Guztion Alardea elkarteko 64 emakumek alardean parte hartzeko eskakizun formala egin dute
Alarde fundazioari eta Hondarribiko Udalari bideratu diete alardean parte hartzeko eskakizuna, kantinera bezala ez ezik, soldadu gisa ere bai. Guztion Alardea elkarteak eman du urratsaren berri. Alarde baztertzailearen bueltako gazteek sortu zuten elkartea, defendatzen baitute emakumeek desfilean parte hartzeko eskubidea dutela.
Astelehenean bete zuten alardean parte hartzeko eskakizun ofiziala Hondarribiko 64 emakumek, izen-abizenez. Alarde fundazioari eta Hondarribiko Udalari zuzendu diete eskaria, alardearen antolatzailea delako lehena, eta alardea baimentzeko eskumena duelako bigarrenak. Are, azken horri gogorarazi diote "herritar ororen eskubideak bermatzeko erantzukizuna eta konpromisoa duela".
Guztion Alardeak eman du eskakizunaren berri. 2019an sortu zuten herriko hainbat gaztek; alarde baztertzailearen ingurukoak izan arren, emakumeek desfilean parte hartzeko eskubidea dutela defendatzen dute. "Bizikidetza sustatzeko elkarte" gisa dago erregistratuta, 90eko hamarkadatik datorren alardearen bueltako gatazka konpontzera bidean urratsak ematea baitute xedetzat. "Alardea bat eta bakarra da, hondarribiar guztion ondarea, eta edonork beharko luke bertan nahi duen moduan parte hartzeko aukera izan. Hori errealitate bat ez den bitartean, ez dago normaltasunik, ez bizikidetzarik, eta are gutxiago berdintasunik", adierazi dute.
Elkarteak jakinarazi du eskakizuna egin duten emakumeen kopurua "sinbolikoa" dela, badakitela alardean parte hartu nahi duten emakumeak askoz gehiago direla, "eta are gehiago emakumearen parte hartzearen alde gaudenak". Hargatik, herriko emakumeei dei egin die eskaerarekin bat egitera.
Mende laurden gatazkan
1996an du jatorria gatazkak. Bai Irun zein Hondarribiko alardean emakumeei kantinera gisa bakarrik parte hartzea ahalbidetzen zitzaienez, hainbat emakumek soldadu gisa desfilatzeko nahia agertu zuten aurreko urteetan, eta jasotako ukazioen aurrean, desfileetan sartzen saiatu ziren 96an. Konpainietan tokia egitetik urruti, baina, kolpeka atera zituzten, urte luzeetako gatazkari hasiera emanez.
Gaur artean ez da aterabiderik aurkitu. Irunen bi alarde egiten dira ekainaren 30ean, eta Hondarribian bakarra irailaren 8an: emakumeekiko baztertzailea dena, eta soilik kantinera bezala onartzen dituena. Bereiz desfilatzen du Jaizkibel konpainiak, eta bertan parte hartu ohi dute alarde berdinzalearen aldeko hondarribiarrek, izan emakume zein gizon. Zehazki, aurten beteko ditu 25 urte Jaizkibelek.
Inkestatuen %45,6k alarde parekide bakarra nahiago du herriarentzat eta %65ak baino gehiagok alardearen gatazka konpontzeko herritarrek gai horren inguruko hitzaldi eta tailerretan parte hartu behar dutela adierazi dute.
Alardean desfilatuta ere honek «herriaren benetazko errealitatea irudikatzen ez zuela» ikusita sortu zen 2019an Guztion Alardea, «herria polarizatua dagoelako, baina ikusten ez den masa gris handia dagoela irudikatu beharra zegoelako». Eneko Gonzalez eta... [+]
Hondarribiko Alardearen harira herrian aurten bizi izan den tentsioa garbi islatu du Igor Enparan alkateak, hondarribiar guztiei bidali dien eskutitzean. "Gezurrez eta gorrotoz betetako kanpaina pairatu dut. Zurrumurruak eta gezurrak zabaldu dira herritar guztion arteko... [+]
Hondarribiko jai egun handian, Alarde tradizionalak eta Jaizkibel konpainia parekideak bat egin behar zuten lehen aldiz abiapuntuan, baina argazki hori saihesteko, tradizionaleko konpainia guztiak berandu joan dira hasiera puntura. Plantoak planto, ordea, lehen aldi ugari bizi... [+]
Hondarribiko Alarde tradizionala eta Jaizkibel konpainia desfilatzen aterako dira, urtero bezala, irailaren 8an. Baina orain arte EAJk gobernaturiko udala Abotsanitzek eskuratu du eta egin dituen aldaketek hautsak harrotu dituzte Alarde tradizionalean. “Konpainia guztiak... [+]
«Gatazkaren konponbidean baliagarria izango delakoan» EH Bilduko Lantalde Feministak egindako hausnarketa plazaratu du Arma Plazan. Igor Enparan alkateari «Jaizkibel konpainiak bakarrik betetzen duen legea betearazten hasteko, eta Alarde bakarra, guztiona eta... [+]
Konpainia parekideak 2023ko jaien eta irailaren 8ko alardearen balorazioa egin du, eta aurtengoa "urte pozgarria" izan dela azpimarratu. Nabarmendu du udalak egindako keinuek lagundu dutela elkarbizitza espazioak sortzen, baina alarde baztertzaileari ere harrera egitea... [+]
Arartekoak ostiralean jakinarazi du azkenean ez duela alarde baztertzailea agurtuko. Halere, Hondarribiko alkateak, Gipuzkoako ahaldun nagusiak eta Eusko Jaurlaritzako Giza Eskubideen sailburuordeak emakumeak baztertzen dituen alardeari harrera egin diote.
Hondarribiko alardearen bezperetan, alarde tradizionalaren baitatik sortutako proposamenez, udal aldaketak zabaldu ditzakeen ateez eta Gipuzkoako ahaldun nagusiak iragarritakoaz (alarde tradizionalari eta Jaizkibel konpainia parekideari egingo diela harrera) hitz egin dugu... [+]
Hauteskundeen ondoren zabalduko den aro berri honetako alkatea "konponbidearen alkate bilakatzea" espero du Guztion Alardeak.
Bilera izan berri dute bi aldeek. Guztion Alardeak bere diagnostikoa eta zenbait gogoeta plazaratu zituen bilera horretan, eta fundazioak hauekiko desadostasuna agertu zuela esan dute.
Hondarribiko alardean konpainia parekide bakarrak egindako desfilea oso jendetsua izan da eta txalo artean hartu dute ibilbidean zehar.
Koronabirusagatik desfilerik gauzatu ez den arren, Jaizkibel Konpainiak kaleak hartu ditu. Elkarretaratzea egin dute alarde parekidea aldarrikatzeko, eta uztailean egindako proposamena berriz plazaratu dute: datorren urtean alardeko konpainia bat gehiago izatea.
Emakumeek ere alardean desfilatu ahal izatea helburu, duela 25 urte atera zen lehen aldiz Jaizkibel konpainia Hondarribian. Aurtengo irailaren 8an ez da alarderik izango, baina elkarretaratzea egingo dute, “1996 urrun hartan, alarde parekidearen aldeko aldarria kaleratu... [+]