LoverDose izena jarri diote eta maiatzaren 19, 20 eta 21ean iraganen da Baionan. Hitzaldiak, tailerrak, performantziak zein kontzertuak, eskaintza zabala proposatu dute, bide ezberdinetatik heltzeko gaiari. Izen-ematea apirilaren 30ean irekiko dute.
Intimoa politikoa dela oroitarazirik, maiatzaren 19, 20 eta 21ean Baionan iraganen den LoverDose festibalaren nondik-norakoak aurkeztu ditu PAF! elkarte feministak: maitasun erromantikoaz, harreman afektiboez, desirez, sexualitateez, heteroarauaz eta maitasunez hausnartzeko hiru eguneko topaketa antolatzen ibili dira azken urte honetan. Ondokoa zehaztu dute asteazkenean egindako aurkezpen-prentsaurrekoan: "Argitara ekarri nahi ditugu usu intimitatearen xokoan eta hausnarketa kolektibotik at egon ohi diren gai horiek. Ahalik eta jende gehien bildu nahi dugu, maitasunak har ditzakeen forma anitzak ikusarazi, maitasun erromantikoak jendartean hartzen duen leku zentrala zalantzan eman eta harreman afektiboak sortzeko manera ezberdinak argitara ekarri, horrek norbanakoengan eta kolektiboan dituen ondorioak aztertuz".
Hiru egunetan bide eta ertz ezberdinetatik begiratuko diote gaiari. Demagun, maiatzaren 20ko goizeko mahai inguruan, ikuspegi intersekzionaletik aztertuko dute sistemak beharrezko duen bikote harremana: Bikotea sistema heteropatriarkalean: nola eta zendako uztartzen dira menpekotasun-harreman ezberdinak?. Hizlari egonen dira Euskal Herritik Mari Luz Esteban antropologoa, eta Frantziatik Céline Bessière soziologoa, Christelle Murhula kazetaria eta Elisa Rojas abokatua –guztiek daramate beraiena ikuspegi feministatik–. Gogoeta horri segida emanen diote arratsalde bukaeran, Zein dira alternatibak gure harreman afektiboentzat bikote heteronormatibotik at? mahai inguruarekin. Bertan egonen dira Irantzu Varela kazetaria, Rachele Borghi unibertsitaria eta Tal Madesta kazetaria –hiruak dira aktibista transfeministak–. Itzulpena bermatua izanen da euskarara zein frantsesera.
Formatu ttipiagoan gogoetatzeko eta trukatzeko aukera ere izanen da. Hain zuzen, tailerren bidez, osagai zehatzago batzuei begiratuko diete: Belaunaldi-arteko topaketa: hitz egin dezagun maitasunaz adin guzietakoen artean (frantsesez); Maitasuna eta afektua disidentzia ezgaitutik eraikitzen (euskaraz); Gazteen arteko tailerra: harremanei eta sexualitateari buruzko estereotipoen deseraikitzea (euskaraz eta frantsesez); Hariak, jostorratzak eta zauriak helduentzako ipuinak (euskaraz); Maitasuna eta autonomia (frantsesez); (Ez)-amatasunak (euskaraz); Gozatu nahi dut! (frantsesez); Bikotea: irrikak, arauak edo desertzioak (frantsesez); Afektuen iraultza. Polimaitasunaren haritik tiraka (euskaraz); eta Polimaitasuna eta maitasun utopiak, normatik at maitatu gaitezen (frantsesez).
Bide andana proposatu nahi izan dituzte, eta hori, ahal bezainbat jenderengana iristeko xedez: performantziak, bertsolariak, argazki erakusketak, parranda, stand-up umorezko bakarrizketak… Egitarau osoa ondoko loturan dago zehazturik: paf-feminista.com/Programme-Programa. Festibala prezio librean –eta aukeran, kitorik– proposatzeko hautua egin izana ere aurkeztu dute prentsaurrekoan: "Ahal bezain bat jenderengana iritsi nahi dugu, horretaz gogoetatzeko beharra eta gogoa badelako, horregatik nahi izan dugu prezio librean jarri, hausnarketa eskuragarri izateko".
Espazio publikoan feminismotik eragiteko xedez, festibala ez da leku bakarrean izanen; alderantziz, Baionako leku ezberdinak hartzeko hautua egin dute: elkarte feministen lokalak, gaztetxea, bestelako egituren egoitzak, peñak, eta beste.
