Heriotza eskoletako curriculumean txertatzeko eskaera ez du aintzat hartu Jaurlaritzako Hezkuntza sailburuak
Hezkuntza-curriculumean heriotza eta doluaren gaia gehitzeko eskatuz, sinadura bilketa abiatu zuen Naroa Martinez irakasle eta psikopedagogoak. Eskaera Eusko Legebiltzarrera iristea lortu du, baina heriotza lantzea ikastetxe bakoitzaren erabakia dela erantzun du Hezkuntza sailburuak. Heriotza haur eta nerabeekin jorratzea inportantea dela eta eskola guztietan bermatu beharko litzatekeela dio Martinezek. Helburu horretan borrokan jarraitzeko asmoa du.
Gaiari lotutako ikastaroak ematen ditu Naroa Martinezek, ugariak direlako heriotza nola jorratu jakin ez eta bere atea jotzen duten irakasle eta eskolak. Horregatik eskatu du gaia curriculumean txertatzea eta irakasleak arlo horretan formatzea. Elkarrekin Podemosen bidez iritsi da Legebiltzarrera eskaera, eta Jokin Bildarratz sailburuak erantzun du ikastetxeek zehazten dutela horri buruz lan egitea egokia den ala ez, “beren autonomia pedagogikoa baliatuz”.
Erantzun horren aurrean, heriotza egunerokoan agertzen den gaia dela dio Martinezek, bai ikasleek eurek dakartelako, bai beste edozein gairekin lotuta dagoelako, “bizitzaren parte den heinean”, eta zentzu horretan, ikerketek argi uzten dutela heriotzaz hitz egitea egokia dela: berau jorratzea “ez da inoren sentsaziora mugatu behar”. “Ikastetxe bakoitzaren esku geratzen bada heriotzaren trataera, ez da haur guztien bizitzarako hezkuntzaren eskubidea bermatzen”, dio Martinezek.
Sailburuak gehitu du, ikastetxeak heriotza lantzea erabakiz gero, Berritzeguneetan aurkituko dituela aholkularitza eta materiala. Naroa Martinezek, baina, baliabide falta jarri du mahai gainean, eta Berritzeguneetan dagoen material gehiena erdalduna dela nabarmendu du. “Berritzeguneak ez dira eskakizun guztiak erantzutera iristen, horrela jakinarazi baitidate eskolaren batetik, eta ikastetxe zein familiek elkarteengana, profesional pribatuengana edo niregana jotzen dute”.
Psikopedagogoak borrokan segitzeko asmoa du, heriotza eta dolua jorratzea eskoletako urteko planetan gehitu dadin.
ARGIAri jakinarazi diotenez, 40-50 irakasle inguruk Eusko Jaurlaritzaren Lakuako egoitzaren pareko belardian igaro dute gaua. Dozena bat kide identifikatu ditu gauerdian Udaltzaingoak.
Gaurko greba deialdiak %75eko jarraipena izan du sindikatu deitzaileen arabera.
Bai ikastetxeek antolaturiko eskolaz kanpoko jarduerek, bai aisialdiari loturiko ekintzek eta udalekuek desgaitasunen bat duten haurrak kanpoan uzten dituzte maiz, eta hain justu, jarduera horiek bereziki onuragarriak dira premia bereziak dituzten haurrentzat. Hala dio... [+]
Hezkuntza Sailak EITBri azaldu dioenez, ikastetxe bakoitzean izan beharreko baliabideak batzar teknikoetan negoziatu partez, mahai negoziatzailean landu beharko lituzkete. Bihar eta etzi greba egingo dute EAEko ikastetxe publikoetako irakasleek.
Seaska Sarean inklusio egoeran dauden 165 ikasleei laguntza bermatzeko hasi dute kanpaina, antolaketa propioa eratuta. Frantziako Hezkuntza Ministerioaren jarrera salatu dute kanpaina aurkezteko prentsaurrekoan, behar bereziak dituzten haurren inklusiorako baliabide... [+]
Hezkuntzari buruzko legediak, Ekonomia Lankidetza eta Garapenerako Erakundearen eta planetako jaun eta jabeen aginduei jarraituz, ikasleek ikasketa etapa bakoitzaren amaieran “irteera-profil” jakin bat izatea bilatzen du. Ez pentsa profila zerbait itxia eta bukatua... [+]
Non daude talka handienak eta zenbateraino dago gertu akordioa, EAEko hezkuntza publikoko irakasleentzat? Greba ziklo luzeari amaiera emateko sukalde lanaren eta gakoen inguruan mintzatu gara, STEILASeko bozeramaile Haizea Arbiderekin. “Grebak bertan behera utziko... [+]
Nolako esperientzia eta ondorioak izan dituzte iraganean bateratu ziren ikastetxeek? Zein berme eskatzen dituzte orain fusio fasean murgilduta daudenek? Bi ikastetxek bat egiteko prozesuan, aintzat hartu beharreko gakoak zein diren aletu ditugu, etorkizunean fusioen politikak... [+]
Astelehen arratsalde-gaueko negoziaketa bilera luzearen ostean aurreakordiorik lortu gabe, EAEko hezkuntza publikoko irakasleak grebara deituak izan dira berriz ere; urtea hasi denetik bosgarren greba eguna izan da asteartekoa. Lanuzteek %75eko jarraipena izan dutela adierazi... [+]
Gure Haurrak ere Badira ekimenak deituta, Israelek azken egunetan Gazan hildako gehienak haurrak direla salatu dute. Gobernuei eta erakundeei Israelekin harreman oro etetea ere exijitu diete, "genozidio honen aurka argi eta tinko" lerratu daitezen.
Hezkuntza Sailarekin hainbat aldiz bildu dira hezkuntzako sindikatuak irakasleen lan baldintzak negoziatzeko. Hitzarmena berritzea, baina, ez dute lortu, eta martxoko eta apirileko bost greba egunetarako deialdia egin diete irakasleei. Lehenengoa astearte honetan izango da.
Nafarroako Ikastolen Elkarteak lehendakari berria du. Oier Sanjurjok hartu dio lekukoa Elena Zabaleta Andresenari. Beste zazpi kide izanen ditu alboan Sanjurjok.
Hezkuntza eredu propioa "ezinbestean" independentziatik etorri behar dela adierazi dute, eta sistema propio hori "publikoa eta komunitarioa" izatea nahi dutela. Ikamak deituta, goizean zehar piketeak egin dituzte Euskal Herriko hainbat hezkuntza zentroetan.
EAJk, EH Bilduk eta PSE-EEk ekimen bat adostu dute Eusko Legebiltzarrean Hezkuntza Sailari eskatzeko Iradi software libreko hezkuntza plataforma hedatzen jarraitzeko. Zenbait ikastetxetan ezarri da Iradi orain arte. Baliabide partekatuak, komunikazio zerbitzuak (e-posta eta... [+]
Oier Sanjurjo Maté hautatu dute Nafarroako Ikastolen Elkarteko lehendakari. Atzo egindako asanbladan erabaki zuten izendapena. "Mugarri garrantzitsua da euskarazko hezkuntzaren etorkizunerako foru erkidegoan", adierazi du Ikastolen Federazioak ohar batean.
Eskolaz kanpoko jardueren eskaintza zabala egiten duten ikastetxeen aldean, beste askok ez du horretarako aukerarik; eta eskola bereko ikasleen artean ere, denek ezin dute ekintzetan parte hartu, baliabide ekonomikoek baldintzatuta. Esku hartzeko dei egin diete instituzioei:... [+]