Haustura hidraulikoaren arriskuak ezkutatu zituen Arabako Foru Aldundiak
Gasteizko SER irratiko Iker Armentia kazetariak bere blogean jakinarazi du Arabako Foru Aldundiak ezkutatu egin zituela frackingaren arriskuez ohartarazten zuten txosten bi.
Armentiak gogoratzen duenez, iazko apirilean frackingari buruzko jardunaldiak egin ziren Gasteizen, bertako Udalak, Arabako Aldundiak eta Eusko Jaurlaritzak antolatuta. Jaurlaritzaren jarrera haustura hidraulikoaren erabat aldekoa izan zen –gogoan izan PSE-EE zegoela artean gobernuan, eta beraiek izan zirela gas ez-konbentzionalaren ustiaketa bultzatu zutenak-, eta Udala, aldiz, nahikoa uzkur agertu zen, teknikak dituen arriskuengatik. Foru Aldundiak, Alberto Cimadevilla teknikariaren ahotik, frackinga erabat segurua zela defendatu zuen, edo behintzat, ez ziola mehatxurik egiten Subillanako akuiferoari.
Alberto Cimadevilla Foru Aldundiko Ur Zerbitzuko Hidrogeologia Saileko burua da. Hitz haiek esan eta aste gutxira, maiatzaren 17an, frackingaren arrisku falta berresten zuen txostena sinatu zuen.
Iker Armentiak azpimarratzen du, ordea, apirileko jardunaldiak egin zirenean Arabako Aldundiak bere Ingurumen Sailak egindako txosten bi zituela mahai gainean –bata urte hartako otsailekoa, bestea martxokoa-, eta txosten horiek frackingaren arriskuez ohartarazten zutela, hala nola Enara ustiategiko proiektuari buruzko informazio eskasaz. Hiru txostenak, Ingurumen Sailak egindako biak eta gerora Cimadevillak sinatutakoak, osorik jarri ditu bere blogean Iker Armentiak. Hemen duzue, dokumentu berean jasota, haien kopia bat (pdf). Gaztelaniaz daude hirurak.
Txostenak berrienetik zaharrenera ordenatuta daude. Bigarrena, martxokoa, Maria Elena Gomezek eta Juan Abadek izenpetzen dute, Ingurumen eta Biodibertsitate Zerbitzuko buruak eta Ingurumen Ebaluazio eta Zuzentasun ataleko buruak, hurrenez hurren. Besteak beste, hau diote (euskaratzea gurea da):
“… erabilitako ur gehiena, gehigarri [kimiko]ekin batera, ez da berreskuratuko, eta horrek arriskua eragingo du lurrazpiko uretan; horri gaineratu egin behar zaio kanpora ateratzen diren eta gehigarriek kutsatu dituzten lokatzen arriskua, gerta bailiteke haien tratamendua desegokia izatea”. (Berriki, ikerlan batek jakinarazi du oso zaila dela ur horiek guztiz deskutsatzea).
“Sustatzaileak emandako ingurumen txostenean kontraesana dago fracking prozesuan lurretik aterako diren lokatzak tratatzeko putzuez [ez dago argi putzu horiek egingo diren ala ez]. (…) Helarazitako informazioarekin ezin daitezke ebaluatu ingurumen arloan izango diren ondorioak, ez eta konposatu kimikoek (…) lur azpian, akuiferoan, habitat naturaletan, espezieetan eta pertsonen osasunean izango dituzten ondorioak ere”.
“Kezkatzekoa da zulatze eta kitzikatze faseetan erabiliko diren gehigarrien marka komertzialei buruz dagoen ziurgabetasuna”
“Inpaktu geologikoak eta ingurumenari dagozkionak esanguratsuak izango dira akuiferoan”.
Bestalde, Nafarroa haustura hidraulikorik gabeko lurralde izendatzea eskatzen duen mozio bat onartu dute gaur Iruñeko Legebiltzarrean. Izquierda-Ezkerra taldeak aurkeztu du mozioa. PPk kontra bozkatu du eta UPN abstenitu egin da. Gainerako parlamentarioek mozioaren alde bozkatu dute.
