Uhinetan da Hala Bedi Bi, Gasteizko irrati euskaldun berria
Gasteizko Hala Bedi irrati librearen bigarren katea larunbatean hasi zen igortzen FMaren 88.8an. Inuxente eguna zela aprobetxatuz, 1983an huts egindako lehen emisio hura gogoratu zuten kaletik.
San Miguel elizaren kanpaiek eguerdiko hamabiak iragartzen zuten unean, Hala Bedi Bi-ren lehenengo irratsaioa hasi zen Faroloiaren parean. 45 minutuko saioan, euskara hutsean igorriko duen irratia aurkezteko iruzkinak tartekatu zituzten 30. urteurrena ospatzeko plazaratu zen diskoaren abestiekin.
Noizean behin igorpena mozten zen, guardia zibil berezi batzuen irrati-interferentziak zirela eta. Poliziak jaioberriaren notizia izan omen zuen eta, igorpena lehenbailehen etetearren, antena mozteko agindua ematen ari zein behin eta berriro.
Euskara hutsezko irrati baten beharra “Gasteiz hau ordukoa [Hala Bedi jaio zenekoa] baino euskaldunagoa" dela esanez justifikatu zuten. Izan ere, proiektu hau 2011n hasi zen garatzen, Eusko Jaurlaritzaren irrati lizentzien lehiaketaren harira. Gasteizen euskara hutsezko irratientzat hiru lizentzia banatu behar ziren, baina aurkezpenik egon ezean, gaztelaniazko irratiek jasoko zituzten. Hurrengo hamabost urteetan euskarazko irratirik gabeko Gasteiz baten aurrean irteera bat bilatzeko erantzukizuna ikusi zuen Hala Bediko jendeak.
Euskal musikaren berme
Lizentzia lortu ostean, prozesu guztia indargabetu zuten Jaurlaritzako zerbitzu juridikoek. Hala ere, Hala Bedik proiektuarekin aurrera jarraitzea erabaki zuen, eta horren emaitza larunbatetik uhinetan den Hala Bedi Bi daukagu.
Irrati berri hau nagusiki musikala izango da hasieran, baina bestelako mikrosaioak prestatzen ari dira, “pilula radiofonikoak”. Irratitik, Hala Bedik beti erakutsi duen musika aniztasuna nabarmendu dute, beste inon entzuten ez ziren talde eta estiloen erakusleiho izanez. Martxan jarri berri den kateak, ordea, pausu bat harago joan eta euskarazko musika bermatzeko helburua duela adierazi dute.
Interneten ere entzungai
Momentuz, Gasteizen besterik entzun ez daitekeen arren (FMaren 88.8an), laster Interneten ere izango da, streaming bidez edonon entzun ahal izateko. Zentzu honetan, gogoratu behar da, Hala Bedi Bat-en irratsaioak ere Halabedi.org-en entzun daitezkeela.
Baina Hala Bedi Bi-ren lehen igorpena ez zen ondo bukatu. 12.45ak aldera, Guardia Zibilaren kotxe bat agertu zen. Hiru agente jaitsi ziren, trikornio eta guzti, antenaren bila. Irratsaioa egiten ari ziren hiru lagun atxilotu eta irratsaioa entzuteko baliatzen ari ziren bozgorailua eraman zuten.
Auto berdea urruntzen ari zela, xanpain botilak atera eta gertakizun historiko honen lekuko izan ginenok uhin euskaldunak bermatuko dizkigun irratiaren alde topa egin genion.
Ikasturtearen hasieran zibereraso bat jasan eta hainbat astez webgunea berreskuratzeko lanetan jardun ondoren, bueltan da Hala Bedi irratiaren web orria. Dagoeneko hasi dira ohiko edukia argitaratzen: Arabako aktualitate albisteak, magazinen edukiak, irratsaioen podcastak,... [+]
Hala Bedi Irratiak 40 urte bete dituela ospatu zuen abuztuaren 6an, lau hamarkada lehenago lehen irrati emisioa egin zuen egun berean.
Aurten, eguneroko Suelta la Olla, Hizpidea eta Arrosa sareak ekoitzitako Zebrabidea magazinez gain, 42 irratsaio propio izango dira entzungai Hala Bedi irratiaren uhinetan. Euskaraz 14 irratsaio egingo dira, 27 gaztelaniaz eta galizieraz bat.
Hala Bedik Izan Media tailerren edizio berria antolatu du. Tailer hauen helburua herri mugimenduak zein norbanakoak komunikazioaren arloan ahalduntzea da, eta bide batez, Hala Bediren proiektu komunikatiboan inplikatzea.
Azken urteko diru-sarreren gutxitzeari aurre egiteko kanpaina abiatu du Hala Bedik. Komunikabide independentea izaten jarraitzeko, bere independentzia ekonomikoa bermatu nahi du.
Auzia ixtea erabaki du epaileak Ertzainaren deklarazioa jaso ostean. Hala Bedik aurreratu du helegitea jarriko duela.
Azaroaren 23 goizean kereila aurkeztu dute Hala Bediko kideek, Arabako Justizia Jauregian, Talka espazio feministako desalojoan kazteari baten lana oztopatu zuen polizia agentearen aurka. Hala Bedik informatzen, poliziaren gehiegikerien irudiak zabaltzen eta eskubide urraketak... [+]
Kazetarien Euskal Elkargoak (KEE) eta Euskal Kazetarien Elkarteak (EKE) ohar irmoa kaleratu dute, informatzeko eskubidearen aurka Gasteizen poliziaren eskutik jazotakoa salatuz.
Martxoaren 2an irekiko da Euskal Udalekuetan izena emateko kanpaina.
Asteazkenetan 20:00etan zuzenean aireratzen da Hala Bedi irratian Bertxoko irratsaioa (hemen orain arteko saioak entzungai) eta Arrosa Sareko beste hainbat irratitan ere entzun daiteke. Umore askeaz eta euskalkiak nahastuz jorratzen dute aktualitatea eta grabatutako bertsoaldiak... [+]
Bi data berri aurkeztu ditu Muinoko Hotsak egitasmoak: urtarrilaren 31a eta martxoaren 14a. Gaztetxeko oholtza gainean, berriz, Lepora, Lisabö, Red Iron Squad eta Sexty Sexers taldeak.
Jon Etxebarria, Hala Bediko kidea: Egin ARGIAkoa hedabide independenteen arteko elkarlana elikatzeko.