Hauek dira Europako Batzordearen planak larrialdi ekonomikoari erantzuteko
Ursula Von der Leyen Europako Batzordeko presidenteak asteazken honetan aurkeztu du COVID-19aren aurrean EBk izango duen errekuperazio ekonomikorako plana. Egitasmo hori gakoa da krisi berritik Europar Batasun are asimetrikoagoa atera ez dadin eta kide diren estatuen arteko eztabaida handi samarren artean egosi da.
Batetik, Europa hegoaldeko estatuek geldialdi ekonomikoaren kalteak ikusten hasi zirenean mahai gainean jarritako zorren mutualizazioa; bestetik, Europa erdialdeko eta iparraldeko zenbait estaturen jarrera –Herbehereak, Austria, Suedia, Danimarka– gutxi gorabehera bakoitzak babak bere eltzetik ateratzea planteatzen duena; eta erdian, ardatz franko-alemaniarra, Europar Batasunaren benetako orkestra zuzendaria, tarteko oreka baten bila.
Emaitza: Europar Batzordeak inoiz egin duen zorpetze-planik handiena, 750.000 milioi euro, gehienak estatuei transferituko zaizkienak eta itzuli beharko ez direnak (500.000 milioi) eta gainontzekoak kreditu bidez banatuko direnak. Zifra handiak dira, erraldoiak, eta historikoak, lehenbiziko aldia izango baita Europar Batasuna finantza merkatuetan zorpetuko dena. Baina hala ere, jarritako dirua urrun geratu da Europako Legebiltzarrak hilabete honetan bertan eskatutako bi bilioietatik.
Europar Batasunak hurrengo zazpi urteetarako (2021-2027) gastu-sabaia asko igotzea aurreikusi du eta horri esker espero dute kapitalen merkatuetan errekuperazio planerako funtsak eskuratzea. Von der Leyen buru duen erakundeak zordun fidagarria dirudi eta horregatik, epe oso luzerako maileguak izan arren –30 urterako izatea da landu den hipotesia– interes altuegiekin ez aurkitzea aurreikusi du Europar Batzordeak.
Zerga digitalak eta zerga berdeak
Nondik aterako ditu, ordea, maileguak itzultzeko diruak krisiak jotako Europa batek? Bruselan “baliabide propio berriak” aipatzen dira, alegia, klimarekin eta enpresa handiekin lotutako zerga berriak. Alde batetik, tasa digitalak, Google, Facebook eta antzeko beste korporazio erraldoiei ezarriko litzaizkiekeenak –nahiz eta oraingoz horrelakoen inplementazioak ez duen arrakasta handirik izan kide diren estatuetan–. Bestetik, karbonoaren emisioetan eskua sartzea zergen bidez, gehiago kutsatzen duenak gehiago ordain dezan.
Von der Leyenen planak formulatzeko problemak izan baditu, aurrerantzean aurkituko dituen oztopoak ez dira txikiagoak izango ordea: ez da nahikoa izango neurri horiek EBko 27 gobernuek onartzea, parlamentuek ere berretsi beharko dituzte eta horrek eragingo du neurriak asko atzeratzea. Beraz, epe laburrean estatuak ataka baten aurrean izango dira: EBk eskatuko duen ahalegin ekonomikoa handiagoa izango da; ordaindu ezin bada, EBren babes ahalmena txikia izango da.
Kontrol mekanismoak
Beste puntu gatazkatsu bat Von der Leyenen planeko laguntzak jaso ahal izateko estatu bakoitzak egin beharreko etxeko lanak dira: inbertsio eta erreforma plan bat aurkeztu beharko du estatu bakoitzak, jasotako dirua nola erabiliko duen zehaztuz eta behin funtsak eskuratuta ere, kontrol mekanismo handiagoak aurreikusi dituzte.
Laguntzen lehenbiziko zatia izango da funtsezkoena, diruaren %80 hor egongo da eta estatuei zuzenean emango zaie. Planaren bigarren zatia, %15 inguru, enpresak babestera zuzenduko da, haien inbertsio gaitasuna handitzeko nagusiki. Eta hirugarrena berriz, osasungintza eta ikerketara zuzenduta egongo da.
