Hau 2024 urtea da: ongi etorri Europa neoliberalaren “normaltasunera”
Europar Batasuneko 27 herrialdeetako ekonomia eta finantza ministroen kontseiluak arau fiskal zorrotzagoak ezartzea adostu du abenduaren 20an. Azken urteetako norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du politika austeriziden itzulerak.
Ez da 2008ko krisiaren ondoren inposatutakoaren adinakoa izango, baina aditu guztiak bat datoz zartako gogorra etor daitekeela 2024an. Pandemiari eta azken urteetako krisi sozialei aurre egiteko politika ekonomiko espantsiboekin amaitu eta berriz ere "normaltasunera" itzultzea agindu dute Europar Batasuneko herrialde ortodoxoenek: defizit eta zor-muga zorrotzetara itzultzea, alegia.
Ecofin ekonomia eta finantza ministroen kontseiluaren pasa den asteko bileran hartu dute erabakia 27 herrialdeek. Horrela, gehienez ere %3ko defizita eta BPGrekiko %60ko zor publikoa eduki ahal izango dute EBko kideek; herrialde gogorrenen jarrera nagusitu da, batez ere Alemaniarena, baina baita Herbehereak, Austria, Suedia eta Danimarkarena ere.
Horretarako, "ihes-balbula" edo malgutasun bat izango dute gutxienez: herrialde zorpetuenek –%90etik gorako zorra dutenek– euren zorra urtez urte gutxitu ahal izango dute, batez beste puntu bat urtero; eta %60-90eko tartean daudenek puntu erdi baino ez dute gutxitu behar izango zor hori. Azken klausula horrek ahalbidetu du akordioa, Frantziako eta Espainiako estatuek eta Italiak onartu ondoren.
Gainera, arau fiskal horiek betetzen ez dituzten herrialdeei isun "onargarriagoak" ezarriko zaizkie, sei hilero ordaindu beharko dituztenak. Baina Ara.cat hedabideak azaldu duen moduan, pilatzen joaten diren isunak ordaindu behar izango dira hala ere, inongo mugarik gabe.
Orain arte herrialdeek modu kamuflatuan egindako zerbitzu publikoetako murrizketen –osasungintzan eta hezkuntzan, besteak beste–, olatu berri bat antzeman daiteke ortzi-mugan.
Lurreratze "brutala"
2020tik aurrera, pandemiarekin kateatu diren krisi sozialen zabalpena saihesteko, beste politika fiskal bat ezarri zuen EBk; baina horrek ez zuen eragotzi prekarietatea eta txirotasuna handitzea eta "milioika lagunen sufrimendua" eragitea, Zor Bidegabea Abolitzeko Komitearen (CADTM) webgunean Felipe Milinek idatzi duenez.
Izan ere, Milinen esanetan azken urteetako neurriak "marko kontzeptual neoliberal" baten barruan hartu dira berdin-berdin. Esaterako, laguntzak enpresa handien talde txiki batengana baino ez dira iritsi, "europar txapeldunak" deiturikoak, mundu mailako merkatuan lehiatu daitezen.
Hedabide ugaritan txalotu duten ustezko malgutasunak, aurrezkiaren erreinu ilunera zenbait herrialdek egin beharko duten lurreratzea hain "brutala" ez izatea du helburu, besterik ez
Milinek azaldu du gaur egungo inflazioaren arazoa ez duela gehiegizko likideziak sortu, baizik eta hornidura kateen etenak, eta hortaz, austeritate politikek atzeraldiaren hasiera azkartu baino ez dutela egingo.
Hedabide ugaritan txalotu duten ustezko malgutasunak, aurrezkiaren erreinu ilunera zenbait herrialdek egin beharko duten lurreratzea hain "brutala" ez izatea du helburu, besterik ez.
Eta klimaren osasuna, zer?
Diru publiko gutxiagorekin, nola bete Europako Paktu Berdea? Hori galdetu du askok orain. Paktu horren helburuak bete ahal izateko 620.000 milioi euro beharko direla dio Europako Batzordeak.
Europako alderdi berdeek eskatu dute arau fiskal berriek ez eragitea trantsizio energetikorako bideratutako aurrekontuei –esaterako erregai fosilak gutxitzea helburu dutenei–, kasu horretan zorpetze publikoa handiago izan dadin, baina ez da halakorik onartu.
"Huts egin duten errezetekin, finantza ministroak tematzen dira kontu publikoen eta ekonomiaren osasuna bilatzen, ekosistemen eta gizartearen osasuna zaindu gabe", azaldu du Greenpeaceko Carlos García Paretek El Salto-n. Austeritate "edulkoratura" itzultzea "oso albiste txarra" da beretzat.
Hil berri den Wolfgang Schäuble alemaniar finantza ministro-ohiak eta bere enparau ultraortodoxoek 2010eko hamarkada osoan inposaturiko austerizidio-aren bigarren kapitulu bat hasiko dugu beraz. Ongi etorri, hau 2024 urtea da, urte "normal" bat Europa neoliberalean.
