Haur bat hil da Moriako errefuxiatuen kanpalekuan gertatutako sutean
Astelehen goizean sutea gertatu da Lesbos irlako Moria kanpalekuan. Sei urteko haur bat hil da ondorioz.
Ezbeharra astelehen goizean jazo zen, Greziako Lesbos irlan dagoen errefuxiatuentzako Moria kanpalekuan. Ondorioz, sei urteko haur bat hil da.
Sutea zerk eragin zuen ez dago argi, baina bertan bizi direnen segurtasunari dagokionez, kanpalekuko baldintzak ez dira mesedegarri. Irene Redondo kazetaria bertan da, eta El Saltori adierazi dioenez jendeak suak pizten ditu hotzari aurre egiteko. Hori horrela, “eta instalazio elektrikoaren egoera zein den ikusirik, halako zerbait gerta zitekeela aurreikusi zitekeen”. Moriako kanpalekuak 3.000 pertsona hartzeko gaitasuna du izatez, baina aspaldi gainditu du edukiera; egun, 19.400 errefuxiatu baino gehiago daude bertan.
Astelehenekoa ez da errefuxiatuentzako kanpaleku batean jazotako lehen sutea. Morian bertan irailean beste sute bat gertatu zen, eta hirugarren bat abenduan, Kara Tepe kanpalekuan; sute horietako bakoitzean emakume bana hil zen.
Kanpalekuak husteko beharrizana
Erakundeek beste behin azpimarratu dute errefuxiatuentzako kanpalekuak husteko beharra, hainbat arrazoirengatik.
Batetik, kanpalekuan baldintza negargarriak daude; errefuxiatuak pilatuta daude horietan, eta egoera larriagotu egin du Turkiak bere mugak zabaldu ondotik Greziako Gobernuak errefuxiatuei asiloa eskatzeko eskubidea bertan behera utzi izanak.
Horri gehitu behar zaio errefuxiatuak –baita GKEak eta kazetariak– azken asteetan faxisten partetik pairatzen ari diren indarkeria. Turkiak mugak ireki ostean, Greziako Poliziarekin batera ari dira faxista taldeak ere herrialdeko mugak ixten, eta erasoak ari dira egiten errefuxiatuei, kazetariei zein GKEei.
Guzti horri koronabirusaren mehatxua gehitu behar zaio. Aurreko astean detektatu zen lehen kasua irlan, eta Mugarik Gabeko Medikuak elkarteak ohartarazi duenez, kanpalekuetan birusaren hedapenari aurre egiteko planik ez da. Ohar bidez adierazi zuenez, “kanpalekuko bizilagunen artean birusa hedatzeko arriskua ikaragarri altua da, saneamendu zerbitzu egokien faltagatik eta arreta mediku mugatuagatik”. Hala bada, kanpalekuan husteko berebiziko beharrizanaz ohartarazi zuten.
HTSk boterea hartu duenetik, babes-eskaerak gelditu dituzte Mendebaldeko hainbat gobernuk. Alemaniak 47.270 eskaera utzi ditu bertan behera bat-batean, "Siriako etorkizun politikoa zalantzazkoa" dela argudiatuta.
Gobernuak aberriratu ondoren, ia urtebetez bizi behar izan dute aterpetxeetan eta ostatu pribatuetan, eta etengabe lekualdatu dituzte. Gaur egun erabiltzen duten aterpetxea urriaren 31n utzi beharko zutela esan zieten azkenekoz, nahiz eta badirudien beste luzapen bat ezarriko... [+]
"Segurtasun gehiago, inmigrazio gutxiago". Bruno Retailleau barne ministro frantsesa argi mintzatu da, kargua hartu berritan. Etorkinen gaineko kontrola azkartu nahi du Michel Barnier lehen ministro eskuindar-kontserbadorearen gobernuak, eta jada Retailleauk aitzinatu... [+]
Kazetaria eta giza eskubideen defendatzaile sutsua. Munduko Medikuak, Apoyo Mutuo edota SHM gobernuz kanpoko erakundeekin lan egin izan du boluntario eta kazetari moduan. Hainbat komunikabidetan hamaika erreportaje plazaratu ditu Greziako Chios irlatik, hala nola Mediterraneoko... [+]
Igandean egin du erreskatea Aita Mari salbamendu ontziak. Azaldu dute Siriatik etorritakoak direla gehienak, baina badaudela haien artean Egiptotik, Nigeriatik eta Bangladeshtik etorritakoak ere. Aita Mari ontziari Ravennako portuan lehorreratzea agindu dio Italiako... [+]
Calabriako (Italia) kostaldetik 120 miliatara hondoratu da astelehenean ontzi bat eta erreskate lanetan, haurdun zegoen emakume bat hil da. Libiatik gertu beste ontzi batean, ura sartu eta hamar pertsona hil dira sotoan. Desagertuen artean gutxienez 26 ume daude.
Ekainaren 16an Britainia Handiko BBC telebista kateak publiko egin duenez, Greziatik Europara joan nahi zuten pertsonak modu basatian hil izan dituztela frogatzen duten lekukotasunak bildu dituzte. Greziako uretatik irten eta brankatik behera itsasora bota dituzten bederatzi... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.