900 milioi inguru eskatzen dizkio Energy Transfer Partners enpresak AEBetako Greenpeace erakunde ekologistari, 2016 eta 2017an oliobidearen aurkako protestetan kalteak eragin izana leporatuta. “Epaiketa honetan porrot eginez gero, Greenpeace justizia klimatikoaren aldeko... [+]
Energia krisiarekin Herbehereetan bidegurutze bat sortu zaie: munduko gas natural hobi handienetako bat itxi, aurreikusita zegoen bezala, edo irekita mantendu Europaren presioei men eginez? Eskueran ditugun energia iturri oparoak aprobetxatzeak nolabaiteko kalteak onartzea... [+]
Armentia-2 putzuan gasa esploratzeari uko egingo ziola ofizialki iragarri eta bost hilabetera, Eusko Jaurlaritzak ez du atzera bota Gasteizko Udalaren erabakiaren aurkako helegitea. EH Bilduk eta Eguzkik bertan behera uzteko eskatu diote.
Udal teknikariek ebatzi dute Hiri Antolamendurako Plan Orokorrak (HAPO) ez duela baimentzen gasa dagoen ikertzeko zundaketarik egitea. EAEko Ekonomiaren Garapeneko, Jasangarritasuneko eta Ingurumeneko sailburu Arantxa Tapiak zabalik utzi du helegitea aurkezteko aukera.
Uztailaren 12an New York Times-ek argitaratu zuen: “AEBetan fracking enpresak kiebra jotzen ari dira, iturrien inguruetan bizi direnei utziz pozoi arriskutsuzko kutsadurak eta herritar guztien bizkar hauek garbitzeko kosteak”. Kronikaren hasieran honako kasu bat... [+]
COVID-19ak eragindako anabasaren zalapartak eta klimaren aldaketak hedabideetan uzten dituen irudi beldurgarri bezain espektakularrek estalita, gutxi hitz egiten da petrolioaren krisiaz, tartean fracking-aren gainbeheraz. Bestela esanda, herritarrak ari daitezkeela eztabaidan... [+]
Rapero ezaguna zen TíoBad gaztea Sayula de Aleman (Veracruz, Mexiko) herrian eta haren oihartzuna askoz urrunago ere heldu zen, Mexikon Barrena AEBetaraino. Bertsotan salatzen zituen narkotrafikatzaileekin elkar hartzen duten agintariak, kazetari eta ekintzaileen... [+]
Euskadiko Hidrokarburoak (SHESA) enpresa publikoak Espainiako Ingurumen Ministerioaren oniritzia jaso du Armentia 2 putzuan lanak hasteko. Zulaketak egiteko baimena eskuratzea Eusko Jaurlaritzaren, Arabako Aldundiaren eta Gasteizko Udalaren ardura dela adierazi du Fracking... [+]
Espainiako Biodibertsitaterako eta Ingurumen Kalitaterako Zuzendaritza Nagusiak egindako ingurumen-inpaktuaren azterlana aldekoa izan da Armentia-2 putzuan gasa erauzteko, txostenaren arabera zundak ingurunean ez baitu ondorio kaltegarririk eragingo. Horrenbestez, Espainiako... [+]
Dacota Access oliobideari sabotaiak egin izana aitortu zuten bi ekintzaileren aurka 110 urte arteko espetxea eta ehunka milaka dolarreko zigorra eskatu dute. Azken hamarkadetan ingurumenarekin loturiko ekintzaileei eskatu zaien zigorrik gogorrenak dira, The Intercept... [+]
Sky txirrindulari talde britainiarra INEOS konpainia petrokimikoak erosi duela-eta, haserrea agertu du hainbat talde ekologistak, frackingaren aurkako kolektiboek tartean. Yorkshireko Itzulian protestak egingo dituztela iragarri dute.
2017ko azaroaren 13ean Koreako hainbat herri –tartean izena ematen diona– kaltetu zituen Pohang lurrikara bertan erregaiak fracking bidez erauzteko teknikak esperimentatzen dituen estazio geotermiko batek eragin zuela aitortu du herrialdeko gobernuak, gertakizuna... [+]
AEBetako epaitegi federal batek behin-behinetan gelditu egin ditu gasa eta petroleoa produzitzeko zulaketak 121.000 hektareako eremuan, Wyoming estatuko lur federaletan. Epaiak lehen aldiz aipatzen du Barne Sailak lizitazioa onartu zuenean ez zuela kontutan hartu jarduera hauek... [+]
Orkestraren azken txostenak hainbat datu azpimarragarri dakartza enplegu munduari buruz; bestetik, Bizkaiko ekitaldi eta negozio erraldoi handiei lupa jarriko diegu, Pello Zubiria Argiako kazetariak frackingaren egoera EAEn aztertu du.