Asteazken goizean deklaratu dute Espainiako Poliziaren aurrean. Migratzaileen hainbat kolektibok eta Sortuk urriaren 12an antolatu zuten ekitaldian erregearen eta kolonizatzailearen irudi bana bota zuten lurrera. Demokrazia falta salatzen eta Euskal Errepublika aldarrikatzen jarraituko duela iragarri du Sortuk.
Zitazioa jaso ostean Espainiako Poliziak Iruñeko Chinchilla jeneralaren kalean duen polizia etxean deklaratu dute hamasei lagunek, Sortuk jakinarazi duenez. Deklaratu ostean libre geratu dira. Sortuk gogoratu nahi izan du Iruñean hispanitate egunean antolatutako ekimena “Mujeres del Maíz nikaraguarren elkartearen, Africa United elkartearen, Compartiendo Raíces Ekuadorreko jatorrizko dantza taldearen, Munata Boliviako komunitateko kultur elkartearen eta Sortu elkartearen arteko lankidetzari esker” burutu zela. Salatu duenez, Espainiako Polizia eta Guardia Zibila elkarlanean aritu dira “ekintzan parte hartu zuten pertsonak beldurtu eta kriminalizatzeko” helburuarekin.
Adierazpen eta mobilizazio eskubideen aurkakotzat jo du Sortuk “operazioa”, eta bideari eutsiko diola adierazi du: “Jai dute kriminalizazio saiakera horiekin gu kikilduko gaituztela uste badute. Guk, orain arteko bide beretik jarraituko dugu, demokrazia eza eta erregimenaren autoritarismoa salatuz eta euskal errepublika eskatuz”.
Hispanitate egunaren aurkako ekimenak
Urriaren 12an eta aurreko asteburuan Sortuk Espainiako Erreinuaren, Cristobal Colón kolonizatzailearen eta eta Espainiako errege Felipe VI.aren aurkako ekimenak egin zituen. Hainbat herritan azken bien irudiak erre zituzten, eta Iruñean ekitaldirako prestatutako bi irudiri soka lepoan lotu eta lurrera bota zituzten.
Astelehenean eraitsi zuen Ernai gazte antolakundeak Lemoatx tontorreko gurutze frankista. Udalak adierazi duenez ez dute berriro altxatuko, Memoria Historikoaren Legea urratzen zuenez haren eraistea aurreikusita baitzegoen.
1936ko altxamendu militarretik 85 urtera "faxismoari gorazarre egitea zilegi" dela salatu du gazte antolakundeak. Urriaren 12an eskualdeko mobilizazioak antolatu ditu "bizitzak erdigunean jartzen dituen independentismoa" eraikitzeko.
Urriaren 12aren karietara Ernai ezker abertzaleko gazte erakundeak Kanpezuko (Araba) Guardia Zibilaren koarteletik Espainiako bandera lapurtu zuen. Ekintzan parte hartu zuten gazteek bertako harresian "Ez zaituztegu onartzen" idatzi zuten.
Asteburuan eta urriaren 12ko astelehenean hainbat mobilizazio antolatu ditu Sortuk Euskal herri osoan. Iruñean Colónen eta Espainiako Erregearen estatua bana bota dute lurrera.
Hispanitatearen egunaren aurka mobilizazioa egin du Arrotxapea auzoan Migratuen Nafarroako Mugimenduak. Goree irla izenarekin berrizendatu dute Armendaritz Erregeordearen plaza, eta Chitareros izena eman diote Pedro de Ursua kalea zenari.
Hasieran Espainiako Erresumaren aldia izan zen, eta denok ikusi genuen zer zegoen bosgarren mendeurrenaren kari antolaturiko ekitaldien atzean. Kulturen arteko topaketa gisa erakutsi ziguten hura genozidioaren ospakizuna zen, ez zegoen benetako gogoetarik ez bestelako... [+]
Sare Antifaxista plataformak antolatutako manifestazioan jai egun arrotzei uko egitea aldarrikatu, eta Espainiako Gerra Zibilean egon zen erresistentzia antifaxista omenduko dute.
Espainiako errege-erreginaren harrerara ere joanen da Nafarroako presidentea. Yolanda Barcina izan da azken presidentea ekitaldietan parte hartzen.
Nazka-nazka eginda naukate nazionalismo hitza entzun eta deabruaren ipurdia aipatzea legetxelako txakurkeriak ahotan dabiltzan politikari eta kazetariek.
Urriaren 12a da gaur. Inperialismo espainiarraren egun handia. Egun seinalatua gure kontraesanak agerian uzteko.
Venezuelako Bolibartar Errepublikako gizonezkoen futbol selekzioa dugu gaur Euskal Herrian. Hispanitatearen eguna da batzuentzat, arrazakeria, inperialismoa eta genoziodioa goratzeko eguna; euskaldunontzat, berriz, jai egun arrotza izan da beti: herri eskolak antolatu izan... [+]