Hego Euskal Herriko bizilagunek etxe turistikoak debekatzeko aukera izango dute, 3/5eko gehiengoz
Espainiako Auzitegi Gorenak ebatzi duenez, bizilagunen komunitateek eraikin edo urbanizazio batean etxe turistiko gehiago jartzea debekatzeko ahalmena izango dute, betiere bostetik hiruko gehiengoa lortuz gero. Modu horretan, atzera bota ditu Espainiako Estatuan etxe turistikoen sektorean diharduen zenbait enpresaren helegiteak.
Orain arte probintzia auzitegi bakoitzak nahieran interpretatu eta aplikatzen zuen Jabetza Horizontalaren Legeko 17.12 artikulua. Gehienetan, auzitegiek ebatzi dute komunitateko jabe guztiek egon behar zutela ados etxe turistiko gehiago jartzeko debekuarekin, eta hori aldatzera dator, hain justu, Gorenaren epaia, 3/5eko gehiengoa –jabeena zein parte-hartze kuotena– ezarrita.
Bizilagunen zenbait komunitatek aurkeztutako helegiteak aztertu dituzte epaileek. Marbella hirian, esaterako, bizilagunek salatu zuten etxe turistiko bateko bezeroek zarata handia atera, gauzak apurtu edota atarian txiza egiten dutela. Bozketa egin eta 51 jabeetako 48k etxe turistikoak debekatzearen alde egin zuten, baina sektoreko bi enpresak kasua epaitegietara eraman zuten.
Auzitegi Goreneko epaileen hitzetan, turismo-tasa handia duten hirietako errealitateak erakusten du aisialdia eta atsedena nekez direla bateragarriak. Azaldu dute 3/5eko gehiengoa ezartzea neurrikoa dela, gainerakoan –debekua aho batez onartu behar izatea– zentzurik ez lukeelako, debekua atzera botatzeko nahikoa izango litzatekeelako etxebizitza turismora bideratu nahi duen jabearen kontrako bozka.
Frantziako Estatuko diputatuak eta senatariak ados jarri dira. Orain arte, alokairu turistiko bat alokatzen zutenek etekinen %50 zergapetik kentzeko aukera zuten, urte osoko alokatzaileek, berriz, %30. Lege proposamenak biak hein berdinera ekarriko ditu, hots, %30era.
Asteburu luze bat. Ingurutik bueltatxo bat eman eta pikoteoa egiteko probestu dugu. Turistak selfie-ak egiten. Turistentzako bideak, alokairuak, dendak, hotelak, aparkalekuak, menuko platerak, seinaleen kartelak munduko hizkuntza orotan. Turistak ohiko lekuak leku arrotz... [+]
Etxebizitzen %20 baino gehiago jadanik bigarren etxebizitzak dira Ipar Euskal Herrian. Larrialdi klimatikoaz sentsibilizatzeko lau hilabetez, Nantesetik abiatu Alternatiba txirrindula itzulia, kostaldean zen aste buruan.
Kataluniako erkidegoko azken hauteskundeetatik eta Europako Parlamenturako bozen emaitzetatik abiatuta, presio turistiko handiena bizi duten Herrialde Katalanetako herrietan eskuin muturraren botoak nola egin duen gora aztertuko dugu artikulu honetan.
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.
Etxe turistikoek alokairuaren merkatuan duten pisua aztertu dute, eta hainbat datu adierazgarri gelditu dira agerian.
Lau egunez behin hotel berri bat zabaltzen dute Espainiako Estatuan.
Etxebizitza turistiko berriak erregistratzeko baimenik ez ematea erabaki du Mundakako gobernu taldeak, ostegun honetan egin duen ezohiko bileran. Hirigintza Antolamendurako Plan Orokorrean (HAPO) behar diren aldaketak egingo ditu lizentzien etetea burutzeko.