Azken bi hamarkadetan indarkeria matxistaren gaia lehen lerrora ekarri du mugimendu feministaren borrokak, besteak beste, eta bikote arteko indarkeria edo “familia arazo” gisa deskribatzen zenak, eremu publikora eta kalera egin du salto. Indarkeria matxistaren... [+]
Desengainu handia hartu dute euskal feminista askok jakin dutenean Chimamanda Ngozi Adichie idazleak haurdunaldia esternalizatu duela, alegia, surrogate batek ernaldu duela bere haurra, diru truke. Guztiok izan beharko genuke feminista saiakeraren egilea da Adichie, besteak... [+]
Izenburua aski argia da: Zuzi iraxegia. Euskal emakume idazleak eta literatura klasikoa (TZ, 2025). Eta 300 orrialdeko liburu mardulean, XIV. mendeaz gero gurean izan diren emakume idazleen gainean jardun du, irakasleari dagozkion azalpenak emanez bezainbat, testu klasikorik... [+]
Ostegun gauean emakume bat bortxatzea egotzita atxilotu zuten gizon bat larunbatean. Gizona kasua argitu arte zaintzapean dago. Mobilizazioa egin du Itaiak astelehenean 18:30ean, Baionako Herriko Etxean, eta horren erantzukizuna azpimarratu du.
Laura Macayaren liburua ekarri du euskarara Katakrakek. Amaia Astobizak itzuli du, feminismoaren baitako eztabaidak ireki eta beste begirada batzuetatik ekiteko helburuarekin.
Indartsua, irribarretsua eta oso langilea. Helburu pila bat ditu esku artean, eta ideia bat okurritzen zaionean buru-belarri aritzen da horretan. Horiek dira Ainhoa Jungitu (Urduña, Bizkaia, 1998) deskribatzen duten zenbait ezaugarri. 2023an esklerosi anizkoitza... [+]
Pippi Kaltzaluzeren istorioak lehenengoz kaleratu zirenetik 80 urte bete direla-eta, leku berezia eskaini diote Boloniako Nazioarteko Haur eta Gazte Liburu Azokan. Azkarra, independentea, errebeldea, lotsagabea, menderakaitza, apur bat basatia, sormen handikoa, ausarta eta... [+]
Gozamen aparta bezain deskribatzeko zaila dakar, norbaiten hitzak irakurri edo entzun ostean, zera pentsatzeak: “Horixe zen neu aurreko hartan azaltzen saiatu nintzena!”. Idazlea eta itzultzailea da María Reimóndez, eta galegoz aritzen da, hizkuntza... [+]
Bai ikastetxeek antolaturiko eskolaz kanpoko jarduerek, bai aisialdiari loturiko ekintzek eta udalekuek desgaitasunen bat duten haurrak kanpoan uzten dituzte maiz, eta hain justu, jarduera horiek bereziki onuragarriak dira premia bereziak dituzten haurrentzat. Hala dio... [+]
Orain arte desgaituak ez diren pertsonekin lehiatu da Uharteko Ipar Eski Taldeko Eneko Leyun eskiatzailea (Iruñea, 1998). 2024-2025 denboraldian, lehenengo aldiz parte hartu du Adimen Urritasuna duten Pertsonentzako Iraupeneko Eskiko Espainiako Txapelketan. Urrezko... [+]
Joan den urte hondarrean atera da L'affaire Ange Soleil, le dépeceur d'Aubervilliers (Ange Soleil afera, Aubervilliers-ko puskatzailea) eleberria, Christelle Lozère-k idatzia. Lozère da artearen historiako irakasle bakarra Antilletako... [+]
Endometriosiaren Nazioarteko Eguna izan zen, martxoak 14a. AINTZANE CUADRA MARIGORTAri (Amurrio, 1995) gaixotasun hori diagnostikatu zioten urtarrilean, lehen sintomak duela lau urte nabaritzen hasi zen arren. Gaitz horri ikusgarritasuna ematearen beharraz mintzatu da.
Duela aste batzuk, gurean egon ziren El Salvadorko eta Kanarietako emakumeen eskubideen aldeko hainbat aktibista. Sexu- eta ugalketa-eskubideez eta eskubide horiek urratzeak emakumeengan dituen ondorioez aritu gara; hala nola El Salvadorren berezko abortuak izanda homizidio... [+]
Zuberoako ohiturei buruzko bi liburu ditut gogoan. Batek XX. mendean aritu izan diren 180 dantzari eta soinulari aipatzen ditu. Haien artean, emakumezkorik ez da agertzen. Besteak, pastoralei egiten die errepasoa eta hor emakumeak aipatu aipatzen dira, baina omisio esanguratsuak... [+]
1984an ‘Bizitza Nola Badoan’ lehen poema liburua (Maiatz) argitaratu zuenetik hainbat poema-liburu, narrazio eta eleberri argitaratu ditu Itxaro Borda idazleak. 2024an argitaratu zuen azken lana, ‘Itzalen tektonika’ (SUSA), eta egunero zutabea idazten du... [+]
