Hainbat alderdik espetxe politikaren erreforma eskatu dute Espainiako Kongresuan
“Garai berrira egokitutako espetxe legedia” eskatu dute ERC, EAJ, EH Bildu, JxCat, CUP, Más País, BNG, Compromís, Geroa Bai eta Mes per Mallorca alderdiek adierazpen bateratuan.
Espainiako Kongresuko hainbat alderdiren Kongresuko bozeramaileek –ERC, EAJ, EH Bildu, JxCat, CUPen, Más País, BNG, Compromís, Geroa Bai eta Mes per Mallorca–, adierazpena sinatu dute presoentzako “salbuespenezko espetxe politikaren amaiera” eskatzeko, Igor Gonzalez euskal preso politikoaren heriotzaren harira.
Adierazpen bateratuan, hamar alderdi sinatzaileek honakoa eskatu diote Espainiako Gobernuari: "Garai berrira egokitutako espetxe legedia, eskubideak errespetatuko dituena, urruntzearekin amaituko duena eta euskal gizarteak eskatzen duen normalizazio, baketze eta bizikidetza eraikitzeko helburuetan oinarrituta egongo dena".
Adierazpenak gogorarazten duenez, Gonzalez irailaren 4ean aurkitu zuten hilda, Donostiako Martuteneko espetxeko ziegan. Presoak berez 2020ko martxoan utzi behar zuen espetxea, "auzitegiek ezarritako zigorraren hiru laurdenak beteak zituelako".
Gainera, hamar alderdiek sinatutako testuak jasotzen duenez, "Gonzalez gaixo eta tratamenduan zegoen, eta baldintza horiek tratamendua kartzelatik kanpo jarraitzeko aukera ekarri behar zuten".
Guzti hori dela eta, hamar alderdi horien bozeramaileek uste dute "Estatuak askatasunik gabeko pertsonen bizitza zaindu behar duela, baina kasu honetan hori ez da bete". Sinatzaileen iritziz, eskubide horiek ez betetzeak espetxean hiltzera eraman du Gonzalez, eta beraz, uste dute ez direla "haren heriotza ekidin zezaketen beharrezko neurri guztiak hartzen".
Heriotzak Euskal Herriko kartzeletan
Euskal preso politikoak lekualdatzea eskatzen duten espetxeetako egoera ez da askoz hobea ordea. Irailaren 15ean bertan, adibidez, Zaballako espetxean 32 urteko preso bat ziegan urkatu zela jakin zen. Iragan uztailean bertan 23 urteko gazte bat ere hil egin zen leku berean. 2019. urtean bost lagun hil ziren Arabako presondegian, eta urte honetan, berriz, hiru dira bertan zendutako lagunak oraingoz.
Bakio, Laida, Lekeitio, Mutriku, Orio eta Donostian egin dituzte Etxeratek urtero antolatzen dituen hondartzetako mobilizazioak. Aurten Sare Herritarra batu da aldarrikapenera.
ETAko presoek espetxetik ateratzen direnean, egindako mina onartzeaz gain, "eragindako kaltea injustua" izan zela aitor dezaten lan egingo du Jaurlaritzak, María Jesús San José sailburu sozialistaren arabera.
Palestinako umeek ere galdera hori buruan ote duten pentsatu dut gure liburua eskuartean dudala. Zenbat lo falta ote diren genozidioa amaitzeko. Zenbat haur hil ote behar dituen oraindik Israel estatu sionistak munduko estatuen konplizitatearekin.
Beraien amei luzatuko ote... [+]
Bere heriotzaren 19. urteurrenean, Karmele Solaguren gogoratu dute bere omenez herrian jarritako monolitoaren aurrean. Solaguren kotxe istripu batean hil zen, bere semea Ekain Gerra Madrilgo espetxe batera bisitatzera egindako bidai batean. Solaguren bezalako biktimen aitortza... [+]
“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.
Subijanaren eta Borderen kasuan bigarren aldiz, Basauriko espetxeak onartutako hirugarren gradua lehengoratu du Espainiako Espetxe Zaintzako Epaitegi Zentralak. Subijana preso arabarra larriki gaixo dago. Sarek “atsekabea eta haserrea” adierazi ditu, eta... [+]
Urriaren 1ean bi urte bete dira Eusko Jaurlaritzak EAEko espetxeen kudeaketa bere gain hartu zuenetik. Bi urteko balantzearen txostena argitaratu berri du. 1.577 pertsona daude preso. %86 daude zigortuta, %8 emakumeak dira eta %31 hirugarren graduan daude. Euskal Espetxe... [+]
Fiskaltzat euskal presoen gradu progresioen hiru laurdenei errekurtsoa jarri diela salatu du. Martxan diren salbuespeneko politikekin bukatzeko beharra aldarrikatu du presoen eskubideen aldeko plataformak.
Espetxe politikaren ondorioz euskal preso politikoen “eskubideen urraketak” ematen direla salatu du Sarek, eta lege arrunta aplikatuz guztiak “etxera bidean” jartzeko unea dela aldarrikatu du. Donostiako manifestazioa abuztuaren 19an izango da, eguerdiko... [+]
Sare Herritarrak elkarretaratzea deitu du abuztuaren 4an Urretxun. Epaitegiak euskal presoen eskubideei “boikot” egiten ari direla salatu dute.
Bizkaia, Gipuzkoa eta Lapurdiko hamabost hondartzetan antolatu ditu mobilizazioak Etxeratek, Etxera lelopean.
Elkarretaratzea egin dute larunbata eguerdian Laudioko Herriko plazan, Pili Arsuaga eta Fontso Isasiren heriotzaren 33. urteurrena dela eta. Bi bizilagunak 1990ko uztailaren 1ean zendu ziren, Maribi Ramila euskal preso politikoa bisitatzera zihoazela izandako trafiko istripuan... [+]
Ministerio Fiskalak Eusko Jaurlaritzako Justizia Sailaren martxoaren 2ko erabakiaren aurka jarritako errekurtsoa berretsi du Espetxe Zaintzako Epaitegi Zentralak. Ondorioz, preso politiko errenteriarra bigarren gradura itzuliko da.
Pasa den martxoaren 25ean ofizialki bukatu zen euskal presoen sakabanatzea. El Paíseko lerroburuaren arabera, "34 urte igaro eta gero, Espainiako Barne Ministerioak amaiera eman dio ETAko presoen sakabanatzeari". Euskal Herriko komunikabideek ere dataren berri... [+]
Apirilaren 17an Preso Politikoen Nazioarteko eguna dela eta, agiri bat kaleratu du kolektiboak, eta gogorarazi du urruntze eta sakabanaketa politika bukatu izana “luzaz itxarondako albistea” zela.