“Helburu nagusiak beteta” itzuli da Greziatik elkartasun karabana
No Borders ekimenaren barruan EBren migrazio politikaren aurka egin dute Karabana Greziara ekimeneko 121 euskal herritarrek. Espainiako enbaxadaren aurrean kanpaldia egin dute, gobernuaren “konpromiso eza” salatzeko.
Lau egun Tesalonikan igaro ostean, etxean dira Karabana Greziara egitasmoan parte hartu duten 121 euskal herritarrak. Gerran dauden herrialdeetatik ihesi Europan sartu nahi duten errefuxiatuei elkartasuna adierazteko baliatu dute egonaldia, Espainiako Estatuko eta Kataluniako kideekin elkarlanean. Europar Batasunaren migrazio politikak eta Turkiarekin sinatutako akordioa ere salatu dituzte.
Egitasmoko partaideek Ahotsa.info-ri adierazi diotenez, “errefuxiatuen arazoa gero eta sakonagoa da giza eskubidean alorrean”. Irtenbidea bilatzeko eskaera egin diete instituzioei: “Zabaldu ditzatela mugak, eman diezaietela babesa eskatzen dutenei eta asetu ditzatela gerratik ihesi dabiltzanen beharrak”.
Karabana Greziara ekimeneko kideek errefuxiatu guneak bisitatu dituzte, euren aldarria entzunarazi eta bertan daudenen egoera barrutik ezagutzeko. No Borders kanpainan parte hartzen ari diren Europa guztiko elkarteekin batera protestak egin dituzte. Atenasen ere izan dira, Espainiako enbaxadari euren eskaerak helarazteko. Agintarien konpromiso eza ikusita, enbaxadaren aurrean kanpaldia egin dute.
Bi iruindar atxilotu dituzte
Karabana Greziara egitasmoan parte hartu ostean bertan geratzea erabaki duten bi iruindar atxilotu ditu Greziako poliziak. Zabaldi kolektibo internazionalista herrialde horretan egitekoa den brigada prestatzen ari zirela atxiki dituzte. Okupatutako hiru etxe husterakoan hartu dituzte preso, beste hainbat ekintzaile eta han babes hartuta zeuden migranteekin batera. Azken hauek errefuxiatu guneetara eraman dituzte militarrek.
![Okupatutako etxean atxilotutako iruindarrak eraman zituen autobusa [ahotsa.info]](/fitxategiak/ckfinder/images/busa.jpg)
Atxilotzerako orduan poliziek biolentziarik ez dutela erabili adierazi dute Zabaldiko kideek, polizia-etxera eraman aurretik egin ahal izan duten deiaren bidez. Datozen orduetan epailearen aurretik igaroko dira, eta aske geratzea aurreikusten dute.
Gobernuak aberriratu ondoren, ia urtebetez bizi behar izan dute aterpetxeetan eta ostatu pribatuetan, eta etengabe lekualdatu dituzte. Gaur egun erabiltzen duten aterpetxea urriaren 31n utzi beharko zutela esan zieten azkenekoz, nahiz eta badirudien beste luzapen bat ezarriko... [+]
"Segurtasun gehiago, inmigrazio gutxiago". Bruno Retailleau barne ministro frantsesa argi mintzatu da, kargua hartu berritan. Etorkinen gaineko kontrola azkartu nahi du Michel Barnier lehen ministro eskuindar-kontserbadorearen gobernuak, eta jada Retailleauk aitzinatu... [+]
Kazetaria eta giza eskubideen defendatzaile sutsua. Munduko Medikuak, Apoyo Mutuo edota SHM gobernuz kanpoko erakundeekin lan egin izan du boluntario eta kazetari moduan. Hainbat komunikabidetan hamaika erreportaje plazaratu ditu Greziako Chios irlatik, hala nola Mediterraneoko... [+]
Igandean egin du erreskatea Aita Mari salbamendu ontziak. Azaldu dute Siriatik etorritakoak direla gehienak, baina badaudela haien artean Egiptotik, Nigeriatik eta Bangladeshtik etorritakoak ere. Aita Mari ontziari Ravennako portuan lehorreratzea agindu dio Italiako... [+]
Calabriako (Italia) kostaldetik 120 miliatara hondoratu da astelehenean ontzi bat eta erreskate lanetan, haurdun zegoen emakume bat hil da. Libiatik gertu beste ontzi batean, ura sartu eta hamar pertsona hil dira sotoan. Desagertuen artean gutxienez 26 ume daude.
Ekainaren 16an Britainia Handiko BBC telebista kateak publiko egin duenez, Greziatik Europara joan nahi zuten pertsonak modu basatian hil izan dituztela frogatzen duten lekukotasunak bildu dituzte. Greziako uretatik irten eta brankatik behera itsasora bota dituzten bederatzi... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]