Hamar puntu
Bai horixe, hamar puntu merezi izan zituen Euskadiko Orkestra Sinfonikoak Musika Hamabostaldian eskainitako kontzertuarengatik. Egitaraua erakargarria izan zen, oso, baina horrez gain, soinuaren oreka eta interpretazioaren dotoretasuna eta sakontasuna izan ziren ezaugarri nabarmenenak, eta horien erantzuleak taldea eta Pascal Rophé zuzendaria izan ziren, dudarik gabe.
Kontzertua Francisco Escudero konpositoreari omenaldi gisa egin zen, bere jaiotzaren 100. eta heriotzaren 10. urteurrenetan. “Illeta”, egilearen oratorio ezagunenetakoa, Xabier Lizardiren Bihotzean min dut poemaren gainean osatua, saioaren plater nagusia izan zen, baina lehenengo zatian harribitxi pare bat entzun genituen, Escuderorekin nolabait lotuta dauden konpositoreenak.
Paul Dukas Francisco Escuderoren irakaslea izan zen, Parisen, eta haren eragina nabaritzen da zarauztarraren lanetan. Euskadiko Orkestrak Dukasen ”L’apprenti sorcier” (Sorgin-ikaslea) ezaguna detailez interpretatu zuen. Obrak dituen efektu guztiak primeran azpimarratu zituzten eta egurrek lan ederra egin zuten.
Jarraian, XX. mendeko piano kontzertu ederrena (nire ustez) jo zuten. Ravelen “Piano eta orkestrarako sol maiorreko kontzertuak” osagai guztiak ditu entzulea txoratzeko: erritmoa, lirismoa, tinbre nahasketa ederrak, eragin anitzak (euskal folklorea, jazza, giro inpresionista, etab.). Beraz, benetako gozamena da. Horrez gain, Marta Zabaleta piano jole legazpiarra bakarlaria izanik, espero genuen bezala, primerako bertsioa izan genuen. Elkarrizketa ezin ederragoak disfrutatu genituen bakarlari eta orkestraren artean, batez ere “Adagio assai” erdiko mugimenduan. Orkestrak ondo jakin zuen oreka mantentzen pianoarekin, benetan urtu egin ziren momento askotan. Bikain. Zabaletak, Erik Satie-ren “Gymnopédie” bat bota zuen propina gisa, delikatua.
Eta, esan bezala, Escuderoren ”Illeta”-rekin amaitu zen saioa. Primeran aritu ziren interprete guztiak. Andra Mari Abesbatza, sendo eta afinatua; José Manuel Díaz baritonoak ederki egin zuen bere papera, ahots argia erakutsiz; eta Euskadiko Orkestrak mantendu zuen hasieratik erakutsitako maila. Zorionak.
Fitxa: Euskadiko Orkestra Sinfonikoa. Zuzendaria: Pascal Rophé. Andra Mari Abesbatza. Zuzendaria: José Manuel Tife. Bakarlariak: Marta Zabaleta (pianoa), José Manuel Díaz (baritonoa). Egitaraua: Dukas, Ravel eta Escuderoren lanak. Lekua: Kursaal Auditorioa. Data: Abuztuaren 17a.
Euskadiko Orkestraren azken abonu-kontzertuan, Handiena izenekoan –programa osatzen zuten bi obrei erreferentzia eginez– estiloen kontrajarritasuna eta soinu-bizipenen aurkakotasuna izan zen, zalantzarik gabe, topaketaren gauzarik erakargarriena.
Hasteko,... [+]
Jose Luis Bilbao Bizkaiko ahaldun nagusiak Euskadiko (EOS) eta Bilboko (BOS) orkestra sinfonikoak fusionatzeko proposamena luzatu dio Iñigo Urkullu Jaurlaritzako lehendakariari. Bat egiteak "onurak" ekarriko lituzkeela dio Bilbaok, eta "traumarik gabeko... [+]
Kontzertu ederra eskaini zuten Euskadiko Orkestrakoek abonu-denboraldiaren bigarren saioan. Esan genezake irudia, inpresionismoa eta deabruzko erritmoa –nahasketa ikusgarria– izan zirela protagonistak.
Ze egitarau polita Euskadiko Orkestra Sinfonikoaren denboraldi berria hasteko! Agian koherentzia gutxikoa, bai, baina ederra, dudarik gabe. Halere, eskaintzen diren obren edertasuna ez da nahikoa taxuzko kontzertu bat emateko. “Taxua” behar da, sasoia. Eta hori... [+]
Hondarribian (Gipuzkoa) iaz amaitu zuten Itsas Etxea Auditoriumaren eraikuntza. Lehen kale animazioetan ageri zen kulturak bere gunea du, eraikin berria. Herriko taldeen elkargunea izan eta erabilera anitz ematea du helburu Udalak, eta 408 lagunentzako edukiera duen... [+]
Ivan Fedele konponsitore italiar ezagunak Youtube bidez izan ei zuen Oreka TX taldearen berri eta elkar-ezagutza horretatik abiatu zen gaur Donostiako Kursaaleko auditoriumean estreinatuko den Txalaparta obra.
Fitxa: Euskadiko Orkestra Sinfonikoa. Zuzendaria: Diego Matheuz. Bakarlaria: Maxim Rysanov (biola). Egitaraua: Lavista, Saint-Saëns eta Rimsky-Korsakoven lanak. Lekua: Gasteizko Principal Antzokia. Data: apirilaren 17a.
Francisco Escudero konpositorearen musika "ezagutu eta gogoratzeko" Gipuzkoako Aldundiak omenaldia antolatu du, bere jaiotzaren mendeurrenean. Apiriletik abendura bitartean, kontzertuak, erakusketak, jardunaldiak, dantza emanaldiak eta hainbat argitalpenen antolatu... [+]
Fitxa: Euskadiko Orkestra Sinfonikoa. Zuzendaria: Lawrence Renes. Narratzailea: Kirmen Uribe. Egitaraua: Copland, Aita Donostia, Bernstein, Barber eta Dvorák-en obrak. Lekua: Gasteizko Principal Antzokia. Data: Martxoaren 9a.
Fitxa: Händel-en Mesia, Euskadiko Orkestra Sinfonikoa. Zuzendariak: Philip Pickett (Andra Mari Abesbatza), Jose Manuel Tife (Bleibet Abesbatza), Jorge Sebal (Claustrum Armonicum Abesbatza), Xabier Sarasua (Udaberria Gazte Abesbatza), Nagore Alangua (Samaniego Abesbatza)... [+]
Fitxa: Euskadiko Orkestra Sinfonikoa. Zuzendaria: Wolfram Christ. Bakarlaria (pianoa): Judith Jauregi. Egitaraua: Mozarten obrak. Lekua: Gasteizko Principal Antzokia. Data: Azaroaren 7a.
Euskadiko Orkestra Sinfonikoaren abonu-kontzertuen lehenengo emanaldia primerakoa izan bazen, ezin gauza bera esan bigarren saioari buruz. Agian egitura klasikoetan errotutako musika –itxuraz erraza, baina sakonean oso zaila interpretatzeko- programatu zelako, agian... [+]
Hasi da Euskadiko Orkestra Sinfonikoaren aurtengo abonu-zikloa. Gasteizko emanaldian egon ginen eta, kontuan hartuta Principal Antzokiko akustika ez dela onenetakoa, esan behar da taldeak bere onena eman zuela eta soinu bero eta haragitsua lortu zuela, dudarik gabe. Beraz,... [+]
