trekutz izeneko proiektuaren baitan. Dimentsioaz jabetzeko giza katea egin dute Antzuolan otsailaren 25ean, Meaka-Irimo herri plataformak deituta "berriztagarriak bai, horrela ez!"... [+]