Hamar egun pantailarik gabe bizitzeko erronkari heldu diote 1.500 haur eta nerabek
Ekimenaren 20. edizioa izango da aurtengoa, eta inoiz baino parte-hartzaile gehiago izango ditu. Maiatzaren 23tik ekainaren 1era pantailari lotutako entretenimenduak alde batera utzi beharko dituzte Ipar Euskal Herriko ikasleek.
"Hamar egun pantailarik gabe" ekimenaren 20. edizioan Ipar Euskal Herriko ia 1.500 ikaslek hartuko dute parte. Maiatzaren 23tik ekainaren 1era bitarte pantailari lotutako entretenimendu guztiak alde batera utzi beharko dituzte parte-hartzaileek.
Quebecen (Kanada) sortu zuen ekimena Jacques Brodeur heziketa fisikoko irakasle ohiak, 2003an. Geroztik, munduko hainbat herrialdetako ikastetxetara zabaldu da, eta urtez urte indarra hartu du. Frantziako Estatuan 2018an 4.500 ikaslek hartu zuten parte, eta aurten 55.000 izango direla aurreikusi dute antolatzaileek. Ipar Euskal Herrian, iaz hamasei ikastetxe batu ziren ariketara, eta aurten hemeretzi. Aitzindari izan zen Urruñako San Frantses Xabier ikastetxea, eta aurten ere hasiera ekitaldia egingo dute.
Egunean, lau ordu baino gehiago
Frantziar Osasun Publikoaren agentziak bultzatutako ikerketa batek dioenez, 2015ean 6 eta 17 urte bitarteko ikasleek 4 ordu eta 11 minutu ematen zituzten egunean pantailen aurrean, batez beste. Ekimenaren bitartez pantailekiko menpekotasuna murriztu nahi dute, baita bizimodu osasuntsuagoa bultzatu ere. "Hamar Egunez Pantailak Utzi" elkartearen arabera, ariketak epe luzera bizimodu osasuntsuagoa izaten laguntzen du, besteak beste, aukera ematen duelako jarduera fisiko gehiago egiteko, lo hobeto egiteko, irakurtzeko edota familiako elkarrizketa denborak luzatzeko.
Datozen hamar egunetarako hainbat jarduera antolatu dituzte ohiko pantaila-orduetarako, gehienak arratsalde eta asteburuetarako. Ikasleek eguneroko bat ere beteko dute, eta puntuak biltzeko aukera izango dute.
15 urteko emakume bati egin dio eraso Izarra klubean jarduten zuen pilota entrenatzaile batek.
Elkarteak ekainaren 27, 28 eta 29an Arberatzen (Nafarroa Beherea) izango den jaialdian izateko aurresalmenta abiatu du ostegunean. Hiru eguneko sarrerak 43 euro balioko ditu eta Ipar Euskal Herriko "lau ertzetatik" festibalera hurbiltzeko autobusak antolatuko dituztela... [+]
Lestelle-Betharramgo (Biarno) ikastetxe katolikoko indarkeria eta bortxaketa kasuen salaketek beste ikastetxe katoliko batzuen gainean jarri du fokua. Ipar Euskal Herriari dagokionez, Uztaritzeko San Frantses Xabier kolegioan pairaturiko indarkeria kasuak azaleratu dira... [+]
"Ipar Euskal Herria gaztez odolusten ari da". Sail berriak sortu goi-mailako ikasketetan, etxebizitza sozialak egin gazteentzat edo aisialdia euskaraz bermatu… Hamabost proposamen konkretu egin ditu Xuti Gazte ezker abertzaleko gazte antolakundeak.
Martxoaren 8an kalera ateratzera deitu ditu herritarrak mugimendu feministak, "desberdinkeriek bere horretan" dirautelako. Zapalkuntza mekanismo berriak agertu direla salatu dute, eta feminismoa "ezkerreko borroken erdigunera" eramateko beharra aldarrikatu.
Azken asteetan François Bayrou Frantziako lehen ministroaren harira ezaguna egin bada ere, aspalditik dira albiste Betharram eskola katolikoko apaizen gehiegikeriak. Lau urtez barnetegian ikasle izan zen Paxkal Indo lapurtarrarak Euskal Irratiaki adierazi eta ARGIAk... [+]
Zubiak eraiki Xiberoa eta Boliviaren artean. Badu jadanik 16 urte Boliviaren aldeko elkartea sortu zela Xiberoan. Azken urteetan, La Paz hiriko El Alto auzoko eskola bat, emazteen etxe baten sortzea, dendarien dinamikak edota tokiko irrati bat sustengatu dituzte.
Espainiako Estatutik Frantziakora “legez kanpoko” gero eta migratzaile gehiago igarotzen direla argudiatuta, mugetako kontrolak indartzea begi onez ikusi du Pirinio Atlantikoetako prefetak. Migratzaileek delitu txikietan “eragin hautemangarria” dutela... [+]
Hizkuntzarako ere gurasoak haurrentzako eredu direla kontuan hartuta, euskararen erabilera eta irakaskuntzari buruz sentsibilizatzeko helburua duen hamabostaldia antolatu dute Hendaia, Urruña, Donibane Lohizune eta Ziburuko herriek. Martxoaren 15etik 30era guraso... [+]
Apirilean zen sartzekoa araua baina atzeratzea erabaki dute. Derrigorrezkoa izanen da ibilgailuetan agiria eramatea, ez soilik hiri eta herri nagusienetan sartu ahal izateko, baita kostalde osoko errepideetan mugitu ahal izateko ere.
Mauleko Euskalduna ostatuak urteak daramatza Zuberoako etxe ekoizle txikien produktuekin lanean, eta hiriburuko ostatu parean eraikin bat erosi zutenean proposamena egin zien laborari horiei berei: zergatik ez ireki hurbileko ekoizleen saltokia bertan? “Motibatuta zegoen... [+]
Irailaren 9ra gibelatu dute Kanboko kontseiluan gertatu kalapiten harira, hiru auzipetuen epaiketa. 2024eko apirilean Kanboko kontseilu denboran Marienia ez hunki kolektiboko kideek burutu zuten ekintzan, Christian Devèze auzapeza erori zen bultzada batean. Hautetsien... [+]
Berriki landu ditut klasean Etxahun Barkoxeren kobla eder eta hunkigarriak. Gaizo gizona! “Edertasunez praube” sortu zelako hasi zitzaizkion etxeko nahigabeak, baina hamazazpi urtetan zen pulunpaka sartu zorigaitzaren itsasoan, maite zuen Marie Rospide doterik gabeko... [+]
Haurdunaldian diren emazte bakartuentzat, harrera-leku bat proposatuko du La Maison des Sept Vallées elkarteak Donibane Lohizunen. Pariseko bikote jabe pribatu baten gogoan sortu zen xedea. Donibane Lohizunen, 2021ean Iturria izeneko etxea erosi eta, bazter bastizetan... [+]
Otsailaren 6 honetan zenbatu dituzte departamenduko laborantza ganberarako bozak. Biarnoa eta Ipar Euskal Herria biltzen dituen departamenduan lehen indarra izaten segitzen du agroindustriaren sustatzailea den FDSEAk baina indarra galdu du: %54tik %46ra pasa da.