Dozenaka ekimen Euskal Herria osoan, 11/13 makroepaiketaren aurka eta auzipetuen alde
Deialdiak biderkatu dira: auzipetuen herrietako ekimenek mobilizazioak deitu dituzte asteburuan. Gehiengo sindikalak kontzentrazioak antolatu ditu Hego Euskal Herriko hiriburuetan ostiral eguerdirako. Hilaren 12an Ernaik mobilizatzera deitu du, eta Etxeratek edo Sarek irailaren 14an Bilboko manifestazio nazionalarekin bat egin dute.
Irailaren 16an hasiko da 47 euskal herritarren aurkako epaiketa Madrilgo Auzitegi Nazionalean. Euskal preso eta iheslari politikoen eskubideen defentsan eta gatazkaren konponbidearen alde ari ziren lanean. Epaiketaren data ezagutu zenean, auzipetuen herri eta auzoetan makropeaiketaren aurkako eta auzipetuen aldeko babes taldeak sortu ziren. Hainbat ekimen burutu dituzte ordutik: herri bazkariak, diru bilketak, bizikleta martxak, hitzaldiak, ekitaldiak edo presoen aldeko mobilizazioak, besteak beste. Auzipetuek irailaren 14rako manifestazio nazionala iragarri zuten.
40 deialditik gora
Deialdi hori indartzeko, aurreko asteburuan askotariko mobilizazioak eta elkartasun keinuak antolatu dituzte tokiko ekimenek ostirala eta igandea artean. Adibidez, Arbizun areto futbol txapelketa, herri bazkaria eta giza katea antolatu dute; Oiartzunen musika taldeen elkartasun maratoia eta mosaiko erraldoia; Bilboko Indautxun kontzentrazioa eta ondoren dantza, bertso-rapa edo mural pintaketa; Gasteizen “2.800 ur litroko elkartasun olatu erraldoia” sortuko dute.
Gehiengo sindikalak ere antolatu ditu mobilizazioak. Ostiral eguerdian Hego Euskal Herriko hiriburuetan kontzentrazioak burutu dira. Ernaik irailaren 12rako deitu ditu mobilizazioak, hiriburuetan eta unibertsitateetan.
Irailaren 14ko manifestazioari atxikimenduak
Eragile eta ekimen horiek guztiek irailaren 14ean auzipetuek Bilbon deitu duten manifestazio nazionalera joateko deia luzatu dute. Horrez gain, azken egunetan kolektibo eta pertsona gehiagok ere egin dute bat deialdiarekin. Ostegunean Etxerat elkarteak prentsaurrekoa eman du Bilbora deitzeko. “47ei gure elkartasuna eta burutako lanarengatik esker ona adierazteko gaude gaur hemen. Oztopoak jarri arren gure senide presoei dagokien asistentzia juridikoa irmotasunez emateagatik. Eragozpenen gainetik, gure senide gaixoak espetxez kanpoko mediku asistentzia emateagatik, espetxeko asistentzia eza konpentsatzeko. Estalitako errealitatea erakusteagatik. Eskubide urraketak eta espetxe politikaren ondorio gordinak salatzeagatik. Gure egoera Europako Parlamentura, indar politikoengana eta Europako Giza Eskubideen elkarteengana eramateagatik. Alderdi politiko, sindikatu eta erakunde guztiengana jotzeagatik. Gure senide presoak sekula bakarrik ez uzteagatik, haien eta gure eskubideak aintzat hartzeagatik eta gure egoeraz arduratzeagatik. Hori izan da beraiek eginiko lana eta hori da, eskaera fiskal handiekin, Entzutegi Nazionalera eramango dituena”, adierazi dute elkartearen ordezkariek.
Sare sozialetan norbanakoen eta kolektiboen atxikimenduak ugariak dira: Sare, EH Bilduk Gasteizko legebiltzarrean duen taldea, Lehiotikan eta Josu Bergara musikariak, eta beste. Auziperatuek zabaldutako manifestua 12.000 herritar baino gehiagok sinatu dute honezkero.
