Haurrek Debako liburutegian jasaten duten bazterketaren aurrean esku hartzeko eskatu diote Jaurlaritzari
Liburutegi publikoak kudeatzearen ardura duen EAEko Liburutegi Zerbitzura gutun bidalketa masiboa egin dute Debako hainbat herritarrek, herriko liburutegiko araudi diskriminatzailearen aurrean esku har dezala eskatzeko. 6 urtetik beherakoek egunean ordubetez baino ezin dute liburutegian egon Deban, eta 2 urtetik beherakoek zuzenean debekaturik dute. Egoera "aztertuko dutela" erantzun diete Liburutegi Zerbitzutik.
Berriki kontatu dugu ARGIAn Debako liburutegian umeek jasaten duten bazterketa (eta udal gobernuak argudiatzen duena): 2 urtetik beherako umeak ezin dira liburutegian egon; 2-6 urte bitarteko haurrek 16:30etik 17:30era ez bada, gainerako ordu guztietan galarazita dute liburutegian egotea; eta 15 urte bete arte goizez ezin dute liburutegian egon (7-9 urte artekoek 16:30etik 19:00etara dute baimendua liburutegia, 10-15 urtekoek 16:30etik 19:45era). Umeen libururik ezin da eskatu beste liburutegi batetik (helduenak bai), ezin dute margorik erabili, apenas antolatzen den ezer haurrei zuzenduta…
Aspalditik egoera salatzen duen Liburutegia Denontzat herritar taldeak gutun bidalketa masiboa antolatu zuen joan den larunbatean. Eusko Jaurlaritzaren Liburutegi Zerbitzura bidali dituzte eskutitzak, Debako Ostolaza liburutegia sare horren parte delako. Aurrez, udal gobernuarekin eta liburutegiko teknikariarekin behin baino gehiagotan hitz egindakoak dira, baina alferrik.
"Aurreratu digute ez dutela erraza ikusten esku hartu ahal izatea". Kontuak kontu, Liburutegi Zerbitzuari dagokio Euskadiko liburutegi publikoen kudeaketa
Liburutegia Denontzat ekimeneko kide batek ARGIAri azaldu dionez, "email-trukaketa izan genuen Liburutegi Zerbitzuarekin eta gaiari heltzekotan geratu ziren, baina Debako Udalak esan zuen liburutegiaren egoeraren analisia egingo zuela eta horren zain gelditu ziren. Azaroan, berriro ere harremanetan jarri ginen eta erantzunik jasotzen ez genuenez, joan den astean deitu genien. Esan digute aztertuko dutela, bilera bat egingo dutela eta erantzun bat emango digutela". Dena den, kezkatuta dago herritar taldea: "Aurreratu digute Liburutegi Sarearen legea nahiko orokorra dela eta hain orokorra izanda ez dutela erraza ikusten esku hartu ahal izatea, baina ikusi behar".
Kontuak kontu, Liburutegi Zerbitzuaren webguneak argi eta garbi dio: “Eusko Jaurlaritzako Liburutegi Zerbitzuari dagokio Euskadiko liburutegi publikoen kudeaketa”.
“Hainbeste urteren ostean, berdin?”
Otsailaren 1ean herrian antolatutako gutun bidalketak harrera ona izan duela eta datorren ostiralean (otsailaren 7an) errepikatuko dutela adierazi digu Liburutegia Denontzat ekimeneko kideak. "Jende asko gerturatu da, espero genuen moduan 0-6 urteko haurrak dituzten familia asko, baina gure harridurarako, baita seme-alaba nagusiagoak dituzten familiak ere".
Debako liburutegiaren inguruko esperientzia ugari partekatzeko aukera izan dute, eta adibide esanguratsu bat jarri du: "Emakume batek kontatu digu seme-alabak orain unibertsitatean dituela, baina haurrak zirenean, txikiak ezin zuenez liburutegian sartu, liburutegi kanpoan egoten zela ezagunen bat noiz agertuko, txikia momentu batez zaindu ziezaiola eskatzeko, bitartean seme-alaba zaharrenarekin libururen baten bila liburutegira sartu ahal izateko. Gaur egun oraindik egoerak berdin jarraitzen duela ikusita, oso haserre gerturatu zitzaigun".
