HABEren azterketak prestatzeko aplikazio bat aurkeztu dute
Bai&by Fundazioak “HABE azterketak” aplikazioa garatu du. B1, B2 eta C1 mailako azterketa-ereduak dauzka eta aukera ematen du euskara-mailaren diagnostikoa egiteko.
HABEren azterketak prestatzen ari diren ikasleentzat eskuragarri jarri dute "HABE azterketak" aplikazioa, zenbait gailutarako baliogarria: mugikorrerako, tableterako eta ordenagailurako. Bai&by Fundazioaren proiektua da eta HABEren oniritzia jaso du; aurreko azterketa-eredu ofizialak bertan zabaltzeko baimena eman diete. Lau hizkuntza-trebetasunetako ariketak daude, alegia, irakurmena, entzumena, idazmena eta mintzamena.
Jokin Azkue HABEren zuzendariak azaldu du aplikazio "polita eta erabilgarria" dela. Izan ere, ariketa-sortak eskaintzeaz gain, erabiltzaileei diagnostiko bat egingo die euskara-maila neurtzeko eta jakinarazteko ea prest dauden azterketa gainditzeko. Azkuek nabarmendu du iaz gutxienez 20.000 ikaslek eman zutela izena azterketa egiteko eta, aurten, 27.000 inguruk.
Erregistratu ostean, erabiltzaileak aukeratu beharko du zein mailatan trebatu nahi duen: B1, B2 ala C1. Diagnostikoa egiteko abiapuntuko euskara-maila hartuko da oinarritzat eta, horren arabera, ariketak egiten joan ahala estatistikak eta arloz arloko emaitzak erakutsiko ditu aplikazioak. Tresna honen bitartez ikasleak jakin ahalko du nolako bilakaera izan duen. Bai&by-ren orrialdean aurkitu daitezke aplikazioaren xehetasunak.
Ikusle euskaldun gehien biltzen dituen katea da ETB2, datuen arabera. Aldatu Gidoia mugimenduak agerraldia egin du Bizkarsororen kontraprogramatzearen harira. Salatu dute askotan ETB1 lehian sartzen dela ETB2rekin, eta "herritar guztiak eta publiko bakarra helburu izango... [+]
Hamabi haur eskola publiko daude Iruñean, eta horretatik bakarrean dago euskarazko eredua. Protesta egin dute dozena bat eragilek, eta euskal hiztunen “egoera berezia” aintzat har dezan galdegin diote udalari.
Benetan nahasia da euskara ikasteko dirulaguntzen kontu hori. Euskara ikasi nahi duen herritarrak leihatila bat baino gehiagotara jo beharko du egin nahi duen ikastaroa zenbat kostatuko zaion eta dirulaguntzak nondik, nola eta noiz lortuko dituen jakiteko. Oraindik ere dirua... [+]
Euskal Herrian sortzen den eduki guztietarako sarbidea eskaintzeko sortu du erreminta Izarkomek. Urtarrilaren 2tik aurrera egongo da erabilgai Begizta, oraingoz Izarkom eta Onaro operadoreetan. Edukia hainbat gailu ezberdinetan ikusteko aukera emango du, baita bost profil... [+]
12 eta 16 urte bitarteko gazteak aisialdian euskaraz aritzea du xede Ametzagaiña eta Iametza enpresek sortutako jolasak. Gazteek egunero euskal erreferente bat asmatu behar dute eta gramatikaren inguruko galderak erantzun behar dituzte horretarako. Egitasmoa martxan jarri... [+]
Irungo Udalak barkamena eskatu eta asteazken honetarako bilerara deitu ditu hiriko elkarte euskaltzaleak, baina beste norabide bat hartu du aferak eta gaia ez du berehalakoan itxiko. Gabonetako ekitaldian euskara baztertzeagatik udala salatu duten elkarteak zeuden deituta... [+]
Euskaraz bizitzeko, Euskararen Errepublika lelopean egin du manifestazioa larunbatean Euskal Herrian Euskarazek, Landako gunetik abiatuta. Euskal Errepublika aldarrikatzera, indarrak batzera eta euskararen aldarria lau haizetara zabaltzera deitu dute Durangoko kaleetan... [+]
Irungo euskaldunen pazientziak gainezka egin du; haserre daude eta oraingoan ez dira "isilik geratuko". Gabonetako argiak pizteko ekitaldia erdara hutsean egin izanak hiriko 35 elkarte eraman ditu udalaren hizkuntza politika salatzera –aurrekari gutxi izango ditu... [+]
1994an EHUko Arte Ederretako ikasleek protestak abiatu zituzten. Bost irakasle euskaldun lortzeko hiru hilabeteko greba egin zuten, eta bitarte horretan Leioako fakultatea okupatu. Euskal jendartearen babes handia izan zuten, baina Poliziaren errepresioa ere jasan zuten; Bilboko... [+]
ETB1ek Bizkarsoro filma estreinatu zuen Euskararen Egunean iluntzean. ETB2ri aldi berean gaztelaniazko azpidatziekin ematea proposatu bazioten ere, kate horretan Tasio eskaini zuten gaztelaniaz azkenean, eta horrek haserrea sortu du euskaldun askorengan sareetan.
Azken asteotan esku artean ibili ditut honako bi liburuak: Euskararen gogoetagunea (Euskaltzaindia, 2024) eta Mariano Ferrer, el periodismo reflexivo. Kazetaritza eta konpromisoa (Erein, 2023) . Irakurri dut euskaldunen %42,2k ikusten duela ETB1, eta %20,6k irakurtzen duela... [+]
2022an egin nuen topo Cristinarekin lehen aldiz, Eusko Ikaskuntzak antolaturiko Aniztasunaren kudeaketa demokratikoa Nafarroan proiektuaren baitan. Nafarroa Garaiko errealitate soziopolitikoaren ordezkari-edo ginen zortzi gazte elkartu eta batzen eta bereizten gaituzten aferez... [+]