Hamaseko buru politikoa hil dute Iranen, eta Israelek eskualde mailako gerra elikatzen jarraitzen du
Hamas, Iran eta beste hainbat eragilek Israeli egotzi diote erasoa, baina oraingoz ez du egiletza onartu. Horrez gain, Hezbollahko agintari garrantzitsu bat hil du Israelek asteazkenean Beiruten, eta ostegunean Israelgo Armadak ziurtatu du Hamaseko buru militarra hil zuela Gazan uztailaren 13an.
Ismail Haniyeh Hamaseko diplomazia burua eta askoren ustez agintari politiko nagusia zena hil egin dute Iranen, bere bizkartzainetako batekin batera, zeuden eraikina bonbardatu ondoren. Israeli egotzi diote hilketa eragile ugarik, haien artean Hamasek eta Irango gobernuak. Hamaseko buruaren hilketak eskualdean tentsioa igotzea eragin du eta su-etenerako negoziazioen etetea ekar dezake, analisten arabera. Izan ere, Haniyeh zen negoziaketetako erreferentzia nagusia, eta hilketak zalantza gehiago sortu ditu akordioaren bideragarritasunari buruz.
Iranek Israel “gogor zigortuko” duela agindu du, Haniyehren heriotzaren mendeku gisa. “Gure ardura da errepublika islamikoan gertatu den eraso odoltsu hau mendekatzea” esan du Ali Khamenei Aiatolak, Irango agintari gorenak. Berak gidatu du Haniyehren ohorezko hileta Teheranen, milaka pertsonarekin batera. “Hilketa ez da erantzunik gabe geldituko” adierazi du Irango Parlamentuko bozeramaileak, eta gehitu du Haniyeh “palestinar guztien ahotsa” zela munduan.
AEBetako Estatu idazkariak, Antony Blinkenek, esan du AEBek ez zutela atentatuaren berri eta ez dutela “Haniyehren hilketan parte hartu”. Defentsa idazkariak esan du Ekialde Hurbileko gerra ez dela saihestezina, baina Israelek erasoak jasatekotan AEBek lagunduko diotela defendatzen. Aditu ugarik diote AEBei ez zaiela komeni eskualde mailako gerran sartzea, eta Netanyahuk daramatzala bide horretatik.
Hainbat herrialdeetako ordezkariek salatu dute Haniyeren hilketa, tartean Txinak eta Turkiak, eta Netanyahuri leporatu diote bakea nahi ez izatea. Qatarreko lehen ministro Mohammed bin Abdulramanek, negoziaketetako bitartekari izan denak, salaketa publikoa egin du, galdetuz ea nola izan dezakeen arrakasta bitartekaritza batek, “alde batek beste aldeko negoziatzailea hiltzen badu”.
Bestalde, Fuad Shukr hil du Israelek Beiruten, Hezbollahren sortzaileetako bat, eta agintari nabarmendua zena. Israelek okupatutako Golango gainetan druzoen komunitateko hamabi haur hil izanaren erantzuna izan da hilketa, Israelen esanetan, nahiz eta Hezbollahk ez duen eraso hori bere gain hartu. Gainera, Hamaseko buru militarra, Mohamed Deif, uztailean Gazako bonbardaketa batean hil zuela iragarri berri du Israelgo Armadak, baina talde palestinarrak ez du baieztatu oraingoz. Deif Qassam brigaden sortzaileetakoa izan zen, eta miliziaren agintari izan da hogei urte baino gehiagoan.
Hilketa guzti hauekin, Israelen aurkako jarrera gogortu dute eskualdeko aktore ugarik. NBEtako Segurtasun Kontseiluak larrialdiko bilera deitu du, tentsioen gorakada lantzeko. Palestinak NBEan duen ordezkariak esan du “nazioarteko komunitateak aukeratu egin behar duela, bakearen eta segurtasunaren alde egon, edo Israeli utzi denok amildegira eramaten”. Israelek urriaren 7tik 17.000 eraso egin ditu Ekialde Hurbilean, bost herrialdetan: Palestinako Lurralde Okupatuetan, Libanon, Sirian, Yemenen eta Iranen.
Nor zen Ismail Haniyeh
Haniyeh bi hamarkadaz baino gehiagoz izan da Hamaseko kide nabarmena, eta Hamaseko talde politikoko burua 2017tik aurrera. AEBek terroristatzat hartua 2018tik, 2019an Gaza utzi zuen eta atzerrian bizi zen ordutik, Hamasen diplomazia buru gisa jarduten.
Joan den apirilean Israelek bere hiru seme-alaba eta hainbat biloba hil zituen Gazako bonbardaketetan. Haniyeh Qatarren bizi izan da azken urteetan. Urrian abiatutako genozidioaren baitan, Haniyeh bitartekari garrantzitsua izan da Qatar, Egipto eta AEBek bideratutako su-eten negoziaketetan. Iturri batzuen arabera gertu egon zitekeen aurreakordio oinarri bat, baina Haniyehren hilketak hankaz gora jarri du egoera, eta ikusteko dago nola lur hartzen duen.
