Hamar urte bete dira Ondarroan zubi harresia eraiki zenetik
"Kartzelak husteko garaia" zela argudiatuta, Urtza Alkorta ondarrutarraren atxiloketa saihesteko zubi harresia eraiki zen Ondarroan 2013ko maiatzaren 10ean. Lau egunetan, Ondarroatik egindako aldarriak Euskal Herriko mugak gainditu zituen.
2013ko maiatzaren 10a zen. Hitzordua jarrita zegoen: 12:30etan Ondarroako Alamedan. “Konponbide garaia” zela argudiatuta, Espainiako Auzitegi Nazionalak igorritako kartzelaratze aginduari “entzungor” egin eta Urtza Alkorta ondarrutarrak aipatutako orduan eta lekuan “herritarrekin eta lagunekin” egongo zela iragarri zuen. Ordura arte, Alkorta bilatzeko eta atxilotzeko agindupean zegoen, Espainiako Auzitegi Nazionalaren arabera.
“Kartzelak husteko garaia” zela esan zuen Alkortak, tinko eta irmo. Eta Ondarroako Musika Plazatik behera datorren kalea hartuta, ezkutuan zegoen lekutik Alameda erdira agertu zen. Aurrez aurre topo egin zuen lagunekin, ezagunekin, kazetariekin eta kameralariekin. Txalo artean, Alkorta lurrean eseri zen. Eta momentu horretan bertan Ondarroako Aske Guneko lehenengo muinoa ezarri zen Alamedan.
Alarmaz alarma, ekitaldiz ekitaldi, erresistentziak aurrera jarraitzen zuen. Baina Urtza Alkortak hantxe jarraitzen zuen. Nekatuta, baina hantxe. Bere inguruan gazteek, nagusiek eta adinekoek indarra ematen jarraitzen zioten.
Maiatzaren 15a heldu zenean, Ondarroako Aske Gunearen indarra ikaragarria zen. Turrun hotsak etengabe pizten zuen alarma, hura aldiz, azken eguna zen. Euria ari zuen eta goizaldeko 05:00ak ziren. Euripean egoteko arropa jantzi, aurretik turrunak jo izan zuenean egindako pausoak errepasatu, eta Plaiko Zubia jendez betetzen hasi zen. Alkorta erdian ipini zen. Hain zegoen jendetza ze, jendeak zubia estaltzen zuela. Zubiaren albo banatan jendetzak oztopatzen zuen pasabidea.
Uretatik zein errepidetik, Ertzaintzaren 30 furgoi baino gehiago agertu ziren minutu gutxitan. 300 ertzainek parte hartu zuten operazio polizialean.
Bi ordu. Horixe izan zen zubi harresia austen hasi eta Alkorta atxilotuta geratu zenera arte igarotako denbora tartea. Isilarazita, furgoian sartu zuten Alkorta eta Zaballako espetxera eraman zuten. Elkartasun oihuak, aldiz, ez ziren isilaraziak izan.
Hasiera baten indarrak batzeko hitzordu bat zena, herri baten indarraren erakusle bihurtu zen. Alameda aldarrikapenen gune bihurtu zen. Ustez minutuak iraungo zituen eserialdia egunetara luzatu zen. Eta elkartasun tantak olatu bihurtu ziren. Maiatzaren 10etik 15era, Ondarroako Aske Gunea indarra hartzen joan zen, minutuz minutu, orduz ordu eta egunez egun. Eta oraindik indartsuago egin ziren herritarren elkarlana eta elkarlaguntza. Bost egun iraun zituen Aske Guneak. 117 ordu
Aske. Bi urte eta erdiko espetxealdia bete eta gero 2015eko azaroaren 14an aske geratu, 09:00ak aldera. Ondarroara 19:00ak puntuan heldu zen. Ertzainek eraman zuten leku berean agertu zen: Plaiko Zubian.
Lea-Artibai eta Mutrikuko Hitzaren argazkiak:
Azaroaren 14an askatuko dute Urtza Alkorta ondarrutarra. Bere kasua ezagun egin zen, ehunka lagunek desobedientzia aldarrikatu eta sei egunez bera babesteko "zubi harresia" antolatu ostean.
Bost pertsonari urte banako kartzela zigorra eta isun ekonomikoak jarri dizkie Bilboko zigor-arloko epaitegiak. Ondarroako herri harresian ertzaintzako agenteen aurka "atentatu delitua" eta lesioak eragitea egozten diete. Bost auziperatuek epaiketan karguak ukatu... [+]
Estefania Beltran de Heredia sailburuak Urtza Alkortaren atxiloketaren operazioaren kostuen berri eman du. Orotara 282 ertzainek hartu zuten parte maiatzaren 15ean, 34 furgoneta erabili zituzten, lau auto eta bi itsasontzi.
200€-ko isunak iristen hasi zaizkie Ondarroako Aske Gunean identifikatutako kideei. Erlantz Alkorta, Urtza Alkortaren neba, da isuna jasotako bat, eta ARGIAk berarekin hitz egin du.
Espainiako Entzutegi Nazionalak Urtza Alkorta ondarrutarraren atxiloketa Polizia espainiarrari eta Goardia Zibilari agindu zien Garak gaur argitaratu duenez. Egunkari horrek eskuratutako dokumentuek erakusten dutenez, Ertzaintzak telefonoz bere burua eskaini zuen Alkorta... [+]
Maiatzaren 15ean Urtza Alkorta atxilotu zuen Ertzaintzak Ondarroan, Espainiako Auzitegi Gorenaren aginduz. Ehunka herritarrek bere inguruan sortutako “herri harresiaren” irudi ikusgarriak bildu dituzte Axier Lopez eta Lander Arbelaitz kazetariek Argiaren... [+]
10:00ak inguruan atxilotu dute ertzainek Urtza Alkorta [ikusi bideoa]. 6:30ean heldu dira Ondarroara, 30 bat furgonetatan. Alkortaz gain, Ertzaintzak jakinarazi du beste bi pertsona atxilotu eta zortzi identifikatu dituztela.
Hemen ikus ditzakezue Urtza Alkorta ondarrutarra atxilotu duten goizeko bideoak. Gehienak Axier Lopez eta Lander Arbelaitzek grabatuak dira, eta beste hedabideetako batzuk ere jartzen joango gara.
Ondarruko Aske Gunean alarmak jo du, Iurretatik ertzaintzaren 6 eta 8 furgoneta artean atera direlako mezua zabaldu da. Ostera, ordea, ertzainak berriz Durangorantz itzultzen ari zirela jakin da.
Urtza Alkorta azken minutuetan zutik egon da Ertzantzari erabiltzen ari den indarkeriagatik kargu hartuz. 10:00ak inguruan eraman dute arrastaka. 6:30ean heldu dira ertzainak Ondarroara, 30 bat furgonetetan. Goizeko bideo eta argazkiak Lander Arbelaitzen blogean aurkituko... [+]
Hasi aurretik oharra: post honetan Ondarroan AskeGunea ireki zutenetik amaitu arte, sei egunez bizitakoa topatuko duzu, ahalik eta txukunen kontatua. Gainbegirada bat eman nahi badiozu, behe-behetik gora hastea gomendatzen dizut, gertaeren eboluzioa ikusi ahal izateko
Gaur ostiralean 12:30ean Ondarroan "herri harresia" osatzeko dei egin du Urtza Alkortak. Egun Sortuko kide da eta ETArekin kolaboratzeaz akusatzen dute. Ertzaintza bere etxera bitan joan da atxilotzera, asteazken eta ostegunean, eta ez dute etxean topatu. ARGIAk... [+]