Maiatzaren 26an ekonomia sozial eraldatzailearen Olatukoop sareak Mundu Berri Bat jardunaldiak egingo ditu internetez (hemen ikusentzun ahal izango dira). Hiru mahai-ingurutan burujabetzak landuko dituzte: "Azkenaldian burujabetzen bidean proiektu eta ekimen ugari sortzen ari direla ikusita, burujabetza ezberdinen arteko intersekzio edo gurutzaketak arakatu nahi ditugu", azaldu du Olatukoopek.
Olatukoopek adierazi du "burujabetzen aldeko estrategiak gurutzatuak izan behar dutela", aldaketa sistemikoak eragiteko. Horregatik, bizitza garatzen den hiru esferatan banatu dituzte maiatzaren 26an egingo dituzten jardunaldien mahai-inguruak: Baliabideak sortzeko prozesuak batetik (elikadura, energia, tekonologia sistemak besteak beste); prozesu horietan garatzen diren harremanak bestetik (produktiboak zein erreproduktiboak) eta harreman zein baliabideak sortzen diren espazioak eta horien antolaketa azkenik.
Hona hemen mahai-inguruen bideoak:
10:00etan ongi-etorria eta sarrera orokorra egingo du Beñat Irasuegik
10:15-11:45 Bizigaiak. Baliabideak sortzen ditugu, baliabideek sortzen gaituzte mahai-ingurua: Mirene Begiristain, Oihana Lorea, Gorka Julio
12:00-13:30 Bizikidetzak. Harremanak sortzen ditugu, harremanek sortzen gaituzte mahai-ingurua: Enara Iruretagoiena, Marina Sagastizabal eta Araitz Rodriguez
15:30-17:00 Bizilekuak. Espazioak sortzen ditugu, espazioek sortzen gaituzte mahai-ingurua: Beñat Etxebeste, Iñaki Etxebeste eta Ana Almandoz
Ekonomia Sozial Eraldatzailearen Sareak, Olatukoopek, hamar urte bete ditu, eta larunbatean festa egin dute Donostian, sareko kide eta partaideen artean. Ekonomia eta kooperatibismoa beste ikuspegi batez landu litezkeela aldarrikatu (eta frogatu) dute: herrigintzatik, herritar... [+]
80 bat lagun batu dira Iruñeko Katakraken aretoan, ekonomia sozial eraldatzailearen erreferentzia bihurturiko Olatukoop sarearen hamar urteak ospatzeko. Ekonomia eta lurraldeak eraldatzeko proposamenak zehatz-mehatz aurkezteko ekimena izan da.
Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.
Hasiera batean, lehenengo ideia izan zen ekonomia... [+]
Gizartea eraldatzeko helburuz jaio zen Ekonomia Sozial Eraldatzailearen mugimendua Euskal Herrian duela hamar urte, Olatukoop sarean bilduta. Denbora honetan ez da gutxi egindakoa: hamaika kooperatiba eta ekimen jarri dituzte martxan, eta sarea zabaldu egin da. Baina erronkak... [+]
Hegoaldetik ekimena pertsona migratuei ekonomia sozial eraldatzailea hurbiltzeko jaio zen 2023ko ekainean, Enarak kooperatiba, OlatuKoop eta Lankiren eskutik. Geroztik ari da bidea egiten, formazio saioak eskaini nahi ditu eta Katalunian izandako esperientziak konpartitu... [+]
Olatukoopeko kideak Montehermoso kulturunean bilduko dira larunbatean, Saretze Egunean. Gasteizen eta Araban ekonomia eraldatzailera hurbildu nahi duten eragileekin "harremanak jostea" izango da helburua.
Koopfabrikak antolatuta, Lurraldeak eta kooperatibak. Katalunia eta Euskal Herriko esperientziak jardunaldia egingo dute otsailaren 18an Oñatin, Arantzazun.
Urriaren 21ean, Oreretan Mundu Berri bat Euskal Herritik Jardunaldia burutuko du Olatukoopek. Euskal Herrian zehar sortzen ari diren tokiko ekosistema eraldatzaileak izango dira protagonista: bakoitza bere lurraldeko errealitate eta beharretara dago egokitua, baina denek... [+]
Gizartea hobetuko duen proiekturen bat martxan jarri nahian ari denak, samurrago eta gozagarriago egingo du bidea besteen esperientziaz lagunduta eta taldearen babesean. Horretarako, zabalik du Koopfabrikan izena emateko epea: bi formazio aldi daude aukeran, lehena, azaron eta... [+]
Gorka Julio, zerbitzu finantzario etikoak eta solidarioak eskaintzen dituen Koop57 EH-ko kide da. Baita Talaios kooperatibako eta Olatukoop ekonomia sozial eraldatzailearen sareko kidea ere. Olatukoopek funts mankomunatua sortu du Koop57ren laguntzaz, Olatukoopeko kide diren... [+]
Apirilaren 16an, 30ean eta maiatzaren 14an izango dira saioak Oreretan. 22 pertsonako aforoa egongo da saio bakoitzean eta izen eman beharra dago aurretik.