Garesko esne ustiategi batean izan da lan istripua astelehen goizean: 45 urteko langile bat momentuan hil da, eta 36ko beste bat larri zaurituta ospitaleratu ostean, ordu batzuetara hil da. Estolda-zulo batean lanean zeudela konortea galdu dute biek. LAB sindikatuak egun berean jakinarazi du ekainaren 3an Bermeon beste langile bat hil zela, bihotzekoak jota.
LAB sindikatuaren arabera, 2022an gutxienez 34 langile hil dira lan heriotzagatik (horietatik hamaika ez-traumatikoak). Azken biak ekainaren 6an izan dira, goizaldeko lan istripu batean, Garesen (Nafarroa). Señorio de Sarria taldearen esne ekoizpenerako instalazioetan izan da ezbeharra, eta ondorioz 45 urteko langile bat hil da eta 36 urteko beste bat oso larri zaurituta ospitaleratu dute. Arratsaldean hil da azkenean.
Foruzaingoak jakinarazi du gertatutakoa ikertzen ari direla, eta baieztatu du ureztatzeko erabiltzen den ur biltegiko estolda-zulo batean zebiltzala jazo dela ezbehar larria. Lehen hipotesien arabera, ur-biltegi hori hutsik zegoen eta hura garbitzera sartu da behargina. Konorterik gabe geratu da, ziurrenik oxigeno faltagatik. Beste behargina sartu da hura laguntzera, baina azken horrek ere kordea galdu du. Larrialdi zerbitzuak bertaratu direnerako langile bat hilik zegoen eta bestea oso larri zaurituta; Nafarroako Ospitale Gunera eraman dute helikopteroz, baina arratsaldean zendu da.
Ekainaren 6an LABek jakinarazi du Bermeon (Bizkaia) beste langile bat hil zela pasa den ekainaren 3an. Coviran saltokian ari zen lanean 50 urteko behargina, eta bihotzekoak jota hil zen. Sindikatuak salatu du lan heriotzetarako arrisku faktore direla “egungo sistema neoliberala, lan karga eta presio gero eta altuagoak”, baina ez daudela identifikatuta prebentzio txostenetan: “Herriko frankizia-denda txiki batetako langile autonomoa izan da hildakoa. Komertzio handiaren aurrean bizirauteko borrokan, ez da harritzekoa bizirauteko borroka horretan, laneko arrisku faktoreak medio, arazo kardiobaskularrak areagotzea eta bizi kalitatean eragina izatea. Kasu honetan heriotzaraino”.
Instituzioei eskatu diete dagokien erantzukizuna betetzeko eta neurriak hartzeko.
56 urteko langile bat hil da Lizarran, Agralco (Agrupacion Alcoholera de Bodegas Cooperativas) biltegian lanean ari zela. 10:00ak aldera gertatu da ezbeharra, Lizarran la alcoholera moduan ezagutzen den nekazaritza hondakinen biltegian.
LAB, CGT, Steilas, ESK, EHNE eta Hiru sindikatuek salatu dituzte Nafarroan altueratik erorita hil diren hamar langileen kasuak.
Loiun (Bizkaia) eta Olletan (Nafarroa) hil dira langileak, astearte goizean, biak erorikoen ondorioz. Aurten Euskal Herrian 47 behargin hil dira laneko istripuetan. Nafarroan hamabi lan istripu izan dira aurtengo lehen seihilekoan, eta lan istripuen intzidentzia tasan datu... [+]
Lan-istripu larria izan zen igandean Funesen (Nafarroa), Elaborados Naturales de la Ribera del Ebro elikagai-enpresan. 29 urteko gizona gauean bertan erietxean hil zela jakinarazi zuen Foruzaingoak.
LAB, ESK, STEILAS, EHNE-Etxealde eta Hiru sindikatuek Gipuzkoako Foru Aldundiaren aurrean elkarretaratzea egin dute Lodosan lan-istripu hilgarria izan zuen garraiolariaren heriotza salatzeko. Sektorean lan-baldintza duinak galdegin dituzte patronalak eta instituzioek gaixotu eta... [+]
Irunberriko etxe partikular batean lanean ari zela erorita hil da 42 urteko iruindarra. Sindikatuen esanetan, lan-segurtasun araudia "ez da betetzen" eta erantzukizunak argitzeko eskatu dute. LABen arabera, jadanik 42 dira Euskal Herrian lanean ari zirela hildakoak.
Asviamie amiantoaren biktimen elkartearen hitzetan, Gasteizko Lan-arloko 2. Epaitegiak Sidenor eta Cofivacasa enpresei ezarritako isunak erakusten du enpresek ez dutela betetzen "langileen osasuna babesteko obligazioa".
30 urteko behargina hil da Amezketako (Gipuzkoa) paper fabrikan. Ibarra Argi Lanak enpresak azpikontratatuta zegoen. Elkarretaratzea egin dute ostiralean, 11:00etan, gertatutakoa salatzeko. 2024an hil den 38. langilea dela adierazi du LABek.
Istripu bat Ataunen (Gipuzkoa) gertatu da, abuztuaren 22an. Bestea Iurretan (Bizkaia) gertatu zen abuztuaren 14an.
Lan istripuz 33 pertsona hil dira Euskal Herrian aurten. Azkenekoa, Iruñeko sanferminetan garbiketan lanean ari zen Iosu izeneko langilea. Kamioiaren gainetik erori zen eta hartutako golpe larriaren ondorioz hil da. LABek FCC (Iruñerriko Mankomunitateko... [+]
Ezbeharra astelehen goizean izan da, eta gizonaren emazteak 13:23ean dei egin die larrialdi zerbitzuei. Bi biktimak bihotz-gelditze egoeran aurkitu dituzte, eta sorospenek ez dute lortu horien bizitza salbatzea. Umea herriko bizilaguna zen.
Itsasoan gertatutako istripu baten ondorioz hil da arrantzalea. Hunekin Aski itsasontzian lanean ari zelarik erreskatatu zuten gizona, larunbat arratsaldean. Erietxean hil zen.
Iragan asteko ostegunean zauritu zen larri Bergarako (Gