‘Hamaika Botxo’ eguna, hiri eredu hegemonikoaren aurrean bestelako Bilbo bat saretzeko
Piztu Bilbo, Itzali MTV eragileak Hamaika Botxo eguna aurkeztu du astelehenean egindako prentsaurrekoan. Instituzioak bultzatzen ari diren hiri eredutik at gelditzen diren kolektibo eta norbanakoen elkartze eta saretze espazioa izan nahi du.
Urriaren 13an egingo dute Hamaika Botxo eguna, Uribitarte pasealekuan. Bertan, Bilbo herrikoiaren adierazpen anitzei tokia emango diete, kolektiboek beraien proiektuak aurkeztu, hiri ereduak nola eragiten dien azaldu eta alternatibak proposatu ditzaten. Planteamenduak inposatzen ari diren hiri ereduaren gaineko eztabaida asko aberastu dezakeela deritzote antolatzaileek, “bizimodu eta ikuspuntu ezberdinak eremu berdinean” batzen baititu. Eragileko kideen hitzetan “egun honek ikuspuntu ezberdinak elkartu, saretu eta sinergiak sortzeko balio dezake”, eta helburu horrekin bilbotar orori egin diote bertan parte hartzeko gonbita.
Urriaren 13ko egitarauaren baitan, mahainguruak, proiektu ugariren informazio guneak, haur eta nagusiei zuzenduriko tailerrak, liburu eta disko aurkezpenak zein zuzeneko emanaldiak aurkitu ahalko dira. Guzti horretaz aparte, bertaratzen denak kolektiboen materialarekin egingo den “herri denda” denda ere aurkituko du.
Hiri ereduaren inguruko eztabaida mahaigaineratzen hilabeteak badaramatza ere, Piztu Bilbo, itzali MTV eragileak argi dauka beste Bilbo bat eraikitzeko eginkizuna ezin daitekeela bakarka burutu. Hala bada, Hamaika Botxo eguna “erakunde eta enpresen arteko elkarlana bultzatzen ari den hiri eredu honetan” tokirik ez daukaten “bizimodu eta bizi espresio” askotarikoak batzeko eta saretzeko aukera bezala plazaratu dute. “Guk argi daukagu(…). Pertsona guztiek haien tokia topatzeko aukera duten hiri bat nahi dugu. Azpiegitura handiak behar dituzten makro-proiektu eta makro-ebentoek auzoen egunerokotasuna mehatxatuko ez duten hiri batean bizi nahi dugu. Gure auzokideak ezagutu eta haiekin batera hazi nahi ditugu”, adierazi dute.
Babesa Gasteizera
Prentsaurrekoa amaitu aurretik, urriaren 6an egingo den “OkupaTU Gasteiz” dinamikaren antolatzaileei babesa helarazi diete, aurreko astean Udalaren partetik jasandako zentsuragatik. Piztu Bilbo, Itzali MTVko kideek Gasteizekoa Euskadi-Basque Country markaren beste ondorio lazgarri bat dela adierazteaz gain, hurrengo mezua helarazi nahi izan dute: “Gasteizen gertatu bezala, ez da Hamaika Botxo eguna debekatuko duen instituziorik egongo. Herri mugimenduak, bidean jartzen dizkioten oztopo guztiak gainditzeko elkartasun tresna nahikoak dauzka”.
Prentsaurrekoaren bideoa, Uriola.eus-en eskutik:
Gaur egungo gizarte kapitalistan langileok geroz eta esplotatuago eta prekarizatuago bizi(raun) gara. Prekarietate horretan, lan arlotik harago, baldintza existentzial bilakatu den etxebizitzaren gaia premiazkoenetako eta kezkagarrienetako bat da.
“Salbuespen egoera gobernu paradigma nagusi bezala aurkezteko tendentzia gero eta ugariagoa da politika garaikidean”. (G. Agamben)
“Ez dago burges izutu bat baino faxista okerragorik” (B. Bretch)
Makro-ekimenen aurka protesta egin zuen Auzoetatik Piztu Bilbo eragileak. Ertzaintzak desordena publikoa egotzi zien hamaika gazteri, eta mozal legea ezarri. Asteazkenean, elkarretaratzea egin dute epaitegien aurrean.
'Basque Tour, Agencia Vasca de Turismo' enpresa izan da jomugetako bat, eta Areatza sinbolikoki prezintatu dute.
‘Piztu Bilbo, itzali eskaparate hiria!’ margotu dute People Rentals “Alquiler Vacacional” enpresako bulego baten leihoetan. Ekintzak “gentrifikazioa salatzea” du helburu.
Azaroaren 3an Bilboko San Mames estadioan antolaturiko MTVren kontzertuak eragindako gastuen berri eman du Bizkaiko Foru Aldundiko Lurralde eta Ekonomia Garapeneko diputatu Imanol Pradalesek.
AEBetako multinazionalaren ekitaldia egiteko Udalak 220.000 euro publiko jarriko zituela adierazi zuen. Barakaldoko PSE-EEk salatu duenez, kopuru horri gehitu behar zaizkio doan eskaini zaizkien zerbitzuak: urriaren 29ko kontzertuan lan egiten zuten 43 udaltzainak, garbiketa... [+]
2019ko udaberrian edo udan, Algortako Portu Zaharrean kontzerturen bat antolatzea negoziatzen ari dira Bizkaiko Aldundia eta MTV katea. Azken astean ia 70.000 ikusle bildu direla esan zuen, eta horretaz "harro" azaldu zen Unai Rementeria Bizkaiko ahaldun nagusia.
MTV Music Week Bizkaia eta MTV EMA tarteko, aurreko astean egitarau oparoa eraman du aurrera eragileak, beste Bilbo bat aldarrikatuz. Makro-ekimenaren bueltako zurrunbiloa igarota, hitza hartu eta beste Bilbo bat eraikiz jarraituko dutela adierazi dute.
Ostegun iluntzean, Bilboko Alde Zaharrean egin zen Piztu Bilbo Itzali MTVren kalejiran Ertzaintzak pertsona bat atxilotu eta bi lagun identifikatu zituen.
Astelehenean Barakaldoko herriko plazako kontzertuak hasiera eman zion, segurtasun neurri zorrotzen artean, MTV Music Week delakoari. MTVren aurreikuspenak ez ziren bete eta giroa eguraldia bezain hotza izan zen. Instituzio publikoen alfonbra gorria jarrita, AEBetako... [+]
“Guztiok mobilizazioetan parte hartzera gonbidatzen zaituztegu, guztion artean beste Bilbo bat eraikitzeko, behetik, herritik eta elkartasunez, MTVen, PNVren eta bere erakuslehio den hiriaren aurka eta haratago”. Ostegunetik igandera bitartean ekintza ezberdinak... [+]
Ostiral honetan hasi eta igandera bitarte, MTVk castingak antolatu ditu Barakaldoko BECen "Bizkaiko eta Espainia osoko musikaren fan-ik gogotsuenak" aukeratzeko. Diru publikoz lagundutako azaroaren 4ko sari banaketaren lehen lerroan zein egongo den, MTVren epai-mahai... [+]