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Azkenean isuna iritsi zaio Boris Johnson lehen ministro britainiari, pandemia garaian egindako festekin COVID-19ko arauak urratzeagatik. Bere emazte Carrie eta Rishi Sunak Altxorraren idazkaria ere zigortutako 50 pertsonen artean daude.
Aste Santuaren ondoren, apirilaren 20tik aurrera, maskara erabiltzea ez da nahitaezkoa izango barrualdeetan, ospitaleetan, erresidentzietan eta garraio publikoan salbu. Nafarroako Gobernuak eta Eusko Jaurlaritzak hala eskatu zuten.
Horren arabera, datorren astelehenetik aurrera, orain arte COVID-19ari aurre egiteko neurriak bertan behera geratuko dira Eusko Jaurlaritzaren eskumeneko alorretan. Labi bera ere desegin egingo dute.
Frantziako Gobernuaren lege-proiektua Senatuan eztabaidatuko dute urriaren 28an. Nahiz eta gehiengoak bat egin neurriarekin, hainbat herritar dabiltza neurri honen kontra borrokan, kolektiboki antolatuz.
EAEko Lehen Hezkuntzako haurrei gainontzeko pertsona guztiei onartzen zaizkien eskubideak onartzea, horixe da Haurrak Ere Bai sarearen eskaria.
Aurrez aurreko bisita baten ostean konfinatu dutela eta konfinamenduaren baldintzak salatzeko hasi du protesta. Joan den larunbatetik daukate konfinatuta, ostiralera arte. Jakinarazi dutenez, ordura arte egongo da gose greban.
EAEko LABI ospetsuaren azken saioaren bezperan hartu gaitu, EHUn dituen bulegoetako batean. Legelaria eta Administrazio Zuzenbideko irakaslea da Iñigo Urrutia Libarona (Jatabe, Bizkaia, 1966). Gaur egun unibertsitateko Aldezlea ere bada, hots, bertako kideen babeslea... [+]
Normaltasuna berreskuratzen hasteko eta unean uneko osasun egoerari erreparatuz neguko jaiak antolatzeko prestaketa lanetan ari direla aurreratu du Eneko Goia Donostiako alkateak.
Maria Txibite lehendakariak koronabirusaren aurkako neurri murriztaileen amaiera iragarri zuen asteartean. Horrek hainbat galdera, zalantza sortu ditu herritarren artean. Horiei erantzuten ahalegindu gara.
Iruñeko Alde Zaharreko istiluak ez dira oraingoak, baina azken asteetan ostegun gauetan biziki gogorrak izan dira, bereziki San Nicolas eta San Gregorio kaleetan eta Sarasate Pasealekuan. Horren harira, hainbat tabernek itxi egingo dute hilaren 9an, 18:30etatik aurrera.
Asteazken goizean bildu da ostera ere Labiren Aholku Batzordea, eta bileraren ostean mintzatu da Iñigo Urkullu EAEko Lehendakaria. Asteartean Gobernu kontseiluan onartutako Bizi Berri IV Plana ere aurkeztu du, eta gizarteari babeserako oinarrizko neurriak berriro ere... [+]
Araba, Bizkaia eta Gipuzkoako biztanleek lor dezakete jada Europako Covid ziurtagiria, telematikoki baina izenpe digitalaren prozedurarik gabe. Izenpe digitalarekin nola egin zitekeen (Nafarroan ere) hemen kontatu genuen; orain azalpen gehigarri bat.
LABIren azken bileraren ostean eman du berria Iñigo Urkullu lehendakariak. Joan den urteko urritik daude itxita EAEko elkarte gastronomikoak, eta larunbatetik aurrera berriz ere zabaldu ahal izango dira. Nafarroan maiatzean eman zuten zabaltzeko baimena. Horrez gain,... [+]
Hortxetan dugu uda, eta harekin, urtaro honi lotu ohi ditugun oporrak, urte osoan eman guztiaren ordaina balira bezala. Eta berriro ere jendeak joan nahi du… urrun. Munduaren beste puntako itsas-bazter, naturako mirari edota diskoteka ospetsuan egon nahi du, 2020-2021... [+]