Bi gazte epaitu dituzte asteazkenean Zestoako gaztetxearen okupazioagatik
Zestoako Elizondo eraikina gaztetxe berri gisa okupatu zuen Gazte Asanbladak. Eraikina Elizaren jabetzakoa da, eta gotzaindegiak gaztetxearen aurkako prozedura abian du. Protesta ekintzak nagusitu dira azken asteetan, igandean Zestoako elizan, esaterako. Zestoako Udalak adierazi du prest dagoela “denon onerako” izango den akordio bat sinatzeko.
Asteazkenean izan da Zestoako gaztetxearen aurkako epaiketa, Azpeitian. Elizak jarri zuen abian iaz Gaztetxearen aurkako prozedura, Gazte Asanbladako kideek Elizaren jabetza den eraikina okupatu zutelako gaztetxe berri gisa erabiltzeko. Bi kide epaituko dituzte kasuagatik, eta asanbladak adierazi duenez, Elizak kalte-ordain eta “isun ikaragarriak” eskatzen ditu haientzat, Gedar-ek jaso duenez. Azpeitiko epaitegian protesta egin dute 09:00etatik aurrera, Langile Espazioen Defentsa Komunitateak eta Zestoako Asanbladak deituta.
Gaztetxeari elkartasuna adierazteko mobilizazio ugari egin dituzte azken asteetan Euskal Herrian. Joan den igandean kontzentrazioa egin zuten Zestoako elizaren barruan, Elizari Gaztetxearen desalojoa “eten dezala exijitzeko”. Donostiako Artzain Onaren katedralean ere egin zuten protesta ostiralean. Honen harira, Donostiako Elizbarrutiak egindako ohar baten bidez adierazi du ez duela “bere iritzia aldatzeko asmorik” Elizondo eraikinaren “okupazio bortitzari” dagokionez, eta salaketa indarrean mantenduko duela "eraikinaren jarduera lehenbailehen berreskuratu ahal izateko".
Prozesu tira-biratsua
2023ko otsailean ireki zuen gaztetxe berria Zestoako Gazte Asanbladak, Elizondo eraikina izandakoan. Kideek jakinarazi dutenez, “urte luzez” aritu dira asanblada udalarekin nahiz Elizarekin negoziaketetan espazio berri bat lortzeko, baina ez ziren sekula akordio batera iristen. Beraz, Elizondo eraikina okupatu zuten, Elizaren jabetzakoa.
Apirilean izan zuen kide batek auziaren inguruko lehen epaiketa Azpeitian. Epaileak absolbitu zuen, baina Elizak jakinarazi zuen eraikina hustearen alde borrokan jarraituko zuela.
Zestoako udala, akordio baten alde
Zeresana eman du gaiak Zestoan, eta udalak prentsa ohar bat zabaldu du asteartean. Egindako mobilizazioen harira, adierazi duenez, “ez da zilegi” asteburuan meza eten izana: “Beste ezein elkarte edo komunitatek bezala, herriko kristau komunitateak bere sinesmen jarduerak egiteko eskubide osoa du eta igandean jazotakoak herritarrek erlijio askatasunerako duten eskubidea erabat urratu zuen”.
Udalak Elizari dei egin dio bere ondareak “herriaren zerbitzura” jartzeko: “Elizako hierarkiak historian zehar eta azken hamarkadetan ondare publikoa beharko lukeen herri azpiegituren jabetzea gaitzesten dugu. Beste herrietan bezala gurean ere elizak bere izenean ondare material handia pilatu du eta gaur da eguna elizak ondare guzti hori behar bezala kudeatu eta mantentzeko gaitasun humano eta materialik ez duen”.
Prest agertu da elizarekin “denon onerako” izango den “akordio orokor bat sinatzeko”. Azpimarratu du Elizondo eraikina “gune aproposa” dela herriko gazte mugimenduetarako: “Zestoako Udala gunea berreskuratzeko ahaleginak egiten jarraitzeko prest dago baina horretarako herri ikuspegia lehenetsiz denon laguntza beharrezkoa izango da”.
Pasa den urriaren 30ean, Portugaleteko Sastraka Gaztetxeko bederatzi lagun auzipetu zituzten. Handik egun batzuetara Portugaleteko kaleak hartu zituzten hainbat lagunek gaztetxearen defentsan. Bi egun geroago, fiskalak karguak kendu zituen.
Bertan behera geratu da Barakaldoko epaitegian egingo zen Sastraka Gaztetxeko bederatzi kideren aurkako epaiketaren ahozko saioa. Akusatuen defentsak egozten zaien okupazio delitu arinaren preskripzioa planteatu du, eta Fiskaltzak karguak erretiratu ditu.
Azaroaren 5ean epaituko dituzte Barakaldoko epaitegian. “Kapitalismoaren logikatik kanpo” dagoen alternatiba bat sortzeagatik okupazio mugimendua “kriminalizatu eta zigortu” nahi dutela salatzen dute gaztetxeko kideek. Txirbilenea Kulturgunearen hustearen... [+]
2020an birjabetu zuten espazioa Portugaleten, eta horren harira epaituko dituzte bederatzi pertsona azaroaren 5ean. Ostiral honetan manifestaziora deitu dute, 'Okupazioaren kontrako erasoak gelditu' lelopean.
Euskal Herri mailako topaketak antolatu dituzte hainbat gaztetxe eta gazte asanbladatako gazteek urriaren 19rako, Leitzan (Nafarroa). Mugimenduaren egoeraz eta egitekoez hausnartu, elkarren artean saretu, eta borrokarako indartzea dute helburu. Idatziz erantzun diete ARGIAren... [+]
Autogestio espazio "irekiak, asanblearioak eta horizontalak" eraiki nahi dituzten gaztez osaturiko gaztetxe eta gazte asanbladak antolatutako jardunaldiek gaur egun atomizatua eta polarizatua dagoen esparru batean eragin nahi dute.
Isabelle Pargade Hazparneko auzapezak ofizialki eman dizkio Ttattola gaztetxeari lokal berriaren gakoak. Bien arteko negoziaketa luze batzuen ondorio da.
Eraikinetik ateratzeko agindua eman diete Zestoako Gazte Asanbladako kideei, eta prozesuaren gastuak ordaintzera zigortu dituzte. Gaztetxearen defentsan mobilizatzera deitu dute igandean, otsailak 4, Zestoako plazatik.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Kontzertuetarako materiala eta baliozko tresnak eraman dituzte.
Ez Dago Hilda festibalaren antolakuntzak azaldu duenez, festibal honen helburua dirua lortzea izanen da Iruñerriko eszena autogestionatuak behar duen entsegu espazio bat eskuratzeko. Urriaren 28an Berriozarko Ilargi parkean ospatuko da hirugarren edizio hau.
Zestoako Gazte Asanbladak jakinarazi du Gaztetxea husteko prozedura judiziala martxan jarri duela berriz Gipuzkoako gotzaitegiak, negoziatzeko deiei entzungor eginda. Aurtengo otsailean birjabetu zuten Elizondo eraikina izandakoa Gazte Asanbladako kideek.
Ttatola gaztetxeko kidea Baionako epaitegian errudun jo dute. Epaiketa salatzeko mobilizazioa egin dute ostegunean, hilak 22, Hazparneko plazan.
2022 urtean bota zuten Durangoko (Bizkaia) gaztetxea. Autogestionatutako eremu hori galduta, ordutik gazteen antolakuntzarako beste espazio baten bila aritu dira. Gaztetxearen beharra azpimarratuko dute ekainaren 16an egingo dituzten ekitaldietan.