Hazparneko gaztetxea hustu dute jendarmeek
Ttattola Gazte Asanbladako kideak gaur goizean kanporatu dituzte abuztuaren 21ean Hazparnen (Lapurdi) okupatutako eraikinetik. Bi gazte komisaldegira deitu dituzte arratsaldean. Euskal Irratiak komunikabideak jakinarazi du berria.
Euskal Irratiak sare sozialen bidez jakinarazi duenez, jendarmeek Hazparneko (Lapurdi) gaztetxea hustu dute gaur goizean. Hedabidearen arabera, arratsaldean bi gazte deitu dituzte komisaldegira kaleratzea eta gero.
Davidenea eraikina okupatu duten Ttattola Gazte Asanbladako kideek abuztuaren amaieran jaso zuten kanporatze agindua, eta hilaren 30erako utzi behar zuten eraikina. Baina gazteek errekurtsoa jarri zioten agiriari, eta bertan jarraitzeko asmoa azaldu zuten. Gaztetxearen defentsan, hainbat mobilizazio eta elkarretaratze egin zituzten kaleratze eguna deituta zegoenean zein irailaren 4an (200 pertsona bildu ziren manifestazioan).
Ekintzez gain, gazteek prentsa ohar bidez salatu zuten Udalak entzungor egin ziela, eta ez ziela konponbiderik eskaini nahi izan. Isabelle Pargade auzapezak ez zien okupatutako eraikinaren jabeen kontaktua eman nahi, antza, ez zeukatelako haiekin “hitz egiteko gogorik”.
Gainera, kaleratze aginduan gazteak kanporatzeko erabilitako “gezurrak” ere salatu zituzten gaztetxekoek: eraikina Micheline Jeanne Casaux 95 urteko emakumearen bizitokia zela esaten zuten agirian, eta gazteek haren egoitza okupatu zutela. Halere, Davidenea denbora luzez hutsik egon izan dela azaldu zuten asanbladatik.
Okupazioa beren azken aukera zela gehitu zuten: “Ekintza ilegal bat hautatu badugu ere, elkarrizketa eta negoziazioa beti hobetsi ditugu”. Proposamen kulturalik gabeko “hiri huts” batean, herritar guztiak bildu eta ekintza kulturalekin Hazparne “dinamizatzeko” gunea sortu nahi zutela azaldu zuten.
Beste kaleratze bat
Poliziak bigarren aldiz kaleratu ditu gazteak herrian okupatutako eraikin batetik. 2020ko urtarrilaren 31n, jendarmeek indarrez bota zituzten hamazortzi urtez martxan izan zuten Ttattola gaztetxetik. Urte eta erdiren ondoren, abuztuaren 21ean okupatu zuten herriaren erdiko Davidenea eraikina, berriki hustu dutena.
Pasa den urriaren 30ean, Portugaleteko Sastraka Gaztetxeko bederatzi lagun auzipetu zituzten. Handik egun batzuetara Portugaleteko kaleak hartu zituzten hainbat lagunek gaztetxearen defentsan. Bi egun geroago, fiskalak karguak kendu zituen.
Bertan behera geratu da Barakaldoko epaitegian egingo zen Sastraka Gaztetxeko bederatzi kideren aurkako epaiketaren ahozko saioa. Akusatuen defentsak egozten zaien okupazio delitu arinaren preskripzioa planteatu du, eta Fiskaltzak karguak erretiratu ditu.
Azaroaren 5ean epaituko dituzte Barakaldoko epaitegian. “Kapitalismoaren logikatik kanpo” dagoen alternatiba bat sortzeagatik okupazio mugimendua “kriminalizatu eta zigortu” nahi dutela salatzen dute gaztetxeko kideek. Txirbilenea Kulturgunearen hustearen... [+]
2020an birjabetu zuten espazioa Portugaleten, eta horren harira epaituko dituzte bederatzi pertsona azaroaren 5ean. Ostiral honetan manifestaziora deitu dute, 'Okupazioaren kontrako erasoak gelditu' lelopean.
Euskal Herri mailako topaketak antolatu dituzte hainbat gaztetxe eta gazte asanbladatako gazteek urriaren 19rako, Leitzan (Nafarroa). Mugimenduaren egoeraz eta egitekoez hausnartu, elkarren artean saretu, eta borrokarako indartzea dute helburu. Idatziz erantzun diete ARGIAren... [+]
Autogestio espazio "irekiak, asanblearioak eta horizontalak" eraiki nahi dituzten gaztez osaturiko gaztetxe eta gazte asanbladak antolatutako jardunaldiek gaur egun atomizatua eta polarizatua dagoen esparru batean eragin nahi dute.
Isabelle Pargade Hazparneko auzapezak ofizialki eman dizkio Ttattola gaztetxeari lokal berriaren gakoak. Bien arteko negoziaketa luze batzuen ondorio da.
Eraikinetik ateratzeko agindua eman diete Zestoako Gazte Asanbladako kideei, eta prozesuaren gastuak ordaintzera zigortu dituzte. Gaztetxearen defentsan mobilizatzera deitu dute igandean, otsailak 4, Zestoako plazatik.
Zestoako Elizondo eraikina gaztetxe berri gisa okupatu zuen Gazte Asanbladak. Eraikina Elizaren jabetzakoa da, eta gotzaindegiak gaztetxearen aurkako prozedura abian du. Protesta ekintzak nagusitu dira azken asteetan, igandean Zestoako elizan, esaterako. Zestoako Udalak adierazi... [+]
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Kontzertuetarako materiala eta baliozko tresnak eraman dituzte.
Ez Dago Hilda festibalaren antolakuntzak azaldu duenez, festibal honen helburua dirua lortzea izanen da Iruñerriko eszena autogestionatuak behar duen entsegu espazio bat eskuratzeko. Urriaren 28an Berriozarko Ilargi parkean ospatuko da hirugarren edizio hau.
Zestoako Gazte Asanbladak jakinarazi du Gaztetxea husteko prozedura judiziala martxan jarri duela berriz Gipuzkoako gotzaitegiak, negoziatzeko deiei entzungor eginda. Aurtengo otsailean birjabetu zuten Elizondo eraikina izandakoa Gazte Asanbladako kideek.
Ttatola gaztetxeko kidea Baionako epaitegian errudun jo dute. Epaiketa salatzeko mobilizazioa egin dute ostegunean, hilak 22, Hazparneko plazan.