Heziketa militar orokorra eta armen erabilera irakasten diete 7 eta 21 urte bitarteko ume, nerabe zein gazteei.
Goizeko lehen orduan bandera igoera Espainiako ereserkiarekin batera, eta gauza bera ilunabarrean. Espainiako Armadaren uniformea janzten dute, eta “kadeteak” deitzen dira. Ofizial baten agindupeko ataletan banatuta agurtzen dute elkar, formazio militarrean. Ez dira soldaduak, 7 eta 21 urte bitarteko neska-mutilak dira. Ez daude Loiolako kuartelean, Madrilgo mendilerroko udaleku batean baizik.
"Hemengo bizitza kuartel bat bezalakoa da, diziplina dago, prestakuntza dago eta bakoitzak bere lana egin behar du", adierazi dio Juan González Triguero Lurreko Armadako kaporalak El País egunkariari. Abuztuan 15 egunez egiten den kanpamenduaren zuzendaria da González. Bera bezalaxe, monitore gehienak militar beteranoak edo guardia zibil ohiak dira, eta badirudi hori dela bertan izena eman duten gaztetxo gehienen xedea.
Álvarok 21 urte ditu, eta kanpalekuko zaharrenetarikoa da. Mekatronika industriala ikasten ari da eta bere bokazioa aldatu du: lehen armadan sartu nahi zuen, bere aitona bezala, artillaria zena; orain, ordea, nahiago du trikornioa jantzi, bere aitak eta bere birraitonak bezala. Celiak 16 urte ditu, kanpamentuan denek "C" deitzen diote, eta gurasoei kanpamentu horretara joan nahi zuela esan zienean, shock egoeran geratu zirela aitortzen du, zaletasun hori nondik zetorkion ulertu gabe. "Bullying-a jasan nuen eskolan, eta txikitan jarri zizkidaten mugak gainditzen saiatu nahi nuela esan nien, pertsona gisa zer balio dudan erakusteko", gaineratu du. Celiak mediku militarra izan nahi du, eta uste du kanpalekuak balio duela "karrera hori jarraitu nahi badugu etorkizunean nola biziko garen ikus dezagun; eta, gainera, familia bat da, eta hori oso garrantzitsua da nik jasandakoa jasan duen jendearentzat".
"Diziplina handia" dagoela onartu duen arren, hori bere kide batzuei ondo datorkiela ziurtatzen du, "euren bizitza desastre hutsa zelako", eta “diziplina horren beharra” sumatzen zutelako. Ez da zortzi urteko Leyreren kasua, begiraleek goizean egiten dituzten oihuengatik kexatzen baita. Hemen ez dago ziegarik, baina diziplinarik eza flexio gehiagorekin ordain daiteke. Badaezpada ere, inork ez du ur bila alde egiten lehorreko zakuekin eraikitzen ari diren gotorlekutik, hautsa aurpegian itsasten zaien arren. Ez dute ezer egiten ofizialaren baimenik gabe.
Prestakuntza, desfileak, ordena itxia, lehen sorospenak eta landa eremuan orientatzeko teknikak ikasten dituzte. Defentsa pertsonala eta arma labur zein luzeekin tiro egiten ere. Hirietan eta espazio irekietan borrokatzeko estrategiak irakasten dizkiete. Pistolak eta fusilak erabiltzen dituzte, armadaren airsoft erreplika zehatzak: balen ordez, plastikozko bolak jaurtitzen dituzte. Horiek ere ez dira kaltegabeak ordea. Begi batean plastikozko bola batekin tiroa jasotzeak lesio itzelak eragin ditzake; horregatik, nahitaezkoa da betaurrekoak eta aho-babesleak eramatea. Espainian debekatuta dago 14 urtetik beherakoek halakoak erabiltzea.
Zuzendariak dio ulertzen duela askori eskandalua eragitea adin txikikoei armak erabiltzen irakastea, baina hori defendatzen du: "Hona datozen haur motak gauza horiek gustuko dituzte, eta zer hobeagorik nola funtzionatzen duten dakiten espezialistekin ikastea baino. Hemen ez dute armarik ukitzen, baldin eta aurretik ikastaro bat eman ez badiegu, zeinen arriskutsuak diren ohartaraziz. Behar izanez gero, neure buruari bola horiekin jotzeko gai naiz, uler dezaten".
