Haur eskoletako euskara eskaintza murriztuko du Iruñeko Udalak
Udal gobernuak bi haur eskola euskarazko eredutik gaztelerakora pasatuko ditu, eta hirugarren batean gaztelera eta ingelesezko eredurako plazak eskainiko ditu. Aldaketa “progresiboki” egingo dute, hiru urtean. PSNk babesa eman dio erabakiari, eta EH Bilduk Navarra Sumaren “euskarafobia” salatu du.
Iruñeko alkate Enrique Mayak eta Hezkuntza zinegotzi Fernando Sesmak iragarri dute neurria. Donibaneko eta Printzearen Harresiko haur eskolak gaztelerako eredura pasatuko ditu, eta Goiz Ederren gaztelania eta ingeleseko plazak sartuko ditu. Aldaketa “progresiboki” egingo dute, hiru urtean.
Aldaketa “epaitegien ebazpenak betez” egingo dutela azaldu dute. 2016an EH Bilduren udal gobernuak haur eskoletako euskarazko eskaintza handitzea erabaki zuen. Guraso talde batek salaketa jarri zuen Nafarroako epaitegietan, eta epaitegiak arrazoia eman zien 2017ko otsailean. EH Bilduren gobernuak helegiteak aurkeztu zituen erabakiaren aurka, eta ebatzi gabe daude horiek. Mayak adierazi du helegite horiek “maniobra luzagarriak” besterik ez direla.
“Politikoa” Vs. “normala”
Joseba Asironen udal gobernuak euskara eskaintza handitzeko hartu zuen neurria “ilegala, etikarik gabea eta politikoa” izan zela salatu dute Navarra Sumako ordezkariek. Euskara murriztuz, aldiz, haur eskolak “normaltasunera” itzuliko dituztela adierazi dute. Mayak eta Sesmak iragarri dute ikerketa bat agindu dutela gurasoen eskaria “egiazki” zein den ezagutzeko eta eskaintza horretara egokitzeko. “Hemendik aurrera familiek desio dutena egiten ahalko dute, aukeratzeko askatasunez eta inposiziorik gabe”. Gaur egun Iruñeko Udalak 11 haur eskola ditu. Gaur jakinarazitako moldaketak gauzatuz gero, bitan soilik egongo da euskaraz ikasteko aukera.
EH Bildu aurka, PSN alde
EH Bilduk iragarritako neurria Navarra Sumaren “euskarafobiaren” erakusgarria dela adierazi du, eta bertan behera uzteko eskatu du. Azpimarratu du “berriz ere” umeak euskaraz matrikulatu nahi dituzten familiek Iruñea iparraldeko auzoetara jo beharko luketela: “Berriz ere Txantreara edo Arrotxapera joan beharko lukete, hiria egunero gurutzatzeak dakartzan arriskuei eta gastuei aurre eginez”. EH Bilduren arabera, haur eskolen hizkuntza eskaintzaren oinarriak eskaria eta lurralde banaketa izan behar dute.
Iruñeko PSNk Navarra Sumarekin bat egin du Twitter bidez: “NJANek haur eskolei buruz emandako epaia betearaztearekin bat gatoz. Navarra Sumak "Haur Eskolen Erakundean beharrezko azalpenak ematea" eskatzen dugu eta "etorkizuneko aldaketetarako adostasuna eta irauteko bokazioa" exijitzen dugu”.
Donostiako herri mugimenduak artikulatuta hainbat auzotan antolatzen den Zinemaldi Alternatiboaren 16. edizioa aurkeztu dute (11 + 5, beraiek dioten bezala, eraitsitako Kortxoenea gaztetxeko bost urteei erreferentzia eginez). Aurten sei proiekzio egingo dituzte ondorengo... [+]
Herritarrak eskatzen du seinaleak euskaraz jartzeko. Gobernuak erantzuten dio legeak ez duela horretara behartzen. Behatokiak erantzuten dio, legeak ez badu derrigortzen ere, euskaraz jartzeko debekurik ez duela. Gobernuak bereari eusten dio. Alabaina, herritarrak tematzen dira... [+]
Baionako zitadelan proiektu berriak ditu armadak. Eraikin berriak egin nahi ditu eta horretarako oihanaren zati bat deseginen dute eta ura atxikitzeko bi gune ere sortu nahi dituzte.
Turkiar-estatubatuar aktibista irailaren 6an hil zuten Beiti herrian, Nablus hiriaren ondoan, Zisjordanian, Palestinako Lurralde Okupatuetan. Orain forentseen azterketek iradokitzen dutenez, Israelgo soldatuek zuzenean egin zioten tiro aktibistari.
Foru Gobernuak aitortu du motibazio politikoko biktimak direla hirurak. Hiru aitortza berri horiekin dagoeneko 36 pertsonari estuaren biktima izatea ofizialki aitortu die gobernuak.
Ostiral honetan betetzen dira 50 urte ETAk, 1974ko irailaren 13an, Madrilgo Rolando Kafetegian bonba bat lehertarazi eta hamahiru pertsona hil zituela. Ofizialki 2018an onartu zuen erakundeak ETAren egiletza, bere burua desagertze bidean jarri zuenean.
Faxisten aurka protesta egiteagatik auzipetu zituzten Lizarrako bi kideak. Asteazkenean, epaiketaren egunean, Lizarraldeko Kontseilu Sozialistak elkarretaratzea egin zuen epaitegi aurrean. Voxeko faxistak jarrera probokatzailearekin agertu ziren bertara, eta Guardia Zibilak... [+]
“Españolismoaren eta faxismoaren normalizazioan” Hispanitatearen egunak jokatzen duen papera salatzeko urriaren 12an Tafallan mobilizatuko da Ernai. “Gu, Nafarroako etorkizuna gara, haiek, aldiz, iragana. Faxismoak herri honetan lekurik ez duela argi... [+]
Gasteiztarrarekin bederatzi dira ihesaldian parte hartu zuten identifikatutako pertsonak. Guztira, Nafarroako DNA Bankua sortu zenetik 43 pertsonaren datuak lortu dituzte.
Zaurgarritasun ekonomikoaren baldintzak betetzen dituzten arren, Santander bankuak ordainketak epe batez etetea ukatu die bi familiei.