Gezurra badirudi ere, irudia ez dago Tolosako inauterietan eginda. Munduko herrialderik jendetsuenen artean, laugarrenean da, pasa den astean. Kameraz inguratuta, bi gizoni 80 eta 85 zigorrada eman dizkiote bizkarrean. Haien bekatua: gorputzaz elkarrekin gozatzea. Aceh... [+]
Groenlandiar jatorriko 411 haur daude tutoretzapean Danimarkan, Gizarte Gaietako, Etxebizitzako eta Adineko Pertsonen Ministerioaren txosten baten arabera. Aitatasun eta amatasun froga psikologikoetan puntuazio baxuak lortzeko arriskua dute guraso groenlandiarrek, frogak ez... [+]
Hamasei migrante atxilotu zituzten otsailaren 6an Baionan, etorkinen eskubideen aldeko elkarteek salatu dutenez. Dirudienez, Baionako prokuradoreak eman zuen agindua. Operazioa autobus geltokiaren eta Pausa harrera zentroaren artean gauzatu zuen poliziak, tartean, adingabekoak... [+]
Agintean dagoen Alderdi Laboristak atxiloketen eta deportazioen irudiak erakutsi ditu, eta urtarril honetan "errekorra" egin duela esan du, harro-harro.
6 urtez azpiko haurrek egunean ordubetez baino ezin dute egon Debako liburutegian. Udal gobernuak argudiatu du "liburutegian erabilgarri dagoen espazioa mugatua" dela, baina ez du argitu espazio mugatu horregatik ezartzen dituzten ordu murrizketak zergatik aplikatzen... [+]
Ni ez dut nahi nire alaba ijitoz mozorrotzea kaldereroetan. Nik ez dut nahi nire alabaren eskolako haur ijitoak ijitoz mozorrotzea kaldereroetan. Ijito izatea ez delako mozorro bat. Ijito izatea ez delako urtean behin egiten den festa bat, arropa exotikoekin eta aurpegia ikatzez... [+]
6 urtetik beherakoek 16:30-17:30 artean baino ezin dute liburutegian egon Deban, eta 2 urtetik beherakoek zuzenean debekaturik dute. Bestelako neurri baztertzaileak ere jasaten dituzte. Ageriko diskriminazioak haurrak literaturatik aldendu baino ez ditu egiten, eta borroka luzea... [+]
Metaren buru den Mark Zuckerberg-ek adierazpen askatasunaren izenean eta erroetara itzultzearen izenean, immigrazioa, generoa eta sexu-orientazioa bezalako gaien aurkako zentsura kentzeko neurriak hartu ditu. Trumpekin elkarlanean arituko dela adierazi du eta... [+]
Iazko martxoaren 14an, polizia operazio handi bat izan zen Martuteneko Agustindarren eraikin okupatuan, Udaltzaingoaren, Ertzaintzaren eta Espainiako Poliziaren eskutik: 56 lagun atera zituzten eraikinetik eta 29 Espainiako Poliziaren komisariara eraman zituzten,... [+]
Arazo mentalak dituztenen kopurua haziz doa, oraindik ere estigma sozial handia dute atzean eta, horri aurre egiteko, buruko nahasmenduren bat dutenak lan mundura bideratzen saiatzen da Elkarkide, Nafarroako Parlamentuan azaldu duenez. Lan horretan jarraitzeko laguntza eskatu du.
Uber gidari batek jasan zuen erasoa: bortizki jo eta irain arrazistak egin zizkion bezero gazte batek. Baionan eta Arrigorriagan ere izan dira eraso arrazistak berriki.
Hiru funtzionariok jipoitu zuten Robert Brooks, eskuak bizkarrera lotuta zituela. Hurrengo egunean hil zen, eta autopsiak dio asfixia izan zela heriotzaren kausa.
Arrigorriagako Udalak elkarretaratzea egin du igandean udaletxeko plazan, ostiralean txinatar jatorriko merkatari batek bere dendan jasandako erasoa salatzeko eta biktimari babesa adierazteko. Horrez gain, Ipar Euskal Herriko Kontseilu Sozialistak elkarretaratzea antolatu du... [+]
Badatoz urteko asterik magikoenak, edo hobe esanda, kontsumistenak. Askori gustatuko litzaieke opariak Olentzeroren zakutik jasotzea, zerutik erorita bezala, baina errealitatea da Gabonetan gure zakutxoak direla gehien sufritzen dutenak, poltsikoak hustuta hasten dugula urtea... [+]
.jpg)
Sortu berri duten organoaren eginkizun nagusien artean daude, besteak beste, diskriminazioaren aurkako politikak sortzea, migratzaileen eta gutxiengo etnikoen elkarteen parte hartzea sustatzea, Nafarroako arrazakeriaren egoera globala aztertzea, eta Arrazakeriaren eta... [+]