Kanpamendu mota horiek soldaduskaren amaierak utzitako hutsunea betetzera etorri dira, eta Estatu Batuetan hasitako moda bati jarraitzen diote. Bertan, adin txikikoen zentroen ordezko funtzioa betetzen dute halako akademiek, gaztetatik delinkuentziarako joera dutenak “zuzentzeko”. Han ez dira erreplikak erabiltzen ordea, benetakoak baizik, Erriflearen Elkarte Nazionaleko instruktoreekin.
Aurten, COVID-19aren pandemia dela eta, base militar batera egin beharreko bisita kendu dute. Guztiek Espainiako banderadun maskarak daramatzate, eta banatuta dauden hiru atalak ez dira elkarren artean erlazionatzen, bazkaltzeko orduan izan ezik. Yolanda doktorea arduratzen da testa egin gabe inor kanpalekura sar ez dadin. Osasun Ministerioak eta autonomia erkidegoek protokolo bat ezarri dute udako kanpalekuak kutsatzeko gune bihur ez daitezen.
Ez dago haien lan pedagogikoaren gaineko kontrolik, “hezkuntza-baliorik gabeko aisialdiko jarduerak” egiten dituztela uste baita, baina zuzendariak azpimarratu du haien zeregin nagusietako bat "balioetan oinarritutako prestakuntza" dela. Balio horien artean nazionalismoa dago, "galdu dugun eta berreskuratu behar dugun zerbait", Gonzálezen hitzetan. Kanpalekua Don Pelayo deitzen da eta bere armarria Errekonkistako buruzagi mitikoaren irudia da, zulatzaile pala batek eta Espainiako Indar Armatuen fusila den HK batek gurutzatua, bandera nazionalaren gainean. Sinbologia hori eskuin muturrarekin lotzen bada ere, zuzendariak esan du kanpalekuan "balioez" hitz egiten dela eta balioek ez omen dutela “politikarekin zerikusirik”. Horren barruan, jende ugari dagoela azaldu du, “Voxekin zerikusirik ez duena ". Batzuk bai, hala nola Gema, koordinatzailea dena: Guadalajarako Torrejon del Rey udalerriko PPko zinegotzia izan zen lehen, eta iazko udal hauteskundeetan Vox alderdiko hautagaitzan aurkeztu zen. Bertako ekimenen izenek Espainiako iragan inperiala gogora ekartzen dute (Gran Capitán, Tercios de Lezo), eta zenbait kasutan, baita faxista ere (Millán Astray).
El Diario de la Educación egunkariko kontseilu editoreko Jaume Carbonellek azpimarratu duenez, aisialdiko eta denbora libreko jardueren inguruan hutsune legala dagoen arren, administrazioa "behartuta dago haurren eskubideak zaintzera", eta horietako bat doktrinatua ez izateko eskubidea da. Armen erabilerari dagokionez, simulatuak ere lekuz kanpo daudela dio, indarrean dagoen hezkuntza-legearekin kontraesanean dagoela azpimarratuz. Lege horren helburu eta printzipio nagusia honakoa omen da: "Bakerako hezkuntza, irakaskuntzan ez ezik, arlo guztietan ere: pertsonala, familiakoa eta soziala”. Dena dela, ez dago inolako prozedura legalik aktibatuta Don Pelayoren aurka.
Gure amak beti esaten du: “Ez dut sekula ulertu zergatik gertatu zen Lehen Mundu Gerra”. Ez dio batere zentzurik harrapatzen. Ez du ulertzen zergatik inplikatu ziren Europako potentzia zaharrak halako basakeria batean eta ez zaio buruan sartzen nola konbentzitu... [+]
Ekimenak bakea eta justizia soziala sustatzeko proiektuak finantzatzea du helburu. Sustatzaile diren gizarte mugimenduek mezu argi bat bidali diete gobernuei eta armagintza industriari: "Ez dugu gerraren konplize izan nahi".
