Haurreskoletako greba arrakastatsutzat jo eta mobilizatzen jarraituko dutela ohartarazi dute sindikatuek
Hiru eguneko greba deitua izan dute Araba, Bizkaia eta Gipuzkoako Haurreskola Partzuergoko langileek, eta LAB, ELA eta Steilas sindikatuek arrakastatsutzat jo dute. Eman duten datuen arabera, %70eko jarraipena izan du, nahiz eta gehiegizko zerbitzu minimoak, langile askoren greba eskubidearen urraketa, "greba desitxuratzeko hauen inguruko interpretazio interesatuak" eta Eusko Jaurlaritzaren isiltasuna ere salatu duten asteazkenean hedabideetara igorritako oharrean. "Gure helburuak bete arte mobilizatzen jarraitzeko indarra eman digu", adierazi dute.
Abenduan mobilizazio dinamika abian jarri zutenetik zortzigarren greba eguna izan dutela eta oraindik Eusko Jaurlaritzatik ez diela inork deitu adierazi dute. "Bitartean langileen lan-baldintzak okertu eta Haurreskolak Partzuergoa bera arriskuan jartzen dituzten aldebakarreko erabaki politikoak hartzen jarraitzen dute".
LAB, Steilas eta ELA sindikatuek "mobilizazioekin jarraitzea baino ez zaigula geratzen azpimarratu nahi dugu", esan dute, bi hilabetez Jokin Bildarratz buru duen Eusko Jaurlaritzako Hezkuntza Sailaren deirik jaso gabe egon direlako.
Aldi berean, negoziazio kolektiboaren kontrako eraso zuzena eta alde sozialaren lana oztopatzeko ahaleginak salatu nahi izan dituzte. Bildarratz sailburuari haurreskolen inguruan "garbi hitz egin dezala" eskatu diote. Ondorengo galdera ere egin diote: Non geratu da Eusko Legebiltzarrak pandemiaren ondorioz balcintza ekonomikoak okertu zaizkien familiei Haurreskolak Partzuergoaren kuoten hobariak gauzatzeko Euskao Jaurlaritzari egin zion eskaera? Eta erabateko doakotasunerako urratsak?
Azkenik, Haurreskolak Partzuergoak bizi duen gatazka laburbiltzeko beren aldarrikapenak zerrendatu dituzte: haurreskolak Partzuergoaren doakotasuna eta integrazioa Hezkuntza Sailean, dauden akordioak errespetatu eta betetzea, lan-hitzarmen berriaren negoziazioa abiatzea, langileen behin-behinekotasun tasarekin bukatzea eta lanpostuak egonkortzea, irakaskuntza publikoan Osakidetzak egiten duen Norbera Babesteko Ekipamenduen horniketan Haurreskolak Partzuergoa gehitzea eta aurrekontuak handitzea.
Lakuak bere eskumenei muzin egin die berriro langile publikoen dekretua Madrilen onartu aurretik??Hiru urtean, EAEko langile publikoek erosahalmena %6 galdu dute, sindikatuaren aburuz.
Eskakizun nagusienen artean plantilla handitzea, hitzarmen berri bat lortzea eta atseden egunak errespetatzea jaso dituzte ELAk eta LABek. Grebak ez du eragingo eguneroko suhiltzaileen zerbitzuan, baizik eta langileen atseden-egunetan bakarrik, Diario de Noticias de... [+]
Egunean hamahiru orduz lan egitea ere legeztatuko dute 'Georgiadis Legea' delakoaren bidez, kaleratzeak eta "eskariaren araberako enpleguak" errazteaz gain. Langileek ezingo diote uko egin asteko seigarren lanegunari.
Badator uda, eta horrekin batera, herri, auzo eta hirietako jai herrikoiak. Jaiak beti izan dira aldarrikapen sozial eta politikoen, auzokideen arteko harremanen eta euforia herrikoiaren aterpe. Gure kaleak hartzen dituzte, eta egun batzuez autogestioaren, desberdinen arteko... [+]
Aurreko gobernuak proposamen horiei “bizkar emanda” eta “entzungor” eginda jardun duela salatu du. Eusko Jaurlaritzak iragarritako bilera erroldatan “eskari zehatzak” mahaigaineratuko dituela adierazi du.
Asteazkenean egindako bilkuran, aurreakordioak aldeko 332 boto, kontrako 186, hiru boto zuri eta sei baliogabe jaso ditu. Maiatzeko aurreakordioan izandako desadostasunak gainditu dituzte enpresa-batzordearen gehiengoak eta Biobide enpresak, eta greba mugagabea bukatu dute.
Enpresa-batzordearen gehiengoaren eta Biobideren artean aurreakordioa lortu dute. CCOO, UGT eta LSB alde azaldu dira, eta ELA, LAB eta ESK, kontra. Asteazkenean dira langileen batzarra eta Bilboko Udala akordio hau onartzen duten ala ez erabakitzekoak.
ELA eta LAB sindikatuek “erabat gaitzetsi” dute Añorgako Cementos Rezolak (egun, Heidelberg Materials) 56 langile kaleratzeko egindako proposamena.
Nafarroako hezkuntza hitzarmen berria negoziatzea exijitu die Nafarroako Hezkuntza kontseilariari, Carlos Gimenori, Iruñean eginiko mobilizazioan. Langileek salatu dute Gimeno, patronalarekin bakarrik biltzen dela, eta ez dituela aintzat hartzen langileek negoziaziorako... [+]
1958an, emakume baserritarrek Donostiako Erdialdea hartu zuten, esnea saltzea galarazi zitzaiela salatu, eta baserritarren eskubideak aldarrikatzeko. Administrazioak esnearen esklusibotasuna Gurelesa enpresari eman zion, eta baserritarrek Bretxan saltzeari utzi behar izan... [+]
Langileen plantilla egokia osatu beharrean, Osakidetzako profesionalei aparteko orduen bitartez ordaintzea gaitzetsi dute sindikatuek. Azken urteetan errepikatu diren arazoen aurrean zuzendaritzak izandako plangintzarik eza salatu dute.