Gutxienez Nafarroako suteetako bat norbaitek piztua izan dela susmatzen dute
Nafarroako Gobernuak tramiteak abiatu ditu Espainiako estatuak hondamendi-eremu aitortu dezan. Kaltetutako eremuetako udalerrietako alkateekin batuko da Maria Chivite, egoera egonkortzen denean.
Suteak larunbatean hasi ziren, eta batzuek etenik ez dutela dirudien arren, beste sute batzuk egonkortzen hasiak dira, hala nola Galipentzukoa, Lodosakoa, Erreniegakoa edo Obanos ingurukoa.
Aragoiko Gobernuak atxilotu bat baieztatu du, Esako urtegiraino iritsi den suteari lotuta. Jatorria Aragoin duen sua berak piztua izan dela susmatzen dute. Kasik Leireko monastegiraino ailegatu ziren sugarrak.
Galipentzu inguruko suteak piztua jarraitzen zuen astelehenean, eta arratsaldean herria hutsarazi zuten. Hurrengo goizerako egoerak hobera egin du. Galipentzuz gain beste hainbat herri izan ziren hustuak; honako hauek dira, navarra.es-en arabera: Lerga, Olleta, Eslaba, Makirriain, Santsoain eta Amatriain.
AEMETen arabera, ostegunean euria egingo du Nafar hegoaldean. Ipar partean euria ari du dagoeneko.
Hondamendi-eremua izendatu nahi dute
Nafarroako Gobernuak, bestalde, erre diren esparruak hondamendi-eremu bezala aitortzea nahi du, Espainiako estatuari hala eskatzeko izapideak abiatu ditu, eta egoera egonkortu bezain laster deituko ditu Maria Chivite lehendakariak kaltetutako herrietako alkateak.
Chivitek azaldu duenez, Pedro Sánchez Espainiako presidentearekin kontaktuan egon da asteburuan zehar suteen gorabeheren berri emateko. Nafarroa inguruko lurralde-buruekin ere hitz egin duela adierazi du, suteak etetzen laguntzen ari baitira Aragoi, EAE, Errioxa eta Gaztela-Mantxa.
Gutxienez 10.000 hektarea kiskali dira Atenasetik gertu, eta dozenaka etxe eta enpresa kiskali dira, EFEk jaso duenez. Greziako Gobernuak suteei aurre egiteko laguntza eskatu dio Europar Batasunari.
Suak geroz eta leku gehiago hartzen du albisteetan. Azken urteetan sute askok partida irabazi digu, planeta osoan zehar. Egungo suteak ez dira lehengoak bezalakoak, erasokorragoak dira eta planeta sakonki aldatzen ari dira: Pirozenoa dei genezakeen garaiaren atarian jarri... [+]
Alerta gorria ere jarri dute eskualde batzuetan: zehazki, Bizkaiko eta Gipuzkoako kostaldeetan, Ebro ondoko eskualdean, Bizkaiko eta Gipuzkoako barnealdeetan eta Arabako erdialdean.
Sute arrisku handia aurreikusi dute egunotarako Nafarroan. Babes zibil eta larrialdietako zerbitzuak, suhiltzaileak, Poliziaren ingurugiroaren babes brigada, ingurugiroaren departamentua, Guardia Zibila eta Estatuko Agentzia Meteorologikoaren Nafarroako delegazioa abuztuaren... [+]
Tenperatura altuek eta lur eremu lehorrek eragin dituzte suteak asteartean. Ondorengo herrialdeak izan dira kaltetuenak: Kroazia, Aljeria, Tunisia, Siria, Italia, Grezia eta Frantzia. Azken orduetan, Portugalen eta Kanariar Uhartean ere zabaldu dira suteak.
Inoiz erregistratu diren tenperatura altuenak ekarri ditu bero-boladak, eta horrekin batera baso suteen arriskua areagotu da.
Lehen bioletekin bat, mendiko suak heldu dira tenoreko, beren desmasiek jarraikiak. Eta ondoren protestak, aldizkari honetara bidali ohi ditudanak barne.
Orain dela bi urtekoa ikaragarria izan zen. Lapurdi, Nafarroa eta Gipuzkoan hedatu ziren suteak, Larrun menditik... [+]
Ekainean Nafarroak inoiz jasan gabeko kalteak izan zituen suteen ondorioz. Errigora ekimenak diru bilketa abiatu zuen uztailean, ondorioak bideratu ahal izateko eta "lurrarekiko begirunez jardungo duten ereduak" sustatzeko. 85.000 euro bildu dituzte Euskal... [+]
Gaua sutea mendean hartzeko lanetan eman ostean, Bizkaian egoera kontrolpean dago. Arratsaldetik aurrera arriskuak murriztera jo beharko luke, Euskalmet-en arabera haizeak baretzera joko baitu. Burgos (Espainia) iparraldera hedatu da sua, eta uneotan bertan dago egoera okerren.
Aunitz euskal herritarrentzat, oporretara joateko tokia dira Gaskoiniako Landak (Okzitania). Duna luzez osatutako hondartzak, pinudi amaigabeak barnealderantz, eta herriak baino kanping gehiago ia. Hegoaldean Aturriko itsasadarrak markatzen du Lapurdirekiko muga. Iparralderantz... [+]
73 urteko bi anaia dira hildakoak eta sutea Arteagagoitiko landetan gertatu zen, San Miguel auzoan, abuztuaren 23an, asteartez.
A-8 eta A-63 autobideen arteko pasabidea ixtean auto-ilarak sortu dira. 6.200 hektareatik gora erre ditu abuztuaren 10ean Girondan (Frantzia) piztutako suteak. Landerara ere iritsi da eta 10.000 lagun inguru ebakuatu behar izan dituzte.
Igandean Zanbranan piztutako sutea kontrolatutzat eman bazuten ere astelehen goizean, iluntzean berriz abiatu zen, haize indartsuak hauspotuta. Suteen arriskua gora dago Euskal Herriko leku ezberdinetan, eta hainbat neurri dituzte bideraturik, aurre egiteko.