Helburuen “gehiengoa” beteta, hiri hondakinen planarekin jarraitu nahi du Bizkaiko Foru Aldundiak
2005-2016 arteko hiri hondakinen planeko hamahiru helburuetatik, hamar bete ditu Bizkaiko Foru Aldundiak. “Hondakinen %43 birziklatuta, eta helburuen gehiengoa beteta”, Europa jarri du jomuga. Iaz bizkaitar bakoitzak 527 kilo zabor sortu zituen, 2001eko datuak berdinduz.
Hiru izan dira egin gabe utzi dituzten lanak: tratamendurik gabe zabortegietara isuritako hondakinen kopurua jaisteko helburua ez da bete. Iazko apiriletik urrira TMB plantan egindako lanuzteari egotzi dio errua Aldundiak. Beste bi xedeei dagokienez, helburua lortzeko atarian geratu dira: aparatu elektriko eta elektronikoen gaikako bilketan, xedea pertsonako, urtean, 4,6 kilo jasotzea zen; 3,4 kilo izan dira aurten batutakoak. Beiraren eta paper eta kartoiaren birziklatze tasan, berriz, asmoa %60 birziklatzea zen. Beiraren %59 birziklatu dute, eta %54 paperean. Helburuen artean ez badago ere, ez da Europak jarritako %4ko konposta tasa bete.
Datuak mahai gainean jarrita, Batzar Nagusietan gainontzeko taldeekin adostasun batera iristea espero du Aldundiak. Bizkaia Europar Batasunak 2030erako ezarriko dituen hondakinen inguruko planekin bat egiteko prest dagoela azaldu dute. Oposizioa kexu azaldu da, datuei sinesgarritasuna falta zaiela esanez
Bi langileak oroitzeaz gain erantzukizunak eskatu dituzte, Zaldibar Argituk igandean Eitzagan eginiko ekitaldian. Justiziaren mantsotasuna salatu dute, sumarioa oraindik instrukzio fasean dagoelako.
Bost urte bete dira Zaldibarren 800.000 tona zabor maldan behera amildu eta Joaquín Beltrán eta Alberto Sololuze langileak aurretik eraman zituenetik. Ikerketa judiziala amaitu gabe dago oraindik, Verter Recycling enpresak ez du ezer ordaindu zigilatze lanengatik,... [+]
Joaquin Beltran eta Alberto Sololuze gogoratzeko eta hondamendiaren erantzukizunak eskatzeko elkarretaratzea egingo dute igandean Zaldibarko Eitzaga auzoan. Luizia “enpresarien diru goseak” eragin zuela, eta Eusko Jaurlaritzak “ardura txikiena ere ez duela... [+]
Iruñerriko Mankomunitateak Imarkoaineko Hondakin Zentroaren proiektuaren aldaketa onartu zuen ostegun honetan eta, horren arabera, azpiegitura 2026ko urtarrilaren 21ean hasiko da lanean.
Legearen arabera, erabiltzen ez diren zabortegi guztiek itxita eta zigilatuta egon beharko lukete 2008tik. Ekologistak Martxan taldea Eusko Legebiltzarrean izan da legea bete dadila eskatzeko: azaroaren 12an Industria, Trantsizio Energetiko eta Jasangarritasunaren batzordean... [+]
Atez atekoa oinarri, Arabako Errioxako Kuadrillan Kripan eta Eltziego herriek Araba osoko daturik onenak dituzte hondakinen gaikako bilketan eta horien birziklapenean, eta Europak ezarritako gutxienekoetara heltzen diren bakarrak dira. Laster, kuadrillako herri gehiagotara... [+]
Adimen artifizialak bost milioi tona hondakin elektroniko sortu ditzake 2030a baino lehen, Nature Computational Science aldizkariak argitaratu duen txosten baten arabera. Ikertzaileek ekonomia zirkularreko estrategia bat ezartzearen beharra nabarmendu dute.
Hondakinak tratatzeko Artaxoako plantara Zubietako erraustegitik milaka tona lixibiatu modu ilegalean eraman izanaz galdetu dio EH Bilduko parlamentari Mikel Oterok, Eusko Jaurlaritzako Industria, Trantsizio Energetiko eta Jasangarritasun sailburu Mikel Jauregiri. Iragan... [+]
Donostiako Udalak iragan osteguneko udalbatzarrean iragarri zuen moduan, zaborren tasa % 26,5 igoko du, 2025eko urtarriletik aurrera, Hondakinen 7/2022 Legeak horretara behartzen duela argudiatuta. Eguzkik, ordea, salatu du legea kostuei begira aplikatzen duela soilik, eta... [+]
Mikel Jauregi sailburuaren esanetan Eusko Jaurlaritzak ez du "inolako arau hausterik atzeman" Ekondakinek Zubietako erraustegitik Artaxoako zabortegira bidalitako lixibiatuetan. Hala, ez du sozietate publikoa zigortuko, Nafarroako Gobernuak eskatu bezala.
Zubietako erraustegitik Artaxoara eramaten zituzten lixibiatuengatik, Ekondakini zigor espedientea irekitzeko eskatu zion ekainean Nafarroako Gobernuak Eusko Jaurlaritzari.
Berrerarabili, zaharberritu, konpondu, eraldatu… Behar duguna baina gehiagorekin bizi garelako agian…
Nafarroako Ecofert Sansoain enpresa itxita dago 20.000 tona hondakin toxiko legez kanpo jasotzeagatik Zubietako (Gipuzkoa) erraustegitik eta Tuterako (Nafarroa) Oleofat enpresatik.