Hauteskundeen jarraipen berezia egingo dugu igande gauean ARGIAn
Espainiako hauteskunde orokorren jarraipen berezia egingo dugu ARGIAn datorren igande gauen. 19:00etatik aurrera eguna nola joan den kontatuko dugu eta 20:00etan hautes-lekuak ixten direnetik aurrera, emaitzen berri emango dugu gure webgunea eta sare sozialen bidez.
Apirilaren 28an egin ziren Espainiako Legebiltzarrerako hauteskundeak eta PSOEk irabazi zituen nabarmen, baina beste norbaiten beharra zuen gobernua osatzeko. Unidas Podemosekin jardun zuen negoziatzen hilabeteetan. Pablo Iglesiasen alderdiak koalizio gobernua osatu nahi zuen, ardura handiko ministerioak hartuz. Pedro Sanchezek, ordea, hasieratik ukatu zuen aukera hori eta Unidas Podemosen sostengu parlamentarioan jarri zuen bere indarra.
PSOEk ez zuen akordiorik lortu eta horrek azaroaren 10ean hauteskundeak errepikatzea ekarri zuen. Orduko inkestek emaitza hobeak iragartzen zioten PSOEri eta honek hori baliatu zuen hauteskundeak errepikatzeko. Espainiako Auzitegi Gorenaren epaiaren ondoren, oraingo hauteskundeetan Kataluniako epaia aurrekoetan baino askoz presenteago dago eta, dirudienez, horrek eskuina eta eskuin muturra hauspotu ditu Espainian.
Datorren igande gauean argituko dira zalantza guztiak eta ARGIA.eus-en guztiaren berri eskainiko dugu. Espainiako Estatuko emaitzak, Hego Euskal Herrikoak eta Kataluniakoak bereziki jarraituko ditugu, informazioa, analisia eta mapa interaktiboen bidez. Twitter, Facebook eta Telegrameko gure kanaletatik ere jarraipen zehatza egin ahal izango da.
Ondo gogoratzen du noiz izan zen lehen ziztada: 2019ko apirilaren 28an. Espainiako hauteskundeekin kointziditu baitzuen. Modurik txepelenean gertatu zen: beti bozkatzen duen –tradizioz, konformismoz, are abulia puntu batez– alderdiaren boto papera hartu eta... [+]
Zein udalerrietan izan da indartsuen EAJ? Zeinetan EH Bildu? Non bozkatu da gehien Ahal Dugu? Eta Vox non da indartsuen Euskal Herrian? Zein dira PSOEren indarguneak? Eta PPrenak? Kontsultatu guztia infografia interaktiboen bidez.
Azaroaren 10eko Espainiako hauteskundeetan jaurtitako promesak betetzeko ordua iritsi da.
EAJk Bizkaiko azken diputatua galdu du PPren mesedetan, atzerriko botoengatik eta gaizki zenbatutako 200 boto ingururengatik.
Asteartean PSOEk eta Unidas Podemosek Espainiako Gobernua osatzeko akordioa sinatu zuten, baina bi alderdi horien batura ez da nahikoa inbestidura ziurtatzeko. Nola jokatuko du EAJk Madrilen dituen zazpi diputatuekin? Aitor Estebanek ez du gauza askorik argitu oraingoz.
Ez da harritzekoa, kanpaina honetan, Syriza greziar alderdiaz eta Tsipras lehendakari ohiaz aipamen batere ikusi/entzun ez izana, nahiz eta pisu handia izan duen, nik uste, greziar eskarmentu hark. Nahita ahazturik jendearen aurrean, baina presente, oso, kanpaina diseinuetan... [+]
"Politikari guztiak berdinak dira”. Esaldi hori aditzen dudan bakoitzean, egonezinak kolpatzen nau. Norbaitek bere burua apolitikotzat jo edo munduko hiritar gisa aldarrikatzen duela entzunda nabaritzen dudan egonezin berak.
Beste klase bateko erranaldiekin... [+]
Atzoko emaitzak ikusita, Espainiako Gorteetarako egin ziren lehen hauteskundeekiko konparaketa bat egin daiteke. Emaitza ez da berdina, baina badu antzeko kutsua 1977. urtean izan ziren hauteskundeekin konparatuz gero: alderdi askoren presentzia, zatiketa, nazioen presentzia... [+]
Atzo, Pablo Iglesiasek esan zion Pedro Sanchezi, lo gutxiago egingo zuela ultraeskuindarren gorakada ikusta, Podemos-eko ministro bat edo bi izanda. Ez dakit Pedro Sanchezek lo ondo egin duen ala ez, baina argi dagoena da, hauteskunde berriak konbokatu zituenean, Pedro Sanchezek... [+]
Atzo ere, hauteskunde eguna. Eta gaur, berriro ere, gertuko etorkizunaz hausnartzeko eguna. Egia esan, ez dakit zer hautatu dugun edota batzuek zer nahi zuten guk hautatzea. Adibidez, Sánchez hautagaiaren hitzetan, azaroaren 10ean ez ziren politikak bozkatzen, gobernua... [+]
PSOE eta Podemosen arteko akordioa gorabehera, berriro bozkatzera eraman nahi izan gaituzte gobernuaren osaketa alderdi independentisten esku zegoelako. Ez gaitezen engaina, Espainiako egoera ez da gobernua osatu ezinean sortutako blokeo politikoa, ez hori bakarrik bederen:... [+]
Espainiako Kongresurako eta Senaturako hauteskundeen errepikatzea izan da honakoa, 2015etik laugarrenak. Eta lehen galderak izan behar luke zertarako errepikatu dituen hauteskundeak apirileko deialdian irabazle izan zen PSOEk. Izan ere, azaroaren 10eko hauteskundeek joko zelai... [+]