Harea-erloju baten bidez irudikatu ohi da denboraren joana. Ospatu berri dugu Saharako Errepublika Arabiar Demokratikoak 49 urte bete dituela iragan den otsailaren 27an. Urte hauetan guztietan, harearen pisuak ez du oraino estali Saharako populuaren askatasun-nahia eta justiziaren aldarrikapena.
Harea-erlojuaren hondar aleek ezin izan dute estali duela mende erdiko Espainiaren abandonua eta traizioa, Madrilgo paktuak sinatu zirelarik, nazioarteko legediei muzin eta justiziari iskin eginda, Saharako Herriaren nahimenari erreparatu gabe eta harreman historikoak ahazturik.
Mendebaldeko Saharatik bortxaz egotziak, Tindouf-eko errefuxiatuen kanpamentuetan ezarri eta basamortuaren basamortuan, Hamadan, sahararrak kapazak izan dira estatu bat eraikitzeko, gorabeherak gorabehera.
Saharako estatua populuaren parte hartze zuzenarekin eraiki da eta Saharako Kabiak elkartetik, Bubisher proiektuarekin bat eginik, lagundu dugu eraikitzen: egun, errefuxiatu kanpamentu bakoitzean bibliobus eta liburutegi bat dago martxan, Saharako liburutegi sare nazionala osatzen dutelarik, betiere kontuan hartuz basamortuko liburutegi horietan, Saharako Kabia horietan, Saharako Herriak berak duela erabakimena eta protagonismoa; guri dagokiguna, gure engaiamendua biderkatzea eta laguntzari eustea, are gehiago gerra egoeran.
Saharako Errepublikako Arabiar Demokratikoak duen etsairik handiena ez da Maroko, munduaren isiltasun ozena baizik
Harea-ekaitz anitz Hamadan, baino askoz arriskutsuagoak dira Marokoren droneak. Marokoko Almassaa hedabidearen arabera, Turkiako Baykar enpresak gerrarako droneen mantentze-lanak egiteko filial bat ezarri du Marokon. Era berean, Marokok akordio bat sinatu berri du Elbit Systems talde israeldarrarekin, ATMOS 2000 modeloko 36 artilleria-pieza autopropultsatu Marokoren Armada are gehiago hornitzeko, La Tribune Frantziako egunkariak jakinarazi duenez. Military Africa aldizkariaren arabera, otsailean Marokora heldu berri dira AEBetatik AH-64E Apatxe Guardian Block III gerra-helikoptero berriaren lehen hiru aleak; laster, gehiago ekarriko dituzte. Eta ez dezagun ahantzi: Espainiako Estatuak ere armak saltzen dizkio Marokori, asko Euskal Herrian bertan eginak.
Guk berriz, Bubisherren kabiak diren liburutegietara liburuak bidaltzen ditugu, kamishibai motako ipuinak, eskola-materialak, liburuzainen lan-sariak ordaindu eta trebakuntza eskaini. Areago, gure hurrengo proiektua, liburutegietan baratzeak sortzea ere bada.
Agerikoa da, beraz, gabeziak gabezia, SEAD errealitate bizia dela. Bada garaia Espainiako gobernuburu Pedro Sánchezen bide okerra zuzentzeko eta onartzeko SEADen errealitate ukaezina, ia mende erdia bete duena. Izan ere, izenez sozialistak diren Espainiako agintariak Marokoko erregimen ustel eta diktatorialarekin bat eginda ikustea ahalkegarria da guztiz.
Harea-mugikorretan dabil geopolitika; Ukrainako gerraren irudiek bete dituzte telebistaren pantailak, Gazako sarraskiak saminez bete bihotzak, eta Sahara, aldiz, harea desinformatiboak estalia gelditu da. Izan ere, Saharako Errepublikako Arabiar Demokratikoak duen etsairik handiena ez da Maroko, munduaren isiltasun ozena baizik.
