Guztiontzat eta guztion artean diseinaturiko herria helburu
Genero ikuspegiari arreta berezia eskainiz, herritar guztien beharrak aintzat hartuko dituen hirigintzari buruzko jardunaldiak egin dituzte Barakaldon, Ekin Hiriari lantaldeak antolatuta. Pertsona guztientzako herria eraikiz izan da goiburua, guztien parte-hartzeak eraldatuko duen herria irudikatzea izan baitute xede.
Kolore anitzeko betaurrekoak jantzi beharraz, hirigintza demokratizatzeaz eta parte-hartzearen garrantziaz jardun zuten profil ugaritako 140 lagunek baino gehiagok. Pertsonen ongizatearen gainetik etekin ekonomikoa lehenesten duten eliteek diseinaturiko hirigintza ereduaren kontsumitzaile izan ordez, herritarrak subjektu aktibo izatearen beharra azpimarratu zuten jardunaldiotan.
Herrikolore webgunean egin duten laburpenaren arabera, ondare historikoa errespetatzeaz aritu zen Iñaki Uriarte arkitektoa, espazioen berrerabilera sustatzeko eta herritarrak espazio horiekin identifikatzeko helburuz; nekazari eta natur guneak babestearen garrantzia nabarmendu zuen Eguzki talde ekologistako Iratxe Garridok; herritarrek politika instituzionalean eragiteko dauden oztopoez mintzatu zen Txiki Castaños bizilaguna; minusbaliotasunen bat dutenak aintzat hartzeko traba arkitektonikoak ezabatu beharraz aritu zen Rosalia Cuadrado Feekor-eko kidea; eta emakumeak kontuan hartzeko hainbat neurri proposatu zituen Iraide Kareaga mugimendu feministako kideak: hala nola, kale izendegian emakumeak gehitzea, puntu beltzak ezabatzea edota zaintzarako azpiegitura eta baliabide gehiago eskaintzea.
Espazio urbanoaren dimentsio soziala, espazio horien erabileraz eztabaidatu beharra, parte-hartzea benetakoa izan dadin jarri beharreko neurriak, hiriaz eta hiriko azpiegiturez barakaldoarrek eurek dituzten iritziak eta beharrak... ere izan zituzten mintzagai hiru egunetan, argi utziz espazioa ez dela neutrala, harremanen eta gizartearen eragile dinamikoa baizik.
Adibide parte-hartzaileak
Jardunaldiak amaitzeko, herritarren parte-hartzea abiapuntu izan duten hainbat esperientzia erakutsi zituzten. Barakaldoko San Luis eta Berko auzoak zaharberritzeko prozesuak aurkeztu zituzten bertako bizilagunek; Pasaiako Herrera auzoarentzat hirigintza proiektua adosteko bizilagunek emandako urratsak azaldu zituen auzo elkateko kide batek; ikuspegi feministatik espazioen autogestiorako Emakumeak lanean gidaren berri eman zuten Punt6 kolektibokoek; eta herriaren eraikuntzan umeak erdigunean jartzen dituen Oarsoaldeko Irrien Lagunak elkarteko kideak aritu ziren azkenik.
Jardunaldiez bideo bi egin dituzte Herrikolorekoek:
Hirietako egunerokoa interesatzen zaio Sarah Babiker kazetariari; ez, ordea, postaletako irudia, baizik eta auzoetan, parkeetan, eskoletan, garatzen den bizitza; bertan dabilen jendea. Lurralde horretan kokatzen dira bere artikuluak, baita iaz argitaratu zituen bi lanak ere... [+]
Burgosko Gamonalen 2014ko urtarrilean gertaturikoa M15 mugimenduak eta antzekoek hauspotutako protesta soil batzuk izan zirela uste duena, oso erratuta dabil. Auzoaren memorian arakatzea besterik ez dago konturatzeko zer nolako eragina izan zuten iraganeko galera sentimenduak,... [+]
Iaz egin nuen topo lehen aldiz Ander Zangiturekin, Azpeitiko Dinamoa sormen gunean antolatzen duten Hitzaren Eskolan. Isiltasunaren inguruan aritu ginen, batez ere, hausnarrean. Harrezkeroztik tentu handiagoz erreparatu die haren formei bere ogibidearen mundutik, arkitekturatik... [+]
AEBko eta munduko hiri handienetakoa den Los Angeles sute ikaragarriek harrapatu dute eta jadanik 150.000 lagun lekuz aldatu behar izan dituzte agintariek. Alkateak larrialdi egoera ezarri du, garrek ehundaka etxe kiskali dituzte hainbat auzotan, eta haizete gogorrek ez dute... [+]
Eusko Jaurlaritzaren esku geratu dira beste bi eskumen: Itsasertzaren Antolaketa eta Kudeaketa, eta Zinematografia eta Ikus-entzunezko Jarduera. Astelehenean bildu da Transferentzien Batzorde Mistoa, Madrilen, eta han adostu dute bi eskumen horiek EAEra eskualdatzea.
