Harpidetzen joan-etorria
Espainiako Estatuan hedabide digitalak edota prentsa kontsumitzen dituen herritarren %66k ez du ezer ordaintzen horregatik. Orain apur bat gehiago hasi dira ordaintzen digitalak, baina ezer gutxi, %13k ordaintzen baitzuen zerbait 2022an (Digital News Report España 2023. Nafarroako Unibertsitatea).
Ez litzateke ARGIArik inork ordainduko ez balu, baina gurean ekoizten den guztia kontsumi daiteke doan. Ahal eta nahi dugulako egin dugu apustu hori, gure kazetaritza proiektuak defenditzen duen munduarentzat onena horixe delakoan: Euskal Herri euskalduna, burujabea eta, besteak beste, kapitalismoa eta patriarkatua gainditzen lagunduko duen kazetaritza.
Kabitu ezinean entzuten duzu harpidedun berri bat egin dugula, eta baja bakoitzak kolpatzen zaitu. Joan den astean, adibidez, harpidedun batek baja eman zuen EHKSri elkarrizketa egin geniolako, bere ustez haiei buruzko gauza asko argitaratzen dugulako. Euskadi Irratian, Berria-n eta Gara-n ere ikusi ditut EHKSri buruzko elkarrizketak edo informazioak, ez dakit asko edo gutxi ote diren ordea, eta horregatik bajak jasotzen dituzten.
35 urteko kazetari ibilbidean hainbatetan ikusi ditut halakoak ARGIAn, orain “etsaiari jokoa egiten diozuelako”, gero “PNVkoak egin zaretelako” eta hurrengoan “terroristen alde” egiteagatik. Batzuk badoaz, beste batzuk badatoz eta joandako batzuk ostera datoz. Eta joan-etorri horietako bakoitzak –tartean irainik ez bada bederen– merezi du errespeturik handiena, une batez gure zutoin izan delako eta joan-etorria edonoren eskubidea delako, edonondik edonora.
2008ko krisialdian behin baino gehiagotan pentsatu genuen olatutzar hark azpian harrapatuko gintuela. Hainbat arrazoirengatik urte txarrak izan ziren harpidetzetarako, baina haren bueltan, 2012-2015etik aurrera iparra findu genuen, eta haize haien bultzadan gatoz gaurdaino, azken urte luzeetan harpidedun gehiago eginda galduta baino. 1990eko hamarkadaren hasieran edo 2000ko urteetan nekez pentsa nezakeen halakorik, eta gaur egun ere hainbatetan harriduraz entzuten ditut lankideek dakartzaten datuak. Burua hautsi beharko dugu altxor horri eusteko, bai horixe.
Europan iraultza egin eta Europako Alderdi Komunista Euskal Herritik eraikitzea sinesgaitza eta harrigarria iruditzen zait. Baina gaur egunetik begiratuta, horren ulergaitza da duela ez hainbeste ezker abertzaleak independentzia eta sozialismoa lortuko zituela sinestea, are gutxiago bide horretan Espainiako Estatua armez horretara behartuta. Kontua da hori uste zutenek haien arrazoiak zituztela hori pentsatzeko, eta egungo komunista gazteek eurenak dituztela. Nire ustez, kazetariaren lanetakoa da arrazoi horiek irakurlearengana eramatea, hark bere heldutasunetik balora eta bere ondorioak atera ditzan. Informazioak beti egingo gaitu helduago, libreago eta burujabeago. Desinformazioak eta zentsurak gure pentsamendua eta askatasuna kamusten dituzte.
Zerbait egin beharra izan liteke aurtengo Argia Sarietan garaikurra jaso berri dutenen oinarria. Zapalkuntzaren, bazterkeriaren, ahanzturaren aurrean antolatzearen erabakia hartu izana. Edo ilunetik argia ateratzea, zirrikituak bilatzea eta komunitateari eskaintzea. Balio... [+]
Gorrotoa sustatzen duten algoritmoak, mendekotasuna sortzeko diseinatutako aplikazioak, pertsonak beharrean publizitate-hartzaileak ikusten dituzten plataformak, merkantzia gisa tratatzen gaituzten sare sozialak… Badirudi azken aldian herritarrek sare sozial nagusietatik... [+]
Jan-edanean zeuden denak, itxuraz alai, baina baten bat urduri zebilen aperitibo eta aperitifa artean. Bigarrenez jasoko zuen saria, baina eskuetan edukiko zuen lehenbizikoa izango zen. Eta urduri zegoen, oroigarriak bulegora heldu beharra zeukalako, joder. ARGIA Sariak ez dira,... [+]
Gauzak bizi eta azkar aldatzen badira ere, zenbait kontu ez dira aldatzen: Argia Sarien ekitaldia da horietako bat. Horixe esan dio kronikagile honi beharrera etorri den kanpoko kazetari batek, ARGIA asko aldatu dela esatearekin batera, sari-banaketa hasi aurretik. Onerako ari... [+]
EITB Kultura telebista saioak jaso du Argia Saria euskal kulturgileen lana bistaratzeagatik, Euskal Herriko txoko guztietako proiektuak telebista publikora ekartzeagatik, eta egiten duten kalitatezko ikus-entzunezkoagatik. Saria Leire Ikaranek eta Kerman Diazek jaso dute, Berde... [+]
Onintza Irureta Azkunek egin du hitzartzea ARGIAko lantaldearen izenean:
"ARGIAko komunitatea osatzen duten milaka lagunetako batek berriki adierazi digu batzuetan ARGIA iluna dela, barruak mugiarazten dizkion albiste gogorrak daudela. Lan ona egiten dugula, baina... [+]
Prentsako Argia Saria Irutxuloko Hitza-rentzat izan da, eskuin muturraren igoerari egindako jarraipenagatik eta talde erreakzionarioen benetako aurpegia erakusteko kalean hor egoteagatik. Aurten 20 urte beteko ditu Donostiako hedabideak. Aizpea Aizpurua, Andrea Bosch,... [+]
Sei sari banatu ditugu aurten: ikus-entzunezko saria EITB Kultura telebista saioari eman zaio, prentsako saria Irutxuloko Hitza Donostiako hedabideari, entzunezko saria BaDa!bil podcastari, interneteko saria Oroibidea bilatzaileari eta komunikazio kanpaina onenaren saria Altxa... [+]
Hamabost urteotan gazteenen artean euskara sustatzeko egindako lanagatik eta lortutako arrakastagatik, Merezimenduzko Argia Saria Ene Kantak proiektuarentzat izan da. Saria Nerea Urbizu, Fermin Sarasa eta Jesus Irujok jaso dute.
Seme-alabek lehen mugikorra izateko adina atzeratzeko eskolaz eskola egindako lanagatik eta lortutako emaitzengatik, ikastetxeak mugikorrik gabeko arnasgune izateko borrokagatik, kanpaina onenaren Argia Saria guraso elkarteek osaturiko Altxa Burua ekimenarentzat izan da... [+]
Galtzaileen herri ondarea sarean jartzeko erakunde publiko batetik egindako ahaleginagatik, ahots gabeen ahotsa entzuteko aukera emateagatik, eta batez ere, Nafarroak aitzindari izaten segi dezan oroimen historikoa berreskuratzeko bidean, Interneteko Argia Saria Nafarroako... [+]