Josu Jimenez Maia, Saharako Kabiak-en izenean
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Aurreko egunetan Larraitz Ugarte abokatuak idatzitako La motosierra puede ser tentadora artikuluak zeresan handia eman du sektore zabal batean. Administrazio publikoaren barruan ohikoak diren egoera batzuk mahai gainean jartzen ditu, tartean efizientzia falta, ardura eta kontrol... [+]
Garrantzitsua al da hizkuntza bat zuzen erabiltzea? Zer puntutaraino da hain beharrezkoa gramatika menderatzea edo hiztegi zabal bat edukitzea? Betidanik entzun izan ohi dut hizkuntzaren garrantzia, baina pentsatzen jarri ostean, ondorio batera iritsi naiz. Pentsatzeak askotan... [+]
Aspaldian bisitatzen ez nuen eta hainbertze gustatzen zitzaidan leku batera joan nintzen aurrekoan. Bertan nengoela, gustura sentitu nintzen eta zera pentsatu nuen: hau da nire leku kuttuna. Kuttuna, kuttuna, kuttuna; hitza jira eta biraka etxerako bidean. Kuriositateak jota... [+]
Nerabeek eta gazteek, ibilbide akademikoan zehar, behin baino gehiagotan jasoko dute lagungarria izango zaien ikasketetarako edo-eta lanbiderako orientabidea. Gidaritza eskaini behar zaie, zalantzez beterik egon ohi baitira erabaki garrantzitsuak hartu behar dituzten bakoitzean,... [+]
Gure hizkuntzaren aurkako beste eraso bat jasan behar izan dugu Nafarroako Gobernuko Hezkuntza Departamentuaren eskutik; PAI programan euskararen aurkako aldaketa bat egitera behartu gaituzte. Azken urteotan, legeak hala aginduta, D ereduko ikastetxe berriek PAI programa sartu... [+]
Hezkuntza publikoko irakasleok hamabost urtetan berriztu gabeko lan-hitzarmena eguneratzeko eta hobetzeko beharra eta eskubidea dugu. Horretarako, benetako negoziazio batean murgilduta egon beharko genuke, baina errealitatea negargarria da. Negoziazio batean, alde oro ados... [+]
Badira bi aste beste behin makroproiektuei kaleetan oposizio argi bat erakutsi geniela. Milaka eta milaka pertsona atera ginen kalera dinamika suntsitzaile honek amaitu behar duela aldarrikatzera. Bada, dirudienez horrek ez du lurraren suntsiketaren aldeko politikarietan inolako... [+]
Duela aste batzuk, Diputazio kalean, Gasteizko erdigunean, bi gizonek etxerik gabeko pertsona bat bota zuten lo egiten zuen lokalaren kanpoaldeko eskailera-buru txikitik. Bota ez ezik, berehala metalezko baranda bat ere jarri zuten lonjaren aurrean. Lokala luzaroan hutsik egon... [+]
Hizkuntzakeriatik edo glotofobiatik eta, zer esanik ez, euskararen aurkako gorrototik, askotan ikusi izan dugu gure euskara makila guztien zahagi bihurturik. Azkena, Anton Arriola Kutxabankeko presidentea ibili zaigu makilakari lanetan gure hizkuntzari astindu eta makilakada... [+]
Ez dezazuela lotura hau Ezkiotik bilatu, ez eta Altsasutik ere, are gutxiago Ebro ibaia Castejonetik zeharkatuz. Euskal Yaren eta Nafarroako AHTaren arteko lotura, edo hobeto esanda, loturak, dagoeneko errealitate bat dira. Pluralean dauden lotura horiexek dira kezkatu beharko... [+]
Ez atera zalapartarik, ez konfrontatu, ez biktimizatu... eta obeditu. Subjektu zapaldu gisa, kasu honetan euskaldun gisa, mintzo gara, zenbatetan entzun behar izan ditugu halakoak? Ironiaz, honelaxe esan zuen, duela bi urte, Euskaltzale Independentiston Topaketan, Amets... [+]
Aurten "Israel Premier Tech" txirrindularitza talde israeldarra ez da Lizarraldeko Miguel Indurain Sari Nagusia lasterketara etorriko. Berri ona da hori Palestinaren askapenaren alde gaudenontzat eta munstro sionistarekin harreman oro etetea nahi dugunontzat, izan... [+]
Intsumituek denbora luzez egindako borroka gogorra eta mingarria izan zen, baina irabazi zuten, eta garaipen hura behin betikoa izango zela uste genuen, atzera bueltarik gabea. Baina badirudi, politikari batzuen ahotik aterata, eskalada militaristari gorazarre egin eta berriz... [+]
Punto Bobo liburuaren irakurketan murgilduta, Itxaso Martin Zapirain egilearen Eromena, Azpimemoria eta Isiltasunak Idazten ikerketa lanean sentitu nuen egiazkotasun eta maila etikoarekin egin dut berriz ere topo. Eta hortaz, hara bueltatu. “Oihu izateko jaio zen isiltasun... [+]
Dirudienez, Euskal Herrian migrazioa arazo bilakatu da azken bi hamarkadetan. Atzerritarrez josi omen dira gure lurrak. Gure kultura arriskuan omen dago fenomeno “berri” horren ondorio. Lapurretak, bortxaketak, liskarrak… Bizikidetza arazo horiek guztiak... [+]