Londrestik iritsi da ospe handiko arkitekto bat Galiziako herri txiki batera. David Chipperfield du izena, eraikinak mundu osotik zehar ditu, Berlin, Milan eta Shangaigo bulegoetatik lanean. Arkitektura elegantea, fina, Sir batek egindakoa. Istorioa Corrubedo herrixkan hasten... [+]
Azken asteotan, arkitekturan dihardugunontzat ez da posible izan Valentziako klima gertaera gure lan hizketaldira ez ekartzea. Uraren ibilbidea eraikinen estalkietan, estolderietan, plazetan eta parkeetan pentsatu eta diseinatu behar ditugulako. Ongi dakigu giza eskalako ur... [+]
Mediterraneoan tanta hotz batek eragindako triskantzak erakutsi digu gizakiak noraino sartu dezakeen hanka. Klima larrialdia sortzeaz gain, bere kalte humanoak eta ekonomikoak anplifikatu ditugu. Copernicusen datuen arabera, 400 kilometro koadrotik gora lur geruza... [+]
Ekintza zuzena burutu dute Donostiako Marrutxipin 600 pertsonatik gorak. Ategorrieta ondoan, Sorleku parkea egitea nahi duten lur-eremuaren inguruan buelta bat eman ostean, barrura sartu dira ordu erdi pasatxo iraun duen protestan. Duela hainbat urte, Donostiako Udalaren... [+]
Ugariak dira Dana denboraleak Valentzian eragin duen hondamendiaz egin diren irakurketak. Beste faktore batzuen artean, gizakiak naturari ebatsitako eremuez luze mintzo dira hedabideak, ibai eta itsaso ertzak hormigoiarekin betetzeak duen arriskua dela-eta. Hormigoiarekin... [+]
Bilboko Alde Zaharreko Korrika batzordeak auzoan egin zuten ekimen bat baimenik gabe antolatzeagatik udalaren 1.500 euroko isuna salatu du. Ekintza hau arau-hauste larritzat jo zuen udalak, eta auzokideek espazio publikoaren erabilera defendatu dute.
Japonian auto (pribatu) bat izateko aparkaleku (pribatu) bat izatea derrigorrezkoa da. Neurria polemikoa iruditu dakiguke, hemengo araudiak (hemengo balore sistemak) autoaren gordailua publikoa den espazioak hartzea onartzen duelako. Hau da: arazoa publikotasunaren... [+]
Euskal Herriaren zatirik handiena klima zonalde epelean kokatuta egon arren, Arabako eta Nafarroako hegoaldean ez ezik, edonora hedatzen dira udako bero bolada latzak. Eta, dirudienez, klima aldaketarekin okerrera eginen du egoerak –edo egiten ari da, honezkero?–... [+]
Baionako Zitadelan egitekoak dituzten obrak salatu dituzte CADE ingurumen elkarteen batasunak, Bergeret-22 auzotarren kolektiboak eta Attaque elkarteak, prentsaurreko bidez. 1,5 hektarea oihan moztuko lituzkete; alta, Tokiko Hirigintza Planaren arabera eremu babestu gisa... [+]
Europar sentimendua duen lagun gutxi ditut, ez dakit europartasuna identitate bat izatera iristen ote den. Baina Europara bidaia egiten dugunean, adiskidetasun bat atera daiteke, ze gurean eta bertan gertatzen den lurraldetasun norabide nagusiak elkarbanatuak dira; bertan... [+]