Hamasek suziriak bota ditu Tel Aviven aurka, sei hilabetetan lehen aldiz
Sirenak entzun dira Tel Aviv eta Israelgo beste hiri batzuetan. Sionisten aire defentsarako sistemak jaurtigai gehienak geldiarazi ditu, baina zauritu bat izan da gutxienez, Israelgo iturrien arabera. Armada sionistak Rafah bonbardatzen jarraitu du Nazioarteko Justizia Auzitegiaren ebazpenaren ondoren.
Igandean sirena hotsak entzun dira Tel Aviv eta Israel erdialdean, Hamasek Rafahtik jaurtitako suziriez ohartarazteko. Hamasek Telegram kanal baten bidez jakinarazi du bere Qassam Brigadak egin duela erasoa, eta Israelgo iturriek baieztatu dute. “Sionistek egindako zibilen aurkako sarraskiari” erantzunez egin du erasoa milizia palestinarrak. 228 eguneko oldarraldiaren ondoren, eta armada sionista Rafah bonbardatzen eta lurretik erasotzen ari den bitartean, Hamasek frogatu du oraindik indar operatiboa duela hirian.
Imran Khan Al Jazeerako editoreak dioenez, ez zen espero Hamasek gaitasun hori izaterik, sionistek aldarrikatu izan dutelako Hamasen gaitasunak suntsitu dituztela. Khanen esanetan, sirenak entzun direnean, Libanotik Hezbollahk egindako eraso bati egotzi diote arriskua. “Israelgo Armadaren porrot” gisa ikusiko da suziriak jaurti izana, kazetariaren ustez, eta eragina izan dezake asteartean berriz hastekoak omen diren negoziaketetan.
“Eraso handia” egin izana aldarrikatu du Hamasek. Israelgo Gobernuko iturriek adierazi dute palestinarrek zortzi suziri jaurti dituztela Israel erdialdean, baina gehienak geldiaraztea lortu dutela. Tokiko hedabide israeldarren arabera, 30 lekutan entzun dira sirenak erasoen berri ematen. Al Jazeeraren esanetan, arin zauritu dira hainbat pertsona, eta kalte material ugari eragin dituzte suziriek. Israelgo iturri ofizialek zauritu bakarra aitortu dute, babeslekura korrika zihoan herritarra, baina ez omen dago larri zauritua.
Akiva Eldar Israelgo analista politikoak esan du azken eraso horren ostean Benjamin Netanyahu lehen ministroak “biktimaren papera” hartuko duela. Nazioarteko Justizia Auzitegiak Rafahtik ateratzeko emandako aginduari aurre egiteko argudioak emango dizkiola ere aurreratu du, lehenagotik espero bazen ere ez entzunarena egitea. Ostiralean heldu zen NJAren agindua, eta Rafahn erasoak egiten jarraitu dute sionistek. Baita Gazako beste zonalde askotan ere, bereziki iparraldean. Larunbatetik iganderako 24 orduetan gutxienez 80 palestinar hil ditu Israelgo Armadak. Hala ere, Israelgo segurtasun kontseiluko kide ohi batek Al Jazeerari aitortu dio Hamas suntsitzeko lana “uste baino zailagoa” izaten ari dela. Urriaren 7tik 635 soldadu israeldar hil dira, erresistentzia palestinarrarekin izandako borroketan edo soldadu sionistek nahi gabe hilda.
Hamasen erasotik ordu batzuetara, igandetik astelehenerako goizaldean, Israelek errefuxiatuentzako eremu bat bonbardatu du Rafahn, eta hamarnaka palestinar hil ditu.