Hauek dira asteburuan deitu diren mobilizazietako batzuen ordutegiak:
Martxoaren 1ean ziren ateratzekoak, baina ia hiru aste lehenago geratuko dira aske. Arantza Zulueta Valentziako Picassent espetxean dago egun; Jon Enparantza, berriz, Estremerako kartzelan (Madril).
11/13 makroepaiketako Arantxa Zulueta eta Jon Enparantza auzipetuen espetxeratzeak salatuko dituzte asteazkenean Bilbon, Donostian eta Lekeition deitu dituen mobilizazioetan.
11/13 auzibidean epaileek jarritako zigorrari hasiera eman diote astelehenean. 47ak Herrian plataformak elkarretaratzeak deitu ditu asteazkenean.
11/13 makroepaiketan, 47 auzipetuetako bat da Ibon Meñika bizkaitarra, eta hilabeteotan auzipetuen bozeramaileetako bat izan da. 2013an atxilotu zuten Herrira elkarteko beste zenbait kiderekin batera, eta sei urteren ostean eseri zen Espainiako Auzitegi Nazionaleko... [+]
Astelehen honetako 10:00etan hasi da 47 euskal herritarren aurkako ahozko auzia, baina berehala adierazi dute aldeen arteko akordioa zegoela eta epaiketa eten da.
Irten aurretik, larunbateko manifestazio jendetsuan jasotako babesa eskertu dute auzipetuek. Epaiketara soluzioen aldeko mezuarekin doazela adierazi dute, presoen alorrean zein “konponbidearekin lotutako afera ezberdinetan”. 601 espetxe urteko zigorra eskatzen diete... [+]
Irailaren 16an hasiko da epaiketa Madrilen. Iraganeko estrategia errepresiboak atzean uztea eta preso eta iheslari politikoentzako “soluzio agenda bat” eskatu dute auzipetuek. Asteburuan mobilizazioak egin dira haien herrietan.
ELEAK-Libre mugimenduak datorren irailaren 14an Bilbon egingo den 11/13 sumarioko 47 euskal herritar auziperatuen aurkako epaiketa salatzeko antolatu den manifestaldian parte hartzeko deia luzatzen dio euskal jendarte osoari. Makro epaiketak makro erantzuna jaso behar behar du.
Irailaren 12rako elkarretaratzeak deitu ditu gazte antolakundeak Hego Euskal Herriko lau hiriburu eta lau heziguneetan. Makroepaiketaren aurka eta auziperatutako lagunekin elkartasunez kalera ateratzeko deia egin diote euskal gazteriari.
Asteazkenean hasi eta larunbatera bitarte, egitarau mardula antolatu dute, “elkartasun uholdea” sortzea helburu. Asteburuan, auzipetuen herrietan mobilizazioak deitu dira Euskal Herri osoan. Irailaren 16an hasiko da epaiketa Espainiako Auzitegi Nazionalean, eta... [+]
150 norbanako ezagunek, eragilek eta sindikatuk euren babesa adierazi diote 5ak Gasteizen kanpainari eta Arabako auziperatuei. Patxi Zubizarreta idazleak landu du manifestua eta Jose Angel Cuerda alkatea, Maider Unda, Pou anaiak, Evaristo, Juanito Oiarzabal edo Toti Martinez de... [+]
Irailean ikasturte politikoa hastearekin makroepaiketa berri bat abiatuko da Espainiako Erreinuko Auzitegi Nazionalean. 2007ko 18/98 epaiketaz geroztik euskal herritar gehien epaituko dituen epaiketa da. Baita ere espetxe zigor eskari handienarekin hasten dena: 8 eta 20 urte eta... [+]
Irailaren 16an hasita, euskal presoen eskubideen defentsan aritutako 47 euskal herritar epaituko dituzte Espainiako Auzitegi Nazionalean: osasun arloko profesionalak, abokatuak eta presoen eskubideen aldeko eragileetako kideak dira auzipetuak. IrtenBidera. Giza eskubideak,... [+]
Auzipetuak interpelazio dinamika zabala ari dira egiten. Katalunian eta Europako Parlamentuan ere harremanak garatzeko asmoa azaldu dute. Irailaren 16an epaiketa hasi aurretik mobilizazio eta ekimen ugari izango dira.