Haydeé Gastelú hil da, Argentinako Maiatzeko Amen Elkarteko sortzaileetako bat
1977an egin zuten lehenbiziko mobilizazioa Argentinako Maiatzeko Plazako Amek, eta bertan zen Gastelú. Zortzi hilabete lehenago desagertua zen haren seme Horacio, eta beste hainbat emakumerekin batera, beren seme-alaben gainean galdegiten zioten Jorge Rafael Viledaren gobernuari. 25 urte geroago ezagutuko zuen semeari egin ziotena, eta ondoren ere, borrokarekin jarraitu zuen. 94 urterekin zendu da.
Asteartean zendu zen, 94 urterekin, Haydeé Gastelú. 1928an Buenos Airesko probintzian (Argentina) sortua, Maiatzeko Plazako Amen elkarteko fundatzaileetako bat izateagatik eta elkartean aurrera eramandako borrokagatik da ezaguna. Jorge Rafael Videlaren diktadura militarra oraindik indarrean zela, beronen ondorioz desagertutako seme-alabengatik galdezka, Buenos Aireseko Maiatzeko Plazan biltzen hasi ziren Maiatzeko Plazako Amen elkartea osatuko zuten emakumeak. 1977ko apirilaren 30ean egin zuten lehen mobilizazioa, eta bertan parte hartu zuen Gastelúk; ordutik, aktibo egon da elkartean.
Lehen mobilizazio hori baino zortzi hilabete lehenago desagerrarazi zuten Gastelúren seme Horacio Oscar García Gastelú, 21 urte zituela. Hura aurkitzeko xedez egin zuen bat antzerako egoeran zeuden beste hainbat emakumerekin. Gerora jakin ahal izan zuenez, 1976ko abuztuaren 7an bahitu zuten semea, eta abuztuaren 20an hil zuten Fatimako Sarraskia izenez ezagutzen den hilketan: Buenos Aires probintziako Fatima herrian 30 pertsona exekutatu zituen Argentinako Armadak. Hilotzen artetik bost identifikatzea lortu zuten lehen kolpean, baina gainontzekoen identitatea argitu arte denbora gehiago pasa zen. Zehazki, 25 urteren ostean jakin zuen Gastelúk Horacio zela Fatiman hilda agertutako bat.
"Zorigaiztoko egun hartaz geroztik, justiziaren eta egiaren bilatzaile nekaezin bilakatu zinen. Lasaia eta jakintsua izanik, zure bihotz handiak hainbat eta hainbat amaren konpai, baita desagertutako hainbat ahizpena ere". Maiatzeko Plazako Amen Elkartea Lerro Fundatzaileko bere borroka kideek eskaini dizkioten agur-lerroetan hitzok irakur daitezke.
Erresistentziaren, oroimenaren eta amorerik eman gabeko borrokaren eredu izan izana aitortuz eman du Gastelúren heriotzaren berri Argentinako Giza Eskubideen Idazkaritzak.
Genero eskubideen urraketaren inguruan mintzatu gara Silvina Molina kazetariarekin. Télameko (Argentinako albiste agentzia publikoa) Generoen eta Aniztasunen ataleko editorea zen Molina, Javier Mileiren gobernuak martxoan agentzia itxi zuen arte. Kazetaritza, inklusioa... [+]
Maiatzaren 25ean Aberriaren Eguna izan zen. Argentinan. Bere aberria izugarri maite duen presidentea dute orain han, eta munduan barrena dabil hango berri emanez. Pasa zen Espainiatik ere, “Europa Viva 2024” enkontru satanikora joateko. Barregura ematen zuten haiek,... [+]
Azken hiru hilabeteetan %8 igo da tasa: 3,5 milioi pertsona gehiago daude pobreziaren mugaren azpitik. Mileiren neurriak txalotu ditu Nazioarteko Diru Funtsak, langileen pobretzea handitzen den bitartean.
Ez du irabaziko, erotuta dago, esaten ari dena ez da posible. Edonork ikusten du ez dagoela estatu bat gobernatzeko prestatuta. Teoriko bat da, ez dauka errealitatearen kontzientziarik. Feminismoak emandako pausoak atzeraezinak dira, herritarrek ez dute onartuko zenbait eskubide... [+]
Argentinako Lanaren Apelazioen Ganberak behin-behinean atzera bota du Argentinako presidenteren lan-erreforma, CGT Lanaren Konfederazio Orokorra sindikatuaren salaketari esker.
Argentinako presidente kargua hartu du Javier Mileik igandean. Bere hitzaldian adierazi du "aldaketa erradikal" bat izango dela herrialdean.
Abenduaren 10ean hartuko du Argentinako presidente kargua Javier Milei ultraeskuindarrak, eta hautatu dituen gobernukideak zeresana ematen ari dira: Rodolfo Barra estatuko abokatuen buru izango da, iragan nazia duena; Patricia Bullrich, Segurtasun ministro; María Eleanora... [+]
Javier Milei ultraeskuindar eta ultraneoliberalak egiturazko aldaketak iragarri ditu, esanez ez dagoela “erdibideko neurrientzat lekurik”. Sergio Massa peronistak botoen %44 eskuratu ditu eta espero gabeko porrota onartu du.
Donostiako Zinemaldiaren azken edizioan Horizontes Latinos saileko irabazlea izan den El Castillo (Gaztelua) filma zuzendu du Martín Benchimolek (Buenos Aires, Argentina, 1985). Pelikulak protagonista ditu haien burua antzezten duten Justina eta Alexia ama-alabak, zeinak... [+]
Nola jakin zenuen Argentinan hauteskundeak zirela? Javier Milei ero baten bideo biralizatuari esker izan zen? Noiz utzi genion Hego Amerikako politikari begiratzeari? Noiz erabaki genuen geure lekua Europa zela? Argentina krisiengatik iristen zaigu, edo politikari ero bat... [+]
Argentinako politikan interesa duen edozein ezkertiarrentzat, gau beldurgarria zen joan den igandekoa. Hauteskundeak egin zituzten. PASO esaten dieten primarioetan erein zen beldurra, ultraeskuina bere bertsio eroenean garaile atera zenez. Dardaraka bildu ginen bakoitza bere... [+]
Sergio Massa Unión por la Patria alderdiko kideak, jarduneko Ekonomia ministroak, irabazi du Argentinako hauteskundeen lehen itzulia. Ezustekoa izan da, inkesten arabera Javier Milei ultraeskuindarra izango baitzen bozkatuena. Lehenak botoen %36,64 jaso du, eta bigarrenak... [+]
Kantuta Killa eta Wari Rimachi, Ayllu Mayu Wasi komunitateko bi indigenari barre egin zieten Bien de mañana programan. Erasoak salaketa asko eragin ditu, eta programak barkamena eskatu behar izan du.