Hazparneko Ttattola Gaztetxea itxi eta Hendaiako Enbata irekiko dute
Ttattola itxiko dietela jakin ondoren, Hazparneko gazteek "datozen bi hilabeteetan inoiz baino gogo handiagoz ariko gara" eman dute aditzera.
Ttattolak datorren urtean hemezortzi urte beteko ditu eta Gaztetxeko kideek ibilbideari amaiera ematea erabaki dute modu duin batez. Jabeak egoitza berreskuratu nahi duela jakin ondoren, "Ttattola hil da, aupa Ttattola!", lema zabaldu dute sare sozialetan.
"Jabeak lokala berreskuratu nahi du bere erabilpen pribatuarentzat”, adierazi dute gaztetxeko kideek. Beraz, ibilbidearen akabera ez da –zurrumurruek esan dutenez– belaunaldi baten amaiera. Belaunaldi berria beste lokal biziarazteko prest dago, alta bada, orainokoan ez dute Gaztetxe berria apailatzeko eraikinik aurkitu. Edonola ere, "lokalik gabe animazioak antolatzen segituko dugu", jakinarazi dute gazteek.
Iparraldeko gazte mugimendua ez dago hilik, ez horixe. Hazparneko behin-behineko etenaldia izan bitartean, Hendaiako gazteek Enbata Gaztetxea zabaldu eta biziarazi dute uztailaz geroztik.
Gaztetxe berria Caneta auzoan dago. Azaroaren 30ean eginen dute ekitaldi nagusia. Ostiralean Euskal Preso, Iheslari eta deportatu politikoaren aldeko ekitaldia eginen dute Gaztelu Zahar frontoian, 19:00an. Larunbatean, berriz, Irekiera ekitaldiaz gain, bertso bazkaria eta kontzertuak izanen dira.
Iragarrita zegoen moduan, Bilboko Errekalde auzoko Etxarri II gaztetxea hustu du Ertzaintzak 9.00etan abiarazi duen operazioarekin. Arratsaldean protesta manifestazioa egingo dute auzoan, 19:00etan Amezolako tren geltokitik abiatuta.
Pasa den asteko "kaleratze ilegala" salatu dute hainbat herritarrek, ostiral arratsaldean.
Manifestazio jendetsu batek herriko kaleak zeharkatu ditu, Poliziaren gehiegizko dispositibo batek zainduta, gazteek kudeatutako guneen defentsan eta Gaztetxeak erasoen aurrean defendatzeko. Manifestazioaren amaieran, publiko egin dute iragarpena.
Amenabar enpresak Bilboko Udalaren eskutik apirilaren 4rako agindu duten desalojoaren kontra azaldu dira bilkuran. Poliziak indarrez kanporatu ditu. Ostiral honetan18.30ean, Errekaldeko Plazatik hasiko den manifestaziora batzeko deia luzatu dute gazteek, baita desalojoaren... [+]
Bilboko Udalak eta Amenabar enpresak proiektu urbanistiko baten pean itxi nahi dute 10 urtez auzoko bizitza sozialaren erdigunea izan den topalekua. Horren aurrean, hiriko 55 kolektibok baino gehiagok manifestu bat sinatu dute prozesua gelditzeko exijitzeko.
Protestak 24 ordu bete dituenean, suhiltzaileak bertaratu dira udaletxera eta kateak moztu dizkiete bi gazteei. Bi kateatuek gaua bertan igarotzea "udaletxearen hautua" izan dela adierazi du Gazte Asanbladak, eta udalaren ordezkariek "ekintza deslegitimatzeko eta bi... [+]
EH Bildu agintean dagoen udalak gaztetxearen etorkizuna ziurtatzeko aterabide bat adosteari "uko" egin diola salatu du Burlatako Gazte Asanbladak. Beste hainbat gaztek udaletxe kanpoan kanpatu dute, eta goizean zehar bertara hurbiltzeko dei egin dute.
Iruñerrian bat egin dute hainbat Gazte Asanbladak, Burlatako Gaztetxearen alde. Etxarriren desalojoa gelditzera deitzeko, bestalde, manifestazio bat antolatu dute Bilbon hilaren 28rako.
Asteburu honetan hasiko da Gaztetxeak Bertsotan egitasmo berria, Itsasun, eta zazpi kanporaketa izango ditu Euskal Herriko ondorengo hauetan: Hernanin, Mutrikun, Altsasun, Bilboko 7katun eta Gasteizen. Iragartzeko dago oraindik finala. Sariketa berezia izango da: 24 gaztez... [+]
Errekaldeko Gaztetxearen aurkako huste-agindua heldu da jadanik. Espazioa defendatzera deitu dute bertako kideek.
Kolektiboki antolatzeko grina aspalditxotik gorpuztu da, besteak beste, kulturaren esparruan. Jendea batzeko abaguneak dira kontzertuak, eta horregatik, musika kolektiboei egingo diegu txokoa erreportaje honetan. Gaia hain zabalean hartu ordez, Araban ipiniko dugu fokua,... [+]
Larrabetzuko Hori Bai Gaztetxeak 60 urte bete ditu. Euskal Herriko Gaztetxe zaharrena da Larrabetzukoa.
1965ean sortu zen Larrabetzuko Hori Bai gaztetxea, frankismo garai betean. Ordutik ez ditu ateak itxi, eta 2025ean 60 urte bete ditu. “60 urte lotu barik” lelopean eman diote hasiera urteurrenari gaztetxeko kideek.
Eraikin osoan zehar egin dituzte margoketa faxistak. Erasoa salatzeko, protesta bat antolatu dute larunbaterako.
Larunbat arratsaldean istiluak izan ziren gaztetxe berriaren atarian, Ertzaintza gogor oldartu zen gaztetxeari babesa ematera joandakoen aurka. Hori dela eta, ehunka lagun bildu dira igande honetan foam jaurtigailu bidezko kargak salatzeko eta udalaren jarrera seinalatzeko... [+]