Berlinale zine jaialdian gertatu da joan den asteburuan. Jun Li zuzendariak, Queerpanorama lan berria aurkeztu zuenean, printzipio ideologikoengatik Alemaniara ez joatea erabaki zuen Erfan Shekarriz aktore irandarraren testu bat irakurri zuen oholtza gainean: "Ibaitik... [+]
Yala Nafarroak bat egiten du Israelek nazioarteko zuzenbidea sistematikoki urratzen duela salatzeko mundu osoan zehar egiten ari diren mobilizazioekin, eta iragarri dute mobilizazioei eutsiko dietela Mendebaldeko gobernuek Israelgo erregimenarekin duten konplizitatearekin amaitu... [+]
Su-etena hitzartu eta hilabete bete denean, lehen faserako adostutako 33 bahituetatik 25 askatu ditu Hamasek. Israelek, berriz, 985 preso utzi ditu aske. Bigarren fasea martxoaren 2an da indarrean sartzekoa, baina bi aldeek jarraitu beharreko urratsak zehazteko daude... [+]
Kulturatik elkarteak antolatuta, Musika eta dantza Palestinarekin ekitaldia egin dute Alderdi Ederren gaur eguerdian. Palestinako herriari elkartasuna adieraztea eta jasaten ari diren genozidioaren bukaera eskatzea izan da helburua. Donostiako Udalaren Musika eta Dantza... [+]
Su-etena hausteko arriskua erreala izan bada ere aste guztian zehar, adostasun batera iristeko bidean dira bi aldeak: bahitu gehiago askatuko lituzke Hamasek, laguntza Gazara sarrarazteko bidea ez oztopatzeko "promesa" egin duelako Israelek. Arabiar Ligako herriek... [+]
"Hamasek gure bahituak larunbat eguerdia baino lehen itzultzen ez baditu, su-etena amaitu egingo da eta armadak gogor borrokatuko du Hamas garaitu arte", adierazi du Israelgo lehen ministro Benjamin Netanyahuk, talde palestinarrak preso trukea behin-behinean... [+]
Erakunde islamistak Israelek urratu dituen neurrien artean aipatu ditu Gaza bonbardatzen jarraitzea eta aske utzitako preso palestinarren egoera. Trumpek mehatxatu du, preso trukea egin ezean, Gaza "infernu" bihurtuko duela.
Ehunka pertsona mobilizatu ziren Maccabi Tel Aviv talde israeldarrak Gasteizen jokatu duela gaitzesteko. «Israelgo Estatuaren normalizazioari» ekarpena egiten diola kritikatu diote Baskoniaren zuzendaritzari.
AEBetako presidentearen Gazako palestinarrak kanporatzeko asmoak aurkako erreakzio ugari eragin ditu nazioarteko nahiz herrialdeko politikan, baita Alderdi Errepublikanoan ere. Gehienek "garbiketa etnikoa" sustatzea egotzi diote, baina Trumpek bere asmoa berresten... [+]
Benjamin Netanyahu Israelgo lehen ministroaren bisitarekin batera egin ditu adierazpenak AEBetako presidenteak, Etxe Zurian. Zerrendan bizi diren 1,8 milioi palestinarrak Egipto edota Jordaniara lekualdatzea proposatu du.
Urtarrilaren 30 honetan abian jarri du Israelek Jerusalem ekialderako UNRWA Palestinar Iheslarientzako Laguntza eta Lan Bulegoaren debekua. Urtarrilaren 15ean adosturiko su-etenari segi, bahituen eta presoen hirugarren trukea dute ostegun honetan.
Su-etenaren akordioarekin barnean, Israelgo armadak Netzarim korridorea ireki du. Ia urtebeteko erbestealdiaren ondoren, milaka palestinar euren etxeetara abiatu dira bidaia emozional sakonean. Trumpek gazatarrak Egiptora eta Jordaniara desplazatzea proposatu du, eremua erabat... [+]
.jpg)
Igandetik indarrean da Hamasek eta Israelek nazioarteko bitartekaritzarekin adostutako su-etena. Lehen egunean 69 emakume eta 21 nerabe askatu ditu Israelek, horietako bederatzi adingabeak, eta Hamasek hiru israeldar. Gazara laguntza humanitarioko 630 kamioi ere sartu dira.