Hautsak harrotu ditu WhatsAppen erabilera-baldintzen eguneraketak
Erabilera-baldintzak eta pribatutasun politika eguneratu ostean Europatik kanpoko erabiltzaileen datuak Facebookekin elkarbanatuko ditu WhatsAppek. Euskal Herriko erabiltzaileen datuen partekatzeari ez dio eragiten eguneraketak. Sareetan hainbat erreakzio eragin ditu berriak, eta Telegram eta Signal aplikazioetako erabiltzaile kopuruak handitu dira.
WhatsApp-ko erabiltzaileek aplikazioan bertan abisu bat jaso dute egun hauetan, otsailaren 8an indarrean ezarriko diren erabilera-baldintza eta pribatutasun politika berriak onartzeko edo “orain ez” onartzeko aukerarekin. Izan ere, otsailaren 8tik aurrera nahitaez onartu beharko baitira baldintza berriak aplikazioa erabili ahal izateko. Kontrara, kontua ezabatzeko aukerara bideratzen du eguneraketaren mezuak.
Zertan da, beraz, eguneraketa? Aldaketa garrantzitsuena erabiltzaileen datuen partekatzeari dagokio. Europako herrialdeetan, hau da, Europar Batasuna, Europako Esparru Ekonomikoa eta Erresuma Batua salbu, WhatsAppek Facebookekin informazioa parteka dezan ahalbidetzen du eguneraketak.
Duela sei urte erosi zuen Facebookek mezularitza aplikazioa, 19.000 milioi dolarrengatik, eta geroztik bien arteko lotura indartzen joan da, datuen partekatzeari dagokionez, batez ere. Otsailaren 8tik aurrera, Europan izan ezik nahitaezkoa izango da.
Izan ere, esan bezala, Europako herrialdeetako erabiltzaileen datuen partekatzeari ez dio eragingo erabilera-baldintzen eguneraketak. Europako herrialdeetan WhatsApp Ireland enpresak kudeatzen ditu aplikazioaren erabiltzaileen datuak, eta EBn 2018an ezarritako Datuak Babesteko Erregelamendu Orokorra jarraituz ez ditu, diotenez, datuak Facebookekin partekatzen.
Euskal Herriko erabiltzaileei, aldaketa honek oraingoz are gehiago eragiten ez badie ere, agerian geratu da zenbaterainoko garrantzia duten aplikazioek metatzen dituzten erabiltzaileen datuek. Askotarikoak dira WhatsAppek biltzen dituen datuak: telefono-zenbakia eta erregistratzerakoan emandako informazioa (izena, esaterako); mugikorrari buruzko informazioa, marka, modeloa eta telefono konpainia barne; IP helbidea, internet konexioaren kokagunea adierazten duena. Baina baita kontaktuak, egoera-eguneraketak, noiz eta zenbat denboraz erabiltzen den aplikazioa ere, nahi izanez gero.
Eztabaida eragin zuen 2023ko urriaren 21ko EAEko irakasleen oposizioetara sartzeko Whatsapp bidez jasotako QR kodea erabili beharrak. Azkenean, akreditazioa webgune baten bidez eskuratzeko aukera ere eman zuen Eusko Jaurlaritzako Hezkuntza Sailak. Hemendik aurrera... [+]
EAEko irakasleen oposizioetako azterketak urriaren 21ean egingo dira BEC-en. Eztabaida eragin du bertara sartzeko Whatsapp bidez jasotako QR kodea erabili beharrak. Azkenean, akreditazioa webgune baten bidez eskuratzeko aukera ere emango Eusko Jaurlaritzako Hezkuntza Sailak.
Datuak babesteko Irlandako Batzordeak, DPCk, 225 milioi euroko isuna ezarri dio Whatsappi, datuak babesteko araudi europarra urratzeagatik. Zehazki, arazoa da Whatsappek ezkutatu egiten duela zer eta zenbat datu pertsonal partekatzen duen Facebookekin. Facebookek Irlandan dauka... [+]
Niri asteazkenean iritsi zait mezua, whatsapp bidez: “Lagundu iezadazu munduari itzulia ematen. Nico naiz” (ikusi irudia). Ziztu bizian zabaldu da astearte goizean Madrilgo ikastetxe batean abiaturiko esperimentua: helburua, ohartzea irudiak zeinen azkar hedatzen... [+]
WhatsApp aplikazioa ordenagailuetan erabili ahal izateko aukera eskainiko duen web bertsioa jarri dute martxan.
Facebook konpainia WhatsApp mezularitza enpresa erosteko adostasunera iritsi da asteazkenean, AEBetako Balore Merkatuko Komisiora (SEC) bidalitako informazioaren arabera. Salerosketa oraindik ez da itxi, operazioa burutzeko agintaritzaren baimenak jaso behar baitituzte.
Internet bidezko datuen bidalketak kontrolatzea geroz eta errazagoa bihurtzen ari da. Horregatik mugikorreko aplikazioen bidez bidaltzen dugun informazioa neurtu egin behar dugu ondoren arazorik izan ez dezagun.
Azken aldi honetan mugikorretako bat-bateko mezularitzako sektorean lehia zorrotza gertatzen ari da. Izen handiena dutenak gutxi batzuk dira: gurean Whatsapp-a, Line eta Wechat ekialdean... Baina aplikazio hauen atzean beste batzuk tokia egin nahian ari dira ezaugarri... [+]
WhatsApp, sakelako telefonoetan mezu bidezko komunikazioa ahalbidetzen duen aplikazioa itzultzeko sistema ireki dute. Milaka dira telefono inteligenteekin aplikazio hori darabilten euskaldunak, baina orain arte ez da aplikazioa bera euskaraz deskargatzeko aukerarik izan... [+]