Haserrea Korsikan Yvan Colonna preso politikoaren aurkako hilketa saiakeraren ostean
Asteburuan milaka lagun batu dira Cortin egindako manifestazioan. Astelehen goizean ere herrialdeko hainbat lizeo itxi dituzte ikasleek. Joan den astean beste preso batek Colonnari eraso egin zion Arlesko espetxean, koman dago geroztik. Frantziako estatua erruduntzat jo dute korsikar independentistek.
Korsikar independentisten borrokaren sinboloa bilakatu da Yvan Colonna preso politikoa. 1998an Ajaccion Claude Erignac prefet frantsesa hil izana egotzita biziarteko kartzela zigorra ezarri zioten 2007an.
Colonnak errugabea dela esan izan du beti, eta Korsikako alderdi abertzaleen gehiengoaren babesa eduki du. Azken urteetan bere familiarengana gerturatzeko hainbat eskaera egin dituzte, baina Frantziako estatuko kartzeletan mantendu dute.
Arlesko espetxean ari zen biziarteko zigorra betetzen Colonna. Martxoaren 2ko goizean beste preso batek eraso egin zion, larriki zaurituz. Frantziako epaitegi antiterroristako prokuradoreak eman ditu gertatu zenaren inguruko xehetasunak. Kirol-gelan egin zion eraso Franck Elon Abé presoak, itotzen saiatuz. Zortzi minutuz jipoitu zuen Colonna, eta horren ondoren kartzelazainei abisatu zien, Colonna “ondoezik” zegoela esanez. Bertan erreanimatu egin behar izan zuten, eta handik erietxera eraman. Eguerdirako hainbat hedabidek Colonna hil zela zabaldu zuten, baina abokatuek gezurtatu egin zuten. Koman daukate geroztik, eta delikatua da bere osasun egoera.
Martxoaren 6an manifestazioa
Colonnak jasandako erasoaren berria jakin eta berehala zabaldu zen haserrea, Ajaccioko Polizia prefeturaren aurrean ehunka manifestari bildu ziren ostiral gauean eta ateari su eman zioten. Beste hainbat mobilizazio ere egin zituzten.
Tartean, uhartera bidalitako hainbat militar eta polizia frantses zekartzan Corsica Ferries konpainiako itsasontzi bati porturatzea ukatu zioten STC sindikatuko hainbat kidek. Korsikarren haserrearen aurrean Paristik bidalitako errefortzuak ziren. Zortzi orduz egon zen ferrya geldirik, Touloneko porturantz buelta hartu aurretik.
Asko izan dira gertatutakoaren erruduntzat Frantziako Estatua jo dutenak. Tartean, Korsikako Legebiltzarreko lehendakariak adierazi zuen erasoa aurreikus zitekeela eta estatuak ez zuela ekiditeko ezer egin, ez eta preso politikoa Korsikara gerturatu, aspaldi eskatzen ari diren bezala.
Iganderako mobilizatzera deitu zuten ikasleen sindikatuek, eta alderdi independentista guztiek eta hainbat elkartek bat egin zuten Cortin egindako manifestazioarekin. Orotara 10.000 eta 15.000 lagun artean elkartu ziren Korsikako hiriburu zaharrean. “Frantziako Estatua hiltzailea” zeraman manifestazio buruko pankartak.
Istiluak gertatu ziren manifestazioan, eta poliziak ere gogor erantzun zuen. 24 manifestari, horietako batzuk larri, eta 4 polizia zauritu zirela esan zuen Korsikako prefeturak. Istiluen aurrean, Gilles Simeoni Korsikako kontseilu exekutiboko lehendakariak esan zuen manifestazioak emozioa, pena, eta baita haserrea ere erakusten zituela, eta gobernuak ez zuela horiek inola ere baretzeko saiakerarik egin.
Astelehen goizean ere jarraitu dute protestek, eta hainbat lizeo itxi dituzte ikasleek, Colonnarekiko elkartasunez ateen aurrean barrikadak eginez.
Marine Le Pen eskuin muturreko hautagaiak kanpainako ekitaldia egin behar zuen igandean, baina egoera dela-eta atzeratu egin behar izan du.