Fabrika itxi eta 106 beharginak kaleratzeko asmoa dauka enpresako zuzendaritzak, eta zabalik dago lan-erregulazioari buruzko kontsulta-aldia.
Abenduan ezagutarazi ziren Espainia, Maroko eta Portugalen jokatuko den Munduko Futbol Txapelketako egoitzak. Donostia eta Bilbo zerrendan ageri ziren. Bada, Donostiako sei auzo elkartek, gutun bidez, FIFAri eskatu diote atzera botatzeko hiriaren egoitza izendapena; FIFA bera... [+]
Asian Hong Kong izan da galerarik handienak jasan dituena: %13,2 galdu du, 1997tik pairatu duen kolperik handiena. Europan, berriz, %6 eta %10 arteko galerekin abiatu dute astelehena burtsa nagusiek. Trumpek hartutako neurriak salatzeko mobilizazioak egin dituzte Europako eta... [+]
Euskal Herriko Pentsiodunen Mugimenduak deitutako eta ELA, LAB, ESK, CGT, CNT, STEILAS, ETXALDE eta HIRU sindikatuek babestutako manifestazioak Bilbon, Gasteizen, Donostian eta Iruñean izan dira. Bertan, Euskadiko eta Nafarroako gobernuei eskatu diete zerga eta aurrekontu... [+]
Guardian Llodio fabrikako behargin gehienek epaitegira jotzeko bidea bertan behera utzi ondoren, multinazionalak lortu du nahi zuena: enpresa errentagarri bat ixtea erabateko inpunitatearekin. Ez da egun batetik bestera sortutako estrategia, eta bide luzea izan arren, erabat... [+]
Nekazariarentzat baratzea eragozpena besterik ez da. Egungo makina bat nekazari “aurreratuk” horrela pentsatzen du. Bere lanean ez dute baratzerik behar, ezta oilategirik, ezta sagarrondorik, ezta erlauntzarik ere.
Gasteizko Basaldea etxaldean dago kokatuta Soilik nekazaritza birsortzaileko proiektua, Abetxuko auzoan, eta Jaime Garcia, Joseba Vigalondo eta Javier Chaves dira bultzatzaileak. “Lehen sektorean, eredu agroekologikoan inkorporazio berriak bultzatzea da gure helburua,... [+]
Ezbeharra ostegunean gertatu da eta SOS Nafarroak 16:00 orduak jotzear zirela jaso du haren berri. Medikua, anbulantzia et Foruzaingoa bertarako dira, baina ezin izan dute gizona suspertu eta bertan hil da.
Euskal Herriko Laborantza Ganberak hogei urte bete ditu. 2005ean sorturik, bataila anitzetatik pasa da Ainiza-Monjoloseko erakundea. Epaiketak, sustengu kanpainak edota Lurramaren sortzea, gorabehera ainitz izan ditu hogei urtez.
Araba, Bizkaia eta Gipuzkoako hezkuntza publikoko irakasleek urtarrilean abiaturiko greba zikloaren bigarren kolpea amaitu eta biharamunean deitu du bilera Eusko Jaurlaritzako Hezkuntza Sailak. Begoña Pedrosa sailburuak adierazi du "akordio bat lortzeko nahia"... [+]
Mundu osoarentzat %10eko muga-zerga globala inposatuko du Donald Trumpen administrazioak, eta hainbat herrialderen inportazioak are gehiago zergapetuko ditu, tartean Txinakoak (%34) eta EBkoak (%20). Baina Hegoalde Globaleko herrialdeak izango dira kaltetuenak: Lesoto (%50),... [+]
Zedarriak enpresari taldeak armagintza sustatzera deitzeak eta Jaurlaritzak horrekin bat egiteak "haserrea" sortu diela diote sinatzaileek. Mundu mailako egoera "inoiz baino larriagoa" dela uste dute, eta "Euskal Herriaren etorkizuna oztopa dezakeen... [+]
Kutxa Banku Fundazioak adierazi du Kutxabankeko presidentearen adierazpenek ez dutela fundazioaren pentsamoldea islatzen, "Hizkuntza aniztasuna beti da aberastasun iturri, nekez izan daiteke oztopo", argudiatu dute.
Londres, 1944. Dorothy izeneko emakume bati argazkiak atera zizkioten Waterloo zubian soldatze lanak egiten ari zela. Dorothyri buruz izena beste daturik ez daukagu, baina duela hamar urte arte hori ere ez genekien. Argazki sorta 2015ean topatu zuen Christine Wall... [+]
Nafarroako Erriberako Andosilla herrian, sorpresa ugari ematen ari den indusketa arkeologikoa egiten ari dira Aranzadiko arkeologoak eta herritar boluntario taldeak. Resako aztarnategian orain arte oso ezezaguna zaigun Goi Erdi Aroko gizarteak hobeto ulertzeko aztarnak aurkitu... [+]