Kazetarien heriotza
Israelek Al Jazeerako bi kazetari hil ditu asteazken honetan, Ismail al-Ghoul berriemailea eta Rami al-Rifi kamera, Gazan kazetaritza lana egiten ari ziren bitartean. Gaza hiriaren mendebaldean zeudela, armada sionistaren bonbek beren ibilgailua jo eta biak hil dituzte. Al Jazeerako editore Mohamed Moawadek kazetarien “adorea” goraipatu du, Gazako genozidioa kontatzen egindako lanagatik.
Hainbat eragilek salatu izan dute Israelek sistematikoki egin diela eraso kazetariei. Urriaren 7tik 165 kazetari palestinar hil dituzte sionistek, Gazako Gobernuaren arabera.
Bederatzi militar sionista atxilotu dituzte, Sde Teimango kartzelan preso palestinar bati egindako torturengatik; besteak beste, metalezko barrak sartu zizkioten ipurtestetik. Kolono "zibilen" eta soldaduen protestak piztu dira torturatzaileekin elkartasunez, eta... [+]
AEBetako hauteskunde presidentzialetarako hautagaiek Israeli babesa berretsi diote Netanyahuk herrialdera egindako bisita baliatuta, Alderdi Demokratarena barne. Demokraten hautesle ugarik, ordea, genozidioaren inguruko jarrera jarri dute bozka emateko baldintza gisa.
Urriaren 7tik azaroaren 4ra bitartean, milaka profil eta eduki ezaba zitzatela eskatu zieten sionistek hainbat plataformari. Eskaeren %60 izan ziren Meta taldeari, eta horien %94 bete zituen enpresak.
Ur hornidura % 94 murriztu dute sionistek Gazan urritik hona. Biztanleriari ura ukatzea gerra krimena da nazioarteko legearen arabera. Milioitik gora palestinarrei ematen zien zerbitzua Rafahko biltegiak.
UNRWAk salatu du ebakuazio aginduek “miseria, beldurra eta sufrimendua areagotzea” besterik ez dutela eragiten. Zerrendaren %86a ebakuatu beharreko zonaldea izanda, 50 km karratu bakarrik gelditzen dira hortik kanpo.
Israelek Hezbollahri egotzi dio larunbatean Golango gainetan gutxienez hamabi pertsona hil dituen bonbardaketa, baina milizia xiitak ez du bere gain hartu. Israelek Libanoko gune ugari bonbardatu ditu jasotako azken erasoaren ondoren.
Hamas, Fatah, Palestina Askatzeko Herri Frontea, Palestinako Jihad Islamikoa eta beste hamar taldek hitzarmena sinatu dute, genozidioa amaitu ostean “Palestinako lurralde guztien” gaineko agintea izateko. “Okupazioaren aurka borrokatzeko” eskubidea dutela... [+]
Palestinar errefuxiatuen kanpalekuen ondoko ur zikinetan Poliomielitis birusaren kontzentrazio altuak topatu dituzte. UNICEFek ohartarazi du “hondamendia” gertatzeko aukera asko daudela.
Hamasen urriaren 7ko erasoa eraikin zahar bat astindu duen lurrikararekin konpara daiteke. Arrakalak agertzen hasiak ziren, baina orain begi-bistan daude, oinarrietaraino.
Estatu palestinar bat, bi estatu edo batere ez. Horiek dira Palestinako gatazkaz aritzean irudikatzen diren irtenbideetakoak. Egungo Gazak eta Zisjordaniak osa dezakete Palestinako Estatua; edo izan daiteke Zisjordaniako A eremua bakarrik –Palestinako Agintaritzako... [+]
25 egun baino gutxiagoz egon da martxan hasieratik polemikoa izan zen portua. “Distrakzio neurria” izan dela salatu dute eragile ugarik.
NJAk dio Israelek Palestinako lurralde okupatuetan duen presentzia “lurrak anexionatzea” dela, eta “ahalik eta azkarren” amaitu behar dela. Erabakia ez da loteslea.
Hodeidahko portuan gutxienez sei pertsona hil dituzte sionistek larunbatean. Ostiralean, Huthiek Tel Avivi eraso egitea lortu zuten lehen aldiz.
NBEren ikerketa baten arabera, lehertu gabeko artilleria, substantzia kaltegarriak eta palestinarren gorpuak daude hondakin artean. 50.000 bonba baino gehiago bota ditu Israelek urritik, eta 40 milioi tona hondakin sortu dituzte.
Genozidioarekin lotutako suizidio ugari identifikatu dira, armada sionistak datuak ezkutatzen baditu ere.