“Ba al zenekiten testuliburu gehienetan ia ez dela aipatzen armen industriak egungo gatazketan duen rola? Edo oso gutxitan jartzen dela zalantzan gerra ezinbestean gertatu behar dela esaten duen narratiba?”, dio Gerrarik Ez Araba elkarteak. Bestelako narratibak,... [+]
Alemanian zentral nuklearren itxierak izan duen “eragin negatiboa” kontuan izateko eskatu dio erakunde horretako buru Fatih Birolek Pedro Sánchezen exekutiboari. Iberdrola, Naturgy eta Endesa multinazional elektrikoak ere presio egiten ari dira itxiera egutegia... [+]
Berriki zabaldu da Gazako lurralderako Egiptok egindako hirigintza-antolaketa plana. Marrazki batean jaso dira etorkizuneko kale, eraikin eta iruditeria, oraindik metraila eta lehergailuen usaina darion errealitate baten gain. Hirigintza proposamena, beste bonba jaurtiketa bat... [+]
Bizitza erdigunean jartzeko abagunea ikusi genuen feministok zein ekologistok Covid-19 pandemia garaian. Ez ginen inozoak, bagenekien boteretsuak eta herritar asko gustura itzuliko zirela betiko normaltasunera. Bereziki, konfinamendu samurra pasa zutenak haien txaletetan edo... [+]
Triskantzaren balantze humano eta ekonomiko ilunaren esperoan, galdera berehala bururatzen zaigu urrutiko begirale baino asko gehiago ezin izan garenoi: zer gertatuko da orain gerra zibil horretan? Nolako eragina izango du lurrikararen suntsiketak? “Nargis efektu”... [+]
Joan den ekainaren amaieran bukatu genuen Conversión de la industria militar en Euskal Herria para no fabricar más guerras (Armagintza industriaren moldaketa Euskal Herrian, gerra gehiago ez sortzeko) liburuaren lehenengo zatiak Gerra badatorrela! du izenburu, bertan... [+]
.jpg)
Historia errepikatzen dela idatzi zuen Marxek, “lehenik tragedia gisa, gero fartsa moduan”. Armagintzaren eta militarismoaren inguruan errepikapen hutsa ez, espiralean goraka doan buklea ari gara bizitzen, fartsatik asko duena, eta tragedian amaitzeko gero eta aukera... [+]
Intsumituek denbora luzez egindako borroka gogorra eta mingarria izan zen, baina irabazi zuten, eta garaipen hura behin betikoa izango zela uste genuen, atzera bueltarik gabea. Baina badirudi, politikari batzuen ahotik aterata, eskalada militaristari gorazarre egin eta berriz... [+]
Europako Batzordeak aurkeztu duen plana ustezko gerra edo hondamendi baten aurrean “bizirauteko” kit batetik harago doa: hogeita hamar neurri proposatu ditu eskoletan, enpresetan eta herritarren artean militarismoa eta beldurra sustatuko dutenak.
“Ez dugu gerraren aurrean etsi nahi, ez dugulako hilerrietako bakea nahi”, dio manifestuak, eta agintariei irtenbide politiko baten alde lanean jartzeko eskatu diete. Sinatzaileen artean daude Delàs institutua, Gernika Gogoratuz edo Ongi Etorri Errefuxiatuak... [+]
Orain dela 20 bat urte, berrikuntzaren inguruan master bat egin nuen. Bertaraturiko gonbidatu batek esan zigun gizakion historian berrikuntza teknologikoaren eragile handiena gerra izan zela. Gerra, halaber, eragile handia da botere harremanen berrikuntzan.
Berrikuntzaz ari... [+]
Israelek eraso masiboak abiarazi ditu berriro ere Gaza osoan: Khan Younis eta Rafan Gaza hegoaldean, Gaza Hirian iparraldean eta eta Deir el-Balah-n erdialdean. "Familiak seme-alaben gorpuzkiak eskuetan zituztela iristen ziren ospitalera", adierazi du lekuko batek.
