“Hatortxu amaituko da, baina elkartasuna eta auzolanaren bidean gure aletxoa jartzen jarraituko dugu”
Bi edizio baino ez zaizkio geratzen elkartasun jaialdiari. Antolakuntzak iragarri bezala, ohiko jaialdia eginen dute abenduaren 28an, eta 2025eko uztailean lau eguneko jaialdi berezi baten ostean, agur esateko une gazi-gozoa helduko da. Aritz Colio Hatortxuko antolakuntzako kideak agurraren nondik norakoez mintzatu da Metropoli Forala saioan.
Milaka kilometro bizkarrean, hamaika musikari oholtzetan eta boluntarioak nonahi. 30 edizioren ostean, amaituko da Hatortxu Rock. Abenduaren 28an Atarrabian izanen da azken aurreko jaialdia, ohiko formatuan, eta azkena, 30. edizioa “lau eguneko jaialdi historikoa” 2025eko uztailaren 24tik 27ra Lakuntzan.
Iragan abenduko edizioa ‘Amaiera berri bat’ lelopean abiatu zuten eta “sentsazio kontrajarriekin” bizi du albistea Aritz Colio Hatortxuko antolakuntzako kideak. “Hatortxutik ospakizun hitza ekidin badugu ere, amaiera duina eman nahi genion ospakizun berezi batekin”, azaldu du Coliok.
Agur esatea gazi-gozoa den arren, albiste ona da: Hatortxu Rockek bere helburua bete du. Gizartearen bizi-ohiturak eta agertoki politikoa aldatu dira eta aldaketek ezinbesteko egiten dituzte elkartasun eta inplikazio modu berriak. Dena dela, “horrek ez du esan nahi guk gure oinarrian ditugun bi balore nagusiak, elkartasuna eta auzolana, bere horretan jarraitzen ez dutenik”. Gaineratu du Coliok: “Argi esaten dugu HTX baduela azkeneko edizio bat baina gu ere bidean jarraituko dugu gure baloreen lanketan”.
Elkartasuna eta auzolana ardatz
Coliok azaldu bezala egokitzapena eskatzen zuen jaialdiak berak, izan ere, “Hatortxuk ere bazituen muga batzuk”. Frontoi txiki batean hasi zen dena eta egun, 100 bat arduradun daude tartean eta jaialdian bertan 500 boluntario baino gehiago biltzen dira; azpiegitura sendoak dituen jaialdia bilakatu da. Beti ere, auzolana oinarrian eta boluntarioen indarrak eraman du aurrera jaialdia eta horretan ere, testuingurua aldatu dela aitortu du Coliok. “Indibidualizazio prozesuak geroz eta lorpen handiagoak lortzen ditu, eta ondorioz, horren antagonista den auzolana, geroz eta toki txikiagoa dauka”, azaldu du.
Beraz, azken txanpa izanen dute boluntarioek ere datorren abenduan eta 2025eko uztailean, Lakuntzan, han izanen baita Hatortxuren azken elkartasun bultzada. Buru belarri daude dagoeneko bi ekitaldiekin eta berehala hasiko dira informazioa argitaratzen. Bitartean, bi jaialdietarako bono berezia eros daiteke webgunean 94 euroan.
2024ko abenduan eta 2025eko uztailean egingo dituzte euskal preso politiko, iheslari eta deportatuekiko elkartasuna ardatz duen musika jaialdiaren azken bi edizioak. “Hatortxu badoa, baina erreminta berriei bide emateko”.
Hatortxurock elkartasun jaialdiaren 28. edizioa ospatu da gaur Atarrabian. Euskal errepresaliatu guztiak etxeratzeko helburua duen musika festibalak milaka lagun bildu ditu berriz ere. Jaialdia aurrera eramateko, boluntarioen lana ezinbestekoa izan da. Sarrera guztiak... [+]
17 talde bilduko dira aurten Hatortxu Rocken 28. edizioan. Abenduaren 16an egingo dute Atarrabian euskal preso politiko eta hauen senideekiko elkartasun festibala.
25. Hatortxu Rock jaialdian joko duten musika taldeak iragarri dituzte. Estilo eta jatorri ugariko 17 taldek parte hartuko dute elkartasun jaialdian, horien artean Segismundo Toxicómano, Afu, Soziedad Alkoholika, Nøgen, Skakeitan, Rodeo eta Ibil bedi. Jaialdirako... [+]
Antolatzaileek azpimarratu dute nahiz eta euskal preso politikoen dispertsioaren mapa txikitu den, oraindik ere beharrezkoa dela elkartasun jaialdia, “helburua guztiz bete arte”. Gainera, beste jaialdi bat antolatzen ari dira uztailaren 29 eta 30erako. Atarrabian... [+]
COVID-19aren egoerak are gehiago okertu duelako euskal preso politikoen eta haien senideen egoera, aurtengo Hatortxu Rock "inoiz baino beharrezkoagoa" dela jakinarazi du antolakuntzak. "Eskaintza bereziarekin eta pena mereziko duen egitarau batekin" aurrera... [+]
Hatortxu rock, euskal presoen etxeratzea aldarrikatzeko urteroko elkartasun ekimenaren 24.edizioa etxetik jarraitu ahal izango da. Osasun krisiak kulturan eragindako egoera kontuan hartuta, inoiz baino "behar" handiagoa dagoela adierazi du antolakuntzak... [+]
Milaka lagun bildu ziren larunbatean Atarrabian Hatortxurock jaialdian euskal preso eta iheslari politikoei eta euren senideei babesa eta elkartasuna adierazteko. Maitasunaren apologia erakustaldi eder honen bideo laburpena egin du Ahotsa.info-k.
Hatortxurock XXI. edizioa arrakastatsua izan da berriz ere. Milaka lagun bildu ziren Atarrabiako karpan euskal preso eta iheslarien etxeratzea aldarrikatzeko, eta euren senideei babesa eskeintzeko. Ahotsa.inforen bideo honetan bildu dituzten irudi ezanguratsuenak.
Iñaki Alforja zine zuzendariak dokumental batean bildu du Hatortxu Rock-eko 20. edizioa posible egin zuen auzolan erraldoia. 20 pertsonaren istorioen bitartez, zuzendari iruindarrak elkartasun jaialdiaren aurreko zein bertako bizipenak bildu ditu. Eta tituloak... [+]
Astelehen honetan aurkeztu dute abenduaren 16an Atarrabiako oholtza gainera igoko diren taldeen zerrenda. “Zuek gabe… etenik ez!” lemapean egingo dute elkartasun jaialdia.
Ahaztezina izango zela esan genuen, eta ahaztezina egin dugu. Denon artean egingo genuela esan genuen eta denon artean egin dugu. Etxerako bidea eraikiko genuela esan dugu eta etxerako bidea eraiki dugu. Eta eraikitzen jarraituko dugu. Balorazio oso positiboa egiten dugu... [+]
Eta halako batean Hatortxun ginen emakumeon artean begirada eta irrifar konplizeak sortzen hasi ziren, eskailera horiek igo eta bertan zegoena ikustean…