Hainbat eraso matxista salatu dira azken egunotan
Gasteiz, Bilbo, eta Zallan gertatu dira erasoak. Gasteizeko bi erasoetako batean, erasotzailea espetxeratu egin du epaileak.
Larunbat arratsaldez Gasteizen jazo zen erasoetako bat. 39 urteko gizon batek bikotekidea sastakatu zuen labanaz. Arabako Aleak jakinarazi duenez, Koordinadora Zentralak Udaltzainen patruila bat eskatu zuen, emakume bat labanaz zauritu zutela-eta, Errege-Erregina Katolikoen kaleko etxebizitza batera abiatu zedin.
Udaltzainek kalean aurkitu zuten emakumea, odola zeriola. Senarrak buruan labanaz zauri bat egin ostean etxetik ihes egitea lortu zuen, eta senarra etxebizitzan giltzapetu zen bi urteko semea berarekin atxikiz.
Udaltzaingoak Ertzaintzari, anbulantziari eta suhiltzaileei dei egin zien. Emakumea ospitalera bideratu zuten, eta ertzainak etxebizitzan sartu ziren, haurraren erreskateari eta gizonaren atxilotzeari bide emanez. Gizona astelehenean pasa zen epailearen aurretik, eta epaileak espetxeratu egin du.
Igandean, Zalla eta Bilbon
Igande goizaldean jazo ziren beste bi eraso, bata Bilboko Bolueta auzoan eta bestea Zallan.
Neska gazte batek Boluetako diskoteka baten inguruetan sexu eraso jasan zuen, eta honen adiskideek dei egin zioten Ertzaintzari, gertakariaren berri emateko. Segurtasun sailak jakinarazi duenez, erasotzailea 25 urteko gizonezkoa da; Ertzaintzak identifikatu egin zuen eta orain ikerketapean dago, epailearen aurretik igarotzeko zain. Emakumea ospitalera eraman zuten, eta ostean salaketa jarri zuen.
Zallako jai eremuaren inguruetan pairatu zuen sexu erasoa beste emakume batek. Ertzaintzak erasotzailea identifikatu du, eta kasu honetan ere ikerketapean da.
Astelehenean beste eraso bat Gasteizen
Gasteizko Udaltzaingoak 24 urteko gizonezko bat atxilotu zuen astelehenean, bikotekideari eraso egiteagatik. Erasoa Alde Zaharreko etxebizitza baten gertatu zen. Gasteizko Udalak jakinarazi duenez, 092 telefono zenbakira egindako dei batek etxebizitzan ematen ari zen eztabaidaren berri eman zuen. Udaltzaingoak bikotea etxeko atean aurkitu zuen, eta biek onartu zuten eztabaidatu izana, baita gizonak emakumeari eraso egin izana ere.
Emakumea ospitalera eraman zuen patruila batek, eta ostean salaketa jarri zuen. Gizona atxilo eraman zuten, eta astearte goizean zen epailearen aurretik pasatzekoa.
Gasteizko adin txikiko neska bati sexu erasoa egin zion adin txikiko mutil batek, 2023ko ekainean. Gasteizko Mugimendu Feministak ez ditu bidezkoak ikusten epaileak erasotzaileari ezarri dizkion neurriak. Uste du erasoa jasan duenaren birbiktimizazioa bultzatzen dutela... [+]
Indarkeria fisikoa eta sexuala jasan izana salatua duten Betharramgo Notre Dame ikastetxeko kasik ehun ikasleei beste 26 salaketa batu berri zaizkie. Horien artean, oraindik ikastetxean lanean ari den begirale baten kontrakoa dago: 12 urteko mutikoa bortxatu zuela frogatu... [+]
Iruñeko alkateak balorazio positiboa egin badu ere, nabarmendu du 24 eraso erregistratu eta 23 pertsona atxilotu dituztela. Baionan ere, bestetan hamaika eraso salatu dituzte.
Asteazkenan ireki dira Baionako bestak usaian baino goizago, bai egutegian bai tenorean. Gisa berean, Patxa plazako besta alternatiboak arratseko 6etan abiatuko dira. Eneka Barnetx Borda, Zizpa gaztetxeko kidea da.
Sanferminetako lehen bi egunetan gutxienez bederatzi eraso sexista salatu dituzte, horietako hiru intentsitate handiko sexu erasoak, Mugimendu Feministak gaitzetsi duenez. Foruzaingoak erasoei lotutako gizonak atxilotu ditu, eta gertakariak ikertzen ari da. Erasoei erantzuteko... [+]
Udaltzaingoak gizon bat atxilotu du larunbat honetan Tuteran, emakume bati sexu-erasoa egitea egotzita. Emakumeak Poliziari deitu zion laguntza eske gizona jarraika zuelako.
Iruñerriko mugimendu feministak elkarretaratzea egin du uztailaren 7an, bezperan izandako lau eraso salatzeko. Berriozarren eta Tuteran bi gizon atxilotu dituzte sexu abusuengatik.
Iruñean, Sanferminetarako, udal estrategia bat sortu da eraso sexisten aurkako protokolo saretua aurrera eramateko. Protokoloak, sentsibilizazio eta prebentzio neurrietan, eta ekintza plan batean oinarrituta dago, zeina, interbentzioa, laguntza eta erantzun protokoloa... [+]
Irunberriko Talde Feministaren eskaerari uko egin eta eraso sexisten aurkako kartela ez dutela herri sarreran jarriko erabaki du Rocío Monclús buru duen udal gobernuak, ez dela beharrezkoa argudiatuta, "beste eraso batzuk ere gertatzen direlako". Udalaren... [+]
Nagore Laffage Casasolaren heriotza salatu dute Iruñean astelehenean. 2008ko Sanferminetan Jose Diego Yllanesek hil zuen, Laffagek 20 urte besterik ez zituela.
70 urteko apaizari urtebeteko espetxe zigorra jarri diote, baita bost urteko debekua adin txikikoekin lan egiteko ere. Bere ordenagailuan pedofiliazko edukia aurkitu zuten ikertzaileek. Itaiak elkarretaratzea egin du Baionan, epaiketa hasi aurretik.
Ostegunean emandako prentsaurrekoan Jerome Bourrier prokuradoreak bikotea “dibortzio-prozesuan” zegoela adierazi du, eta senarrak ez zuela onartzen. Senarra jendarme ohia eta tiro kirolaria da, eta etxean zituen gerra armak ez dituzte aurkitu. Laure Zacchello... [+]
Laure Zacchello azken aldiz ikusi zuten ekainaren 21 goizean. Fiskaltzak astelehenean senarrari behin-behineko espetxealdia ezarri zion eta haren parte-hartzea froga dezaketen “zantzu serio eta sendoak” daudela informatu du Sud Ouest egunkariak. Jendarmeriak laguntza... [+]
El Paísek 24 testigantza jaso ditu idazle eta elizgizon legorretarrak egindako sexu-abusuak berresten dituztenak. Erasoak 8-9 urtetik 17 urtera bitarteko adin txikikoei egin zizkien. 1990. hamarkadan erasoez jakitun ziren Ezkiagaren lankideak, baina zituzten ekintzak... [+]
Lo que quede (euskaraz 'geratuko dena', Continta me tienes argitaletxea) liburuan bere senar ohiaren tratu txarrak eteteko prozesua harilkatu du eguneroko indarkeria matxisten kontakizunekin, eta bere bizitzako emakumeekin batera eraiki duen orainaldi gozagarriaren... [+]