Haize erroten arriskua Zizurkilgo naturgune bakanetakoan
121 metroko altuera duten lau haize errota jarri nahi ditu Green Capital Development enpresak Usurbil eta Zizurkilgo lurretan, Andatza-Eskeltzu eremuan. Abeltzaintzarako larreak eta basoak daude egun bertan eta paisaiak "txikizioa" jasateko arriskua ikusten du sortu berri den Andatza-Eskeltzu Bizirik taldeak; animaliei eta abeltzainei eragingo dien kalteaz ere ohartarazi du. Herritarrak informatzeko mahai-ingurua antolatu dute uztailaren 21erako.
Badatoz berde izeneko haize errotak. Green Capital Development enpresak lau proiektu ditu eskatuak Gipuzkoan soilik: Karakate, Buruzai, Trekutz eta Eskeltzukoak. Florentino Perezekin lotura duen pertsona baten izena entzuten da enpresa honen atzean. Diru publikoz ongarrituko den lur emankorra da energia "berdeen" monopolioa, lehendik jarduera kutsatzaileetan dirua egin duten enpresarientzat. Eta Europako 2030 Agendak haizatzen du Klima Larrialdiaren banderapean sustatzen duen negozioa: izan ere, Jaurlaritzak 2030erako eolikoen alorrean jarria duen helburua da denen artean 630 MWeko indarra izango duten parke eoliko berriak jartzea, egun dauden 153 MWeko indarretik 783 MWeko indarrera igoz.
Andatza-Eskeltzu: animaliak eta abeltzaintza arriskuan
Green Capitalek Andatza-Eskeltzu gunean ezarri nahi duen 18MWeko indarreko parke eolikoaren proiektua Jaurlaritzaren Ingurumen sailean da, baimena lortzeko zain. Onarpena jasoko balu, bost hilabeteko epean eraikia legokeela dio enpresaren kronogramak. Proiektuaren arabera, 121 metroko lau errota jarri nahi dituzte, Usurbil eta Zizurkilgo lurretan, eta sortuko duen energia garraiatzeko tentsio ertaineko kableak pasatuko dituzte lurrazpitik (ia 9 kilometroan) Adunan Iberdrolak duen argi lotuneraino. Errota bakoitzaren besoek 158 metroko diametroa harrapatuko dute.
"Zizurkili geratzen zaion gune natural bakanetakoa da eta txikitu egingo dute" adierazi du Andatza-Eskeltzu Bizirik! elkarteko kidea den Ainhoa Gilek. Gogorarazi du 36ko gerrako lubakiak daudela bertan, baita sarobeak eta elur zuloa ere eta eragin zuzena izango duela miruengan, han umatzen baitira. Aranzadiren Ornitho plataformaren arabera, 2021ean 106 txori espezie erregistratu ziren bertan. Lurralde hori kritikoa da arrano, hontza eta putreentzat eta baita xaguzaharrentzat ere. Baina abeltzaintzari ere bete betean eragingo dio: "Eskeltzuko sailak pribatuak dira baina duela 20 urte baserritar elkartea egin zuten gain horretan dauden jabetza pribatu denak elkartuta eta geroztik Zizurkilgo baserritar bakoitzak aukera dauka udan ganadua hara eramateko; hau da, jabetzaz pribatua izan arren herri sail bezala erabiltzen da". Parke eolikoek sortzen duten burrunba eta uhinek ganadua izutzen dutela adierazi du, "bi jarduerak ez dira bateragarriak".
Bertako paisaia eta nekazaritza jarduera txikituta sortzen den dirua nora eramango du haizeak? Guztiona den baliabide naturalak xurgatuz sortzen bada energia, honen jabetzak publikoa eta helburuak komunitarioa behar dute izan, herritarrik ez dadin geratu energiarik gabe, pobreziak pobrezi.
Uztailaren 21ean mahai-ingurua Zizurkilen
Bailarako herritarrak haize erroten proiektu honetaz informatzeko eta halako proiektuen eragina jasango duten herrien arteko harremanak josteko, mahai-ingurua antolatu du Andatza-Eskeltzu Bizirik elkarteak: Green Capital enpresak Gipuzkoan egingo dituen beste proiektuen aurkako elkarteek hartuko dute hitza, baita Nafarroako Urbasa-Andia Bizirik taldeko kideek ere.
Hitzaldia uztailaren 21ean izango da, ostegunez, 19:00etan Iriarte Kultur Etxean.
Ezkeltzun eraikitzekoa zuten parke eolikoaren egitasmoa, momentuz ez dute gauzatuko. 2022ko otsailean jakin zen Ezkeltzun parke eolikoa eraikitzeko zegoen asmoa. Hortik aurrera, ibilbide bat egin du gaiak, baina badirudi, momentuz, proiektuak ez duela aurrera egingo. Hala... [+]
Araba mendebaldeko Gaubeako proiektu eolikoak eskualdeko energia berriztagarrien potentziala areagotzea helburu duela adierazi du Mendia Wind enpresak. Gasteiz eta Arratzua-Ubarrundia udalerrietan hiru parke fotovoltaiko egiteko proiektua aurkeztu du, bere aldetik, San Miguel... [+]
Arano eta Hernani inguruetan Repsol eta Endesa enpresek eraiki nahi dituzten makro-zentral eolikoen aurkako txosten kritiko mardula egin du Mikel Alvarez ekintzaile ekologista donostiarrak. Bere esanetan, "Euskal Herrian planteatzen den era horretako azpiegitura... [+]
Erramun Galparsoro eta Joxe Manuel Muñoz aranoarrak dira. 22 eta 30 urte daramatzate, hurrenez hurren, 440 metroko garaieratik itsasoari begira dagoen eta 114 biztanle dituen Nafarroako herri txiki hartan bizitzen. Inguruetan Repsolek eraiki nahi duen zentral eoliko... [+]
"Sare elektrikoak eta lurraldea: sistema energetikoa eztabaidagai" hitzaldia emango du Euskal Herriko Unibertsitateko ikertzaile eta irakasleak. Herribizigune eta Ezkeltzu Bizirik taldeek elkarrekin antolatu dute hitzaldia.
Aixeindar SA enpresak "Laminoria" izeneko zentral eolikoa eta fotovoltaikoa eraiki nahi du Arraia-Maeztu, Iruraiz-Gauna eta Donemiliagako lurretan. Proiektu horrek Eusko Jaurlaritzaren ingurumen baimena jasoko ote duen ikusteko dago. ARGIAren eskuetara iritsi da... [+]
Aixeindar enpresak haizea neurtzeko 82,5 metroko dorre meteorologikoa instalatua du 2023tik Analamendin. Dorrearen egonkortasuna eta segurtasuna bermatzeko, lurrera altzairuzko hainbat kablerekin ainguratu zuen enpresak. Arabako Mendiak Aske elkarteak salatu du hegaztiek... [+]
Arabako Mendiak Aske elkarteak zorionak eta eskerrak eman nahi dizkio Arabako Foru Aldundiko Natura Ingurunearen Zerbitzuari, Bonelli arranoa gure lurraldean berriro sartzeko Aquila a-Life proiektuarekin lortutako arrakasta dela eta.
Guztiz kontziente gara proiektu honek... [+]
Enpresa batek Irimo mendian zentral eolikoa eraikitzeko asmoa zuela iragarri zigun aspaldi batean haize kolpe batek. Gehienek ezin zuten sinistu, inondik ere. Are gutxiago Irimo mendiaren orografia eta izaera harritsua ezagutzen dituztenek. "Baina ba al dakizu ze nolako... [+]
Enigma Green Power enpresak "Ikatz Gane" deitu dion proiektu eolikoa egiteko "aldez aurreko administrazio-baimena" eskatu du. Bost haize errota jarri nahi ditu. Enigma Green Powerren jabe bakarra Arena Green Power da, eta honen kargudunen artean da Endesa.
Kolitza mendiaren magal batean eraiki nahi zituzten haize erroten proiektua atzera bota du Eusko Jaurlaritzak, hala adierazi du Balmasedako alkateak. Baina horren ordez, "eragin gutxiago" duen beste zentral bat aurreikusi dute inguru bertsuan. Maiatzaren 26an Euskal... [+]
Energiaren sektoreari loturiko konpainiak bere zuzendari nagusia aldatu du, doikuntzak iragartzearekin batera. Euskal Herriko lantegietan ia 3.000 langile aritzen dira eta sindikatuak kezkatuta agertu dira, kaleratzeak ekar litzakeelako erabakiak.
Martxoaren 20an Barakaldoko BECen egingo du Europako industria eolikoak bere urteroko kongresua, "Wind Europe" deitu diotena. 10:00etan atarian elkarretaratze zaratatsua deitu du EH Bizirik sareak.
Berriztagarriek Galizian ere sukarra bizi dute eta proiektu ugari justizia auzitegietan dira momentu honetan. Galiziako Justizia Auzitegi Nagusiak haietako hamahiruren gaineko suspentsioa agindu du, eta horretarako bere irizpideak egokitu ditu Espainiako Auzitegi Gorenak... [+]