Otsaila bukaeran abiatuko dute Frantziako Konstituzioaren moldaketa dakarren proposamenaren idazketa. Agendaren berri ukan bezain laster berretsi du bere baldintza Korsikako Asanbleak: "Irlako hautetsi eta eragile guztiak beharko dira idazketa fasean inplikarazi".
Mediterraneoko uharteko bigarren etxebizitzen kontrako ekintzak bere gain hartu ditu Korsikako Nazio Askapenerako Fronteak (FLNC). Igandetik astelehenerako gauean gertatu dira eta aurretiaz ere bestelako eraso batzuk aldarrikatu zituen abuztu hasieran.
Frantziako Konstituzioan Korsikaren izaera berezia jasoko luke artikulu batek. Presidenteak hezkuntzan korsikera bultzatzeko asmoa iragarri du, baina ez hizkuntza ofizial bihurtzeko.
Autonomisten eta independentisten arteko deliberazio komuna lortu dute, eztabaida, gatazka eta negoziaketa luzeen ondotik. 63 hautetsietatik 46k alde bozkatu dute, oposizioko Un Soffiu Novu-k aurka bozkatu du eta Corsica Libera talde independentistako bat abstenitu da, Josepha... [+]
Korsikaren burujabetzari buruzko saio berezia eginen du uztailaren 4an irlako asanbleak. Bitartean, eskatu beharrekoari buruzko adostasun batera heldu nahian dabiltza alderdi abertzale ezberdinak.
Korsikako Asanblean eta Exekutiboan korsikera erabiltzea Frantziako Konstituzioaren aurkakotzat jo du Bastiako Auzitegiak, uharteko prefet ohiaren helegitea ebatzita. Korsikako herritarren eskubideen urraketa dela salatu du, besteren artean, Gilles Simeoni Korsikako Kontseilu... [+]
Duela hogei urte Claude Erignac Frantziako prefetaren hilketaren komandoaren parte izatea leporatu zioten. Orain, zaintza-neurri zorrotzak bete beharko ditu urtebetez. Eric Barbolosi Alessandriren abokatuak adierazi du erabakia "legea eta zuzenbidea hertsiki aplikatzearen... [+]
Asanblea Nazionaleko Legeen Batzordeak aho batez onartu du ikerketa batzordearen sorrera azaroaren 23 honetan. Gehienik sei hilabetez iraunen du prozedurak.
Frantziaren menpe segitzen duten hainbat herrietako alderdi independentista banak adierazpena izenpetu dute Corte-n (Korsika) urtero egiten diren Ghjurnate di Corti topaketa independentisten baitan.
21 lagunek osatzen dute Korsikako ordezkaritza: Gilles Simeoni Korsikako Kontseilu Exekutiboko presidenteak, Marie-Antoinette Maupertuis Korsikako Asanbleakoak, ganbera horretako lau talde parlamentarioetako presidenteek eta Frantziako eta Europako zazpi parlamentariek.
Korsikera sostengatzeko helburuz antolatu dute 110 kilometroko lasterketa. Igande honetan abiatuko da Aleria herritik eta uztailaren 6an iritsiko da helmugara, Bonifaciora.
Irulegiko Irratiko Sakonean emankizunaren hirugarren saioan Korsikako nazio askapen mugimendua izan dute hizpide, Marseillako presondegian Yvan Colonna FLNC Korsikako Nazio Askapen Fronteko militante eta preso politikoak bizia galdu zuenetik hilabetera.
ELEN Europako hizkuntzen berdintasunerako sareak eta Kevre Breizh Bertainieraren aldeko erakundeen kontseiluak Etnozidioa: Frantziako Tabua izenburuko jardunaldia antolatu zuten pasa den martxoaren 19an, Bretainiako Gwened herrian. Bertan izan zen Haizpea Abrisketa... [+]
Yvan Colonna preso politiko korsikarra beste preso batek Arlesko espetxean egindako erasoaren ostean hil zenetik deitutako lehen manifestazio bateratua egin zuten igandean Korsikan. Protestetan izandako istiluen ostean atzeratu egin dira Frantziako Barne Ministroarekin hasi... [+]
Zendu da korsikar independentista, 61 urterekin, martxoaren 2an beste preso baten partetik pairatu zafraldiaren ondorioz. Presoa biziaren eta heriotzaren artean zela jakin bezain laster zabaldu zen Statu francese assassinu mezua Korsikan barrena, Frantziako Gobernuaren ardura... [+]