Haur eskolak euskaraz eskatu ditu berriz ere Iruñeko Euskalgintzak
Ehunka lagun atera ziren ostegun honetako arratsaldean Sarasate Pasealekutik eta manifestazioa egin zuten Iruñeko Udal Plazaraino, eskatzeko udalari hiriko haur eskoletan euskaraz ikasteko eskubidea izatea lehentasunen artean jar dezala. "Haur eskolak euskaraz: eman haizea euskarari" goiburupean abiatu ziren.
Aspaldiko kontua da Iruñeko auzoetan haurrak euskaraz matrikulatzeko eskaera, baina baita aldarrikapenari bide emateko ezintasuna ere. Udalak hamabi haur eskola kudeatzen ditu eta gaur egun Txantrea auzokoan bakarrik matrikula daitezke haurrak euskarazko murgiltze ereduan. Beste hiru auzotan euskaraz eta ingelesez matrikula daitezke, eta beste batean euskaraz eta gaztelaniaz.
2015-2019ko Joseba Asironen lehen agintaldian lortu zen lau auzotan euskaraz matrikulatu ahal izatea, baina ondorengo UPNko udalek atzera bota zituzten lorpen horiek. Horregatik, Iruñeko Euskalgintzak (Haur Eskoletako gurasoak, Sortzen, AET, IKA, AEK eta ELA, LAB eta Steilas sindikatuak) eskatzen du legealdi honetan berma dadila Iruñeko edozein auzotan haur eskoletan euskarazko murgiltze ereduan matrikulatu ahal izatea.
Manifestazioa udaletxe plazan bukatu zen eta bertan deitzaileek eskatu zioten udal gobernu osatzen duten indarrei –EH Bildu, Geroa Bai eta Contigo-Zurekin– neurriak har ditzatela euskararen ordenantzak betetzeko eta behingoz gaiari behar bezala heldu dakion.
Asiron: “Legealdiko ikuspegia”
2025eko otsailean ARGIAri eskainitako elkarrizketan Joseba Asiron alkateak esan zuen 2024-2025ko ikasturterako zail izango zutela ezer egin ahal izatea, udal aldaketa egin berria zelako. Adierazi zuen beren zeregina izango dela “datozen hogei urteetako panorama diseinatzea”, eta zehaztu zuen ere legealdi honetako udalaren helburua: “Iruñeko edozein auzotan euskaraz ikasi nahi duen haurrak horretarako aukera izatea. Hori lorpen izugarria litzateke”.
“Ikae” edo “igae” bezala transkribitu ditu aurkituriko ikurrak Nafarroako Gobernuko Kultura Zuzendaritza Nagusiko ikertzaile taldeak. Duela 2.000 urteko "baskoierazko" idazkun bat izan daitekeela diote ikerleek, baina garai hartako hizkuntzei... [+]
Premiazko txostena eskatu dio Nafarroako Kontseiluari. Behin betiko onartzeko aurretiazko urratsa da, Nafarroako Justizia Auzitegi Nagusiak aurreko dekretuaren zati batzuk baliogabetu eta bost urtera.
Barañaingo EH Bilduk salatu du Barañaingo Udalak haur eskoletarako hezitzaileen deialdian euskarazko eta gaztelaniazko azterketak egun eta ordu berean jarri dituela, eta hala, hautagaiak hizkuntza bat aukeratzera behartzen dituela.
Euskaltzaleen Topaguneko kideek euskara sustatzeko jarreren inguruko datu kezkagarriak hauteman dituzte. Hori dela eta, Gero eta aldeko gehiago gizartean ikerketaren bidez, herritarrak euskarara hurbiltzeko estrategia berriak landu dituzte. Horretaz mintzatu dira, apirilean,... [+]
Hezkuntzak aurreikuspena zuzendu eta onartu du institutuak Zientzia, Humanitate eta Gizarte Zientzien Batxilergoko lehen mailan bi talde izaten jarraitzea.
Barañaingo Alaitz institutuko 26 ikasle batxilergoko zerrendatik kanpo gelditu dira, Nafarroako Hezkuntza Sailak gela bat murriztu duelako. Murrizketa salatzeko mobilizazioa egin dute.
Administrazioan Euskaraz taldeak Nafarroako Kontseiluaren jardun euskarafobikoa salatu du ekintza baten bidez. Nafarroako Gobernuak euskarako dekretua prestatzen bost urte eman ondoren, Nafarroako Kontseiluari zirriborroa aurkeztu dio.
Atzo eguerdian, Mañeruko herriko plazan egindako ekitaldian, diploma bana eman zieten zortzi eta hamabi urte arteko ibarreko 45 haur euskaldunei. Horretaz gain, Oskar Alegriak umeokin ondutako film laburra estreinatu zuten.
Hilaren 29tik aurrera Sortzen Guraso Elkarteak Jauzi.eus bilatzailea martxan jarriko du. Xedea da euskararen normalizazioa bultzatzeko dagoeneko eskaintzen den aisia atari digital bakarrean biltzea.
Euskara galdua zen eremu mistoko eta ez-euskalduneko herrietako familien ahaleginak aitortuko dituzte ekitaldian. Oskar Alegria zinemagilearen bideoak emango dio hasiera ekitaldiari 11:30ean udaletxean.