Turkiako poliziak ustez bi nekazari helikoptero militar batetik bota zituela. Albiste hori jorratu zuten lau kazetari kurdu atxilotu dituzte urriaren 9an. "Estatuaren aurkako gertaerez informatzea" eta "organizazio bateko kide izatea" egotzi diete.
Eskubide zibil eta politikoak etengabe urratuak izan arren, bazterrak nahasi ditu Turkiaren menpeko Kurdistanen poliziak helikoptero militar batetik bi pertsona bota izanaren susmoak. Bi pertsona hauek irailaren 11n atxilotu zituzten, bi egunez desagerturik egon ziren eta ospitalean aurkitu zituzten, oso larri.
Albiste horri buruz informatu zuten lau kazetari atxilotu dituzte joan den astean, Bianet-en irakur daitekeenez: Mesopotamia Agentziako Adnan Bilen and Cemil Uğur, Jinnews-eko Şehriban Abi eta Nazan Sala.
MAko Cemil Uğur kazetaria izan zen ospitaleko txostena eskuratu eta informatu zuena doktoreen ustez bi pertsona hauek garaiera altu batetik erori osteko zauriak zituztela. Bi pertsona hauetako bat irailaren 30ean hil zen, ARGIAn informatu genuenez, eta besteak memoria galerak dauzka, nahiz eta "bota egin gintuzten, bota egin gintuzten" errepikatzen zien senideei etengabe, ANFn irakur daitekeenez.
Vaneko gobernadoreak, eztabaida moztu nahian, irailaren 21ean adierazi zuen bi pertsona hauek harkaitzez beteriko leku batetik erori zirela, polizia operaziotik ihes egin nahian ari zirela eta PKK-ko kideak zirela.
Turkiako Poliziak MA agentziak eta Jinnews-ek Van hirian duten egoitzak eta lau kazetariren etxeak miatu zituen. Kazetarien elkarteek salatu dute helikopteroaren albistea jorratu izanagatik atxilotu dituztela. Miaketetan, kazetarien material guztia konfiskatu zuen poliziak.
"Gure ogibidearen ohorea babestuko dugu"
Mesopotamia Agentziako kazetari Adnan Bilenen mezu bat argitaratu du urriaren 15ean ANF agentziak. Van hiriko segurtasun handiko espetxean dago preso. "Espetxean nire eskuetara heldu zen egunkari baten bidez jakin dut ez naizela kazetaria, 20 urtez lan horretan aritu ostean. Ezin kazetari izan gobernauak, fiskalak edo epaileak emandako prentsa karneta badaukazu. Kazetari baten kazetaritza ezin da gobernu baten asmoen baitakoa izan. Kazetaritzaren ohorea babesten jarraituko dugu, gaur egun hondatua eta legez kanpo utzia baitago".
Ibrahim Bilmez abokatua da eta Abdullah Öcalan buruzagi kurdua da bere bezeroa. Bere isolamendua salatu du Euskal Herrian otsailean, Turkiako errepresio eta inpunitate mekanismoak azalduta.
1999ko otsailaren 15ean Abdullah Öcalan atxilotu zuten, Kurdistango Langileen Alderdiko (PKK) eta mugimendu independentista kurduko burua. Turkiako zerbitzu sekretuek Kenyan atxilotu zutenetik, Marmara itsasoko uharte batean dagoen Iämralä-ko kartzelan isolatuta... [+]
Lara Vilanova (1983, Bartzelona) argazkigintza zuzendaria da eta The Return: Life after ISIS, Sinjar, Cuerdas edota Hondarrak filmetan hartu du parte. Abenduan Euskal Herria bisitatu zuen The Purple Meridians topaketetan parte hartzeko Durangon.
Urtzi Urrutikoetxea nazioarteko kazetariarekin mintzatu gara Radio Kobanen, iaz idatzitako Kurdistan-Argi bat ekialde hurbilean liburuari buruz. Testuak azken urteetako gertakizunei erreparatzen die, eta atzerago ere begiratzen du herri kurduaren egoera politikoa eta... [+]
Siriako Ipar eta Ekialdeko Autoadministrazioko osasun esparruko ardurak ditu Ciwan Mustafak eta herri kurduak lideratzen duen proiektu politikoaren osasun ministrotzat jo daiteke. Mediku-Ekintza Koordinakundea gobernuz kanpoko erakundearen laguntzarekin Eusko Legebiltzarrean... [+]
Epaiketaren lehen eguna amaituta eta bederatzi kazetari kurduak askatu dituzte. Urte erdia pasatxo preso eduki dituzte "terrorismoa" egotzita. Ankarako espetxean zeuzkaten eta orotara hamaika kazetariri erakunde terroristako kide izatea egozten diete.
Parlamentuan ordezkaritzarik lortuko ez duten beldur, ezkerreko alderdi gehienek Kemal Kiliçdaroglu zentro-ezkertiarraren aldeko botoa eskatzea erabaki dute, egungo presidentearen aurkari nagusia dena.
Behe Nafarroako Behorlegin asteburu osoko egitaraua eraman du aurrera herriBiltzak. Larunbatean Parisko Komunaren iraultzaren urteurrena gogoratu dute eta igandean kurduen eta euskaldunen arteko elkartasuna indartzeko udaberriko festa ospatu dute elkarrekin. Bi egunetan erein... [+]
Anatoliako failak Kurdistanen, Turkian eta Sirian eragindako lurrikarak goitik behera jausi ditu milaka etxebizitza, eta agerian geratu da Recep Tayyip Erdoganen gobernuaren eta eraikuntza sektorearen artean dagoen ustelkeria. Baina baita munduan nagusitzen ari den eredu baten... [+]
Turkiako Poliziak torturatu dituztela salatu dute, eta ondoren, ondasunak lapurtu eta biluzik utzi dituztela hiriaren kanpoaldean.
Cemil Bayik PKK-ko buruak adierazi du helburua erreskate lanak ez oztopatzea dela eta su-etenak "herriaren mina arindu eta zauriak sendatu arte" iraungo duela.
Ostegun eguerdirako 21.500 dira hildakoak Mesopotamiako lurretako historia modernoan izandako lurrikara gogorrenaren eraginez. Mundu osoko herrialde ugari erreskatean laguntzeko taldeak bidaltzen ari dira. Erdoganek esan du eremu kaltetuak ikustera joango dela, bere aurkako... [+]
Kurdistango Langileen Alderdia (PKK) erakunde terroristen EBko zerrendatik kentzeko kanpaina amaitu da. 2021eko azaroan abiarazi zuten "Kurduentzako Justizia" iniziatiba. Emaitzen arabera, hiru milioi sinadura bildu ditu eta Europako Batzordeari eman dizkio.
Emakumezko militanteen hilketak salatzeko Bartzelonan egindako mobilizazio baten ostean, Mossos d'Esquadrak PKK Kurdistango Langileen Alderdiko banderak konfiskatu zizkien militanteei, alderdia Europako Batasuneko erakunde terroristen zerrendan ageri delako. Espainiako... [+]