Gutxienez hamaika hildako eta 64 desagertu Mediterraneoan astelehenean bi ontzik izandako ezbeharretan
Calabriako (Italia) kostaldetik 120 miliatara hondoratu da astelehenean ontzi bat eta erreskate lanetan, haurdun zegoen emakume bat hil da. Libiatik gertu beste ontzi batean, ura sartu eta hamar pertsona hil dira sotoan. Desagertuen artean gutxienez 26 ume daude.
Mediterraneoko uretan migrazio hondamendi berri bat izan da astelehenean, ekainaren 17an, eta hamaika pertsona hil eta 64 desagertu dira. Ontzietako bat Turkiatik zetorren, eta Italiako kostaldetik gertu hondoratu da, Calabriako (Italia) eskualdetik 120 miliatara, eta haurdun zegoen emakume bat hil da erreskate lanetan, iturri italiarren arabera. Bizirik atera direnek adierazi dute motorra hautsi zela eta su hartu zuela, ontzia hondoratu aurretik. Ontzi horretako hamabi pertsona erreskatatu ditu arrantza-ontzi frantziar batek eta gutxienez 64 pertsona inguru desagertu dira, horien artean 26 ume.
Beste ontzi batek ere arazoak izan ditu astelehenean Mediterraneoan. Hamar pertsona hilda aurkitu dituzte ontziaren sotoan, ontzia urez beteta zihoalako. Ontziko gainerako 51 pertsonak bizirik atera dira, Resqship gobernuzko kanpoko erakunde (GKE) alemaniarrak adierazi duenez.
Calabriatik gertu hondoratu zen ontzitik bizirik irten diren pertsonak Rocella Ionica-ko portura eraman dituzte. Shakilla Mohammadi, Mugarik Gabeko Medikuak GKEko kulturarteko bitartekariak, migratzaileek Turkiatik atera zirenetik jasan duten sufrimendua eta laguntzarik eza salatu ditu: “Afganistanetik zetozen familia batzuetako kide guztiak hil dira. Salbamendu-txalekorik gabe zihoazela esan ziguten eta eta ontzi batzuk ez ziren gelditu haiek laguntzera”. Izan ere, Mediterraneoko kostazainek ez dute ekarpen handirik egiten horrelako hondamendiak saihesteko, BBCk lortutako lekukotzek agerian utzi zutenez. Hondoratutako beste ontzitik bizirik irten diren 51 pertsonak Resqship GKEko Nadir ontziak salbatu eta Italiako Lampedusa uhartera eraman ditu.
Aurrekari latzak Mediterraneoan
Aurreko urtean Turkiatik ateratako beste ontzi bat Calabriako kostaldera iristeko zorian zegoela hondoratu zen, eta 94 pertsona hil ziren. Izan ere, Turkiako mafiek negozioa egiten dute errefuxiatuak engainatuz eta baldintza tamalgarrietan Europako kostaldeetara bidaiak ahalbidetuz, eldiario.es komunikabideak aztertutakoaren arabera. NBEren datuen arabera, 800 migratzaile baino gehiago hil edo desagertu dira urte honetan Mediterraneoan bakarrik. 30.000 migratzaile inguru hil dira Mediterraneoan 2014. urtetik, La Marea komunikabideak jaso zuenez.
Kazetaria eta giza eskubideen defendatzaile sutsua. Munduko Medikuak, Apoyo Mutuo edota SHM gobernuz kanpoko erakundeekin lan egin izan du boluntario eta kazetari moduan. Hainbat komunikabidetan hamaika erreportaje plazaratu ditu Greziako Chios irlatik, hala nola Mediterraneoko... [+]
Igandean egin du erreskatea Aita Mari salbamendu ontziak. Azaldu dute Siriatik etorritakoak direla gehienak, baina badaudela haien artean Egiptotik, Nigeriatik eta Bangladeshtik etorritakoak ere. Aita Mari ontziari Ravennako portuan lehorreratzea agindu dio Italiako... [+]
Ekainaren 16an Britainia Handiko BBC telebista kateak publiko egin duenez, Greziatik Europara joan nahi zuten pertsonak modu basatian hil izan dituztela frogatzen duten lekukotasunak bildu dituzte. Greziako uretatik irten eta brankatik behera itsasora bota dituzten bederatzi... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]
2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]
Ongi Etorri Errefuxiatuak plataformak urteroko Marea Horia izeneko mobilizazioa egin du zapatuan, Plentzia eta Gorlizko hondartzetan. Horietan bildutako lagunek salatu dute mundu osoko milioika pertsonak, euren jatorrizko herrialdeak utzi eta Europara iritsi nahian,... [+]
Zalaparta sortu du Libia eta Tunisiako mugako basamortuan hilik ikus zitezkeen ama alaba batzuen argazkiak. Migratzaileak zenbaki gisa tratatu arren, Fati eta Marie izena zuten pertsonak ziren.
2005. urtean 6,5 milioi euroko aurrekontua zuen Mugen eta Kosten Europako agentziak. 2022. urtean, berriz, 750 milioi eurotik gora jaso zituen erakunde publikoetatik. Migratzaileen kanporaketak gauzatzera bideratutako diru-partidak %480 handitu dira azken bi urteetan.