“Bilbo-Donostia helikoptero zerbitzua errentagarriagoa litzateke AHT baino”
Germà Bel i Queralt ekonomialariak joan den astean EAEko Legebiltzarreko Ingurumen eta Lurralde Politika batzordean AHTren errentagarritasuna kolokan jarri zuen.
Cornell eta Harvard bezalako sona handiko unibertsitateetan irakaslea da Bel i Queral eta azpiegitura handi hau sozialki, ekonomikoki eta ingurumen ikuspegitik ez dela bideragarria azpimarratu du.
Funts publiko asko bideratu dira Abiadura Handiko Trenera eta, hori sozialki berreskuratzeko 500 kilometroko ibilbide batek zortzi eta hamar milioi bitarteko bidaiari kopurua izan beharko luke lehenbiziko urtetik Bel i Queralten esanetan.
Ikuspegi ekonomikotik aztertu eta inbertsioak berdintzea zaila dela ikusita, Espainiako Estatuan operazioaren kostuei buruz hitz egiten hasi direla salatu adituak Garari egindako adierazpenetan.
Ingurumenarentzat kaltegarria, kasu zehatz batzuk kenduta
Abiadura Handiko Trena ingurumenarentzat jasangarria izateko urtean batez beste zortzi milioi bidaiari izan behar lituzte eta 30 urte igaro arte ez litzateke hasiko jasangarria izaten: “AHT eraikitzen denean CO2 emisioa izugarri altua da”. Horregatik, kasu zehatz batzuk kenduta, horrelako proiektuek ingurumenari kalte egiten diotela nabarmendu du ekonomialari kataluniarrak.
Abiadura handiko trenbide sareak EAEn errepide bidezko trafiko gutxi kenduko lukeela uste du gainera. “100 eta 150 kilometroko distantziak egiteko jendeak autoak erabiltzen jarraitzen ditu”. Alternatiba eraginkorragoak ere proposatu ditu: "Baliteke Bilbotik Donostiarako helikoptero zerbitzu bat errentagarriagoa izatea. Oso probablea da horrelako zerbitzu batek, diruz lagunduta, kostu txikiagoarekin onura sozial handiagoa ekartzea".
Frantziako AHT: merkeagoa baina ez masiboa
“Frantziako AHTren tren txartelen prezioak merkeagoak diren arren ez da masiboki erabiltzen. Pentsa dezakegu Espainian desberdintasuna handiagoa izango dela”, nabarmendu du Bel i Queraltek.
AHTrekin probintzietako hiriburuak Madrilekiko distantzia lau ordutara laburtzea helburu dutela azpimarratu du, duten biztanleria kontuan hartu gabe: “Espainian azpiegitura politikak nazio bat eraikitzeko erabiltzen dituzte. Horrek eraginkortasunik eza eta gainkostua eragiten du, eta jendeari aukera gutxiago eskaini".
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Nafarroan eraikitzen ari den tren lasterraren langileak esklabotza egoeran ari direla salatu du AHT Gelditu elkarteak Iruñean emandako prentsaurrekoan.
Añana eta Trebiñuko kuadrilletako ordezkariek eta Arabako nekazari eta abeltzainek salatu dute "mespretxu instituzional izugarria" jasaten dutela AHTren lanak direla-eta. Denera bi miloi metro koadrotik gora "lur emankor" desjabetuko dituzte... [+]
Azken asteotan Castejón-Soria trenbidea berreskuratzeko eta Tuterako tren-geltokia gaur egun dagoen tokian mantentzeko edo, Nafarroako Erriberako hiriburuan Abiadura Handiko Trenaren ustezko geralekuak aitzakiatzat hartuta, hirigunetik kanpo beste bat egiteko... [+]
Frantziako Gobernuak Espainiakoari baieztatu dionez, Abiadura Handiko Trena ez da Hego Euskal Herrira iritsiko (Irungo loturara) gutxienez 2042 urtera arte. Ez dago Parisen lehentasunen artean.
Espainiako Garraio Jasangarrirako estatu idazkari José Antonio Santanok adierazi du Eusko Jaurlaritzaren helegite bat onartu dutela Ezkio-Itsasoko konexioari buruz, Aralarri "hainbeste" kalte egingo ez liokeena.
2024ko otsailean Astigarraga-Hernani tartea amaitu zutenean Abiadura Handiko Trena 2027an prest egongo zela aurreikusten zuen Eusko Jaurlaritzak. Orain Arkautiko lotunearen obren lizitazioari ekin dio Jaurlaritzak; Euskal Trenbide Sarea enpresaren esku utzi du, eta 2027an hasiko... [+]
Informaziorik helarazi gabe eta baimen eskaerarik gabe hasi dituzte Abiadura Handiko Trena eraikitzeko asmoz lehenago egin beharrak diren zundaketa lanak Otsobi kontzejuaren lurretan. Stop Zundaketak plataformak jakinarazi du egoera: "Izako Udalari edo Otsobiko kontzejuari... [+]
Lapurdi zeharkatuko lukeen AHT egitasmoa aitzina doala salatu du ingurumenaren alde dabiltzan elkarteen artean osaturiko CADE kolektiboak. Urriaren 12 eta 13rako jarri du hitzordua, Gironda eskualdean Lurraren Altxamenduak sareak antolaturiko protestari sostengua erakutsiz.
Oscar Puente Espainiako Garraio ministroaren esanetan, Nafarroarekin lotura egiteko aukerarik "onargarriena" Gasteizkoa da, Ezkio-Itsasoko ibilbideak "konplexutasun teknikoak" dituelako.
2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]