Hamar urte bete ondoren, Herriko Burdina webzineak urteurren festa egingo du larunbat honetan, hilak 25, Donostiako Doka kafe antzokian. Merienda, euskal metal taldeen bideo proiekzioa eta zenbait zuzeneko egingo dira: Hilotz, Elbereth eta NoDrama taldeenak, hain zuzen.
Euskal Herriko heavy metal eszenaz informazio zabala emateko sortu zuen webzine hau Inaxio Esnaolak. Berarekin hizketan aritu gara.
Zein asmorekin sortu zen Herriko Burdina webgunea?
Istorio bitxia du. Ttan Ttakun irrati librean egiten genuen Burdinola irratsaiotik jaio zen –gaur egun Info7 irratian ematen dugu irratsaio hori. Bertan heavy metala orokorrean jorratzen genuen Jon Agirre nire kideak eta nik. Eta Herriko Burdina izeneko espazioa sortzea erabaki genuen, euskal herriko heavy metalari leku bereizi bat emateko.
XXI. mendeko lehen urteetan Internet oraindik hedabide zabaldua ez zen arren, goranzko bidea egiten hasia zen dagoeneko. Horregatik bururatu zitzaidan irratian ez ezik Interneten ere Euskal Herriko heavy metalari buruz euskara hutsean eskainiko zen espazio bat sortzea. Garai hartan webgune bat sortzea eta bertatik euskara hutsean informatzea nahiko gauza berria zen, eta apustu bezala hartu nuen.
Zein bilakaera izan du heavy metalak Euskal Herrian?
Garai hobeak bizi izan ditu agian zale kopurua kontuan hartuta, baino esango nuke gaur egun osasun eta kalitate hobea duela. 70eko hamarkada amaieran hasi zen heavy metalaren kultura zabaltzen Euskal Herrian, baina orduko zaleek metal erdalduna entzuten zuten. Atentzio handia jartzen zieten Judas Priest edota Iron Maiden bezalako taldeei, eta nahiz gerora talde euskaldunak sortu, orokorrean euskal heavy metal kultura nahiko erdalduna izan da. Su ta Garrek ekarri zuen heavy metala Euskal Herrira, eta hasieran gauza arrotza zirudienak mugimendu sendo bat sortzeko balio izan zuen gerora: Asgarth edota Idi bihotz bezalako taldeak ezagun egin ziren, batik bat Euskadi Gaztea irrati formulari esker.
Hainbat urte pasa dira dagoeneko; eta gaur egun heavy metala jotzen duen talde kopurua asko handitu da, baina baita azpi-estiloak ugaritu ere –death edo black metala kasu. Muturreko metal eszenan sortu berri diren talde berrien kalitatea oso ona dela uste dut. Heavy metala aldiz apur bat apaldu da; badaude taldeak, baina ez Su ta Garrek bezalako arrakasta eduki zutenak.
Zein da heavy metalaren lekua egungo panorama musikalean? Gainontzeko estiloekin alderatuta ez da oso estilo zabaldua gizartean...
Aitortu behar dut horren inguruan orain hamarkada bat nuen iritzia aldatu dudala. Lehen, bihotzean daramadan musika estilo hau gizartean baztertuta zegoela ikusten nuen, bere irudia ez zela positiboa. Betiko klixeetan harrapatuta zegoela iruditzen zitzaidan jendearen komentarioak entzutean: “Hori zarata da, ez da musika”, “Ezin da irratietan jarri”, “tximaluzeak” eta gisakoak.
Biana hamar urte igarota, beste irakurketa bat egin dezaket. Heavy metala ez da gainontzeko estiloak bezalakoa: irrati formuletan lekua izatea zaila da, jendearen gehiengoarentzat musika atsegina ez delako. Bestalde, Euskal Herrian –eta orokorrean mundu mailan– musika kontsumitu eta ulertzeko era aldatu egin da, eta entretenimendurako gauza bihurtu da batik bat. Heavya oso estilo fidela da, modak eta patroiak jarraitzen ez dituena; eta alde horretatik, modu bereizi batean lantzeko estiloa dela uste dut. Gaur egun duen lekua baino gehiago merezi duela uste dut, pertsonalki, baina egia da ere, gustuko dutenek asko estimatzen duten estiloa dela. Heavy metala benetan gustuko duen batek bizitza guztian izango du gustuko. Eta alde horretatik lasai nago.
Zein asmo duzu webgunearekin etorkizunera begira?
Bi proiektu aipatuko nituzke. Alde batetik, webgunea web 2.0. formatura igarotzeko asmoa dugu. Orain duen formatua programa oso sinple batekin dago egina, eta eguneraketak oso modu artisauan egiten ditugu. Itxura oso gauza garrantzitsua dela uste dut eta, alde horretatik, hobekuntzak egin nahi ditugu aurrera begira. Larunbat honetako kontzertuetan, webgunearen hobekuntzarako gastuetan laguntzeko borondatea emateko aukera luzatuko diogu jendeari.
Bestalde, Euskal Herriko metal musikaren diskografia osatu nahi dugu. Lehenagotik hasiak ginen hori egiten, baina oraingoan webgunean atal bereizi bat jarriko dugu horretarako. 70eko hamarkadatik gaur egun arteko euskal heavy metal talde guztien erreferentziak bildu nahi ditugu. Gure asmoa, euskal heavy metalari buruzko datu baserik zabalena osatzea da, jendea bertan sartu eta bilatzen duen informazio guztia topa dezan.
Geissenkloesterle (Alemania), dela 42.000 urte. Danubio ibaiaren arroko kobazuloan bizi zirenek txirula bat egin zuten hegazti hezurrak eta mamut bolia erabiliz. Garai bertsuan, Esloveniako Divje Babe kobazuloko biztanleek ere txirula bat egin zuten hartz baten femurra baliatuz... [+]
Donostiako Musika Hamabostaldia
Euskadiko Orkestra: Zuzendaria: J. Rohrer.
Donostiako Orfeoia: Zuzendaria: J.A. Sáinz Alfaro.
Bakarlariak: C. Reiss, V. Karkacheva, M. Schmitt, H. Müller-Brachmann.
Egitaraua: Beethovenen Missa Solemnis re maiorrean, op. 123.
ARGIAko erredakzioak aurtengo zortzi hilabeteotan kaleratu diren diskoen artean hiru hautatu ditu, gomendatzeko.
Every action has reaction
BLACK BACON
Artza Records / American Leather Records
----------------------------------------------------------
Badira 25 urtetik gora Kataluniako jatorria daukan eta HHH hardcore talde aitzindariaren sortzaile Alex Montiel Euskal Herrira... [+]
UGER
Noiz: abuztuaren 11n
Non: Santa Klara ermitan (Ondarroa)
--------------------------------------------------------
Sargoriari bizirauten saiatzera egin dugu kostalderantz, husten zihoan hondartzan bainua hartu, afaldu eta Santa Klara eguneko kontzertuak... [+]
Egia esan, pena ematen dit kritika honi izenburu hau ipintzea. Bizeten Carmen oso opera ederra da, sentimendu unibertsalak jorratzen dituena, hala nola pasioa, jeloskortasuna, maitatuaren posesioa, independentzia... Eta hori guztia musika-lan bikaina oinarri hartuta. Baina... [+]
UPNk mozioa aurkeztu du Tafallako udalbatzan gobernu taldeari eskatzeko bertan behera utz dezala Raimundo el Canastero musika taldearekin zuen kontratua jaietan kontzertu bat egiteko. Lizarrako jaietan izandako polemikaren ondoren etorri da zentsura eskaera. PSN batu zaio... [+]
Albenizen Iberia Suite monumentalaren bertsio berri bat egitea meritu handiko lana da, merkatuan dauden grabazio bikainak kontuan hartuta. Hori dela eta, Luis Fernando Pérezek Musika Hamabostaldiko errezitaldian egindako lanak sekulako miresmena sortu zidan.
Orkestra handien eta obra handien kontzertuen ondoren, ezin diegu arreta jarri gabe utzi musika-patxada handiagoko, sosegu handiagoko baina edertasun berdineko proposamenei.
Luxenburgoko Orkestra Filarmonikoaren lehen kontzertuak erromantizismo berantiarraren kutsua izan bazuen ere, bigarren topaketan taldeak bi obra zirraragarri interpretatu zituen, istorioak kontatzen zizkigutenak. Obra exigenteak ziren, batez ere adierazkortasunaren aldetik, eta... [+]
Aspaldidanik Saran bizi den arren, goiza Bidasoaren ibarrean pasa behar zuenez gero, Hondarribiko parte zaharrean zitatu gaitu Ruper Ordorikak (Oñati, 1958). Goiz eguzkitsuan, puntual eta irribarretsu agertu da maldan gora, konsistorioaren parera, turista gazte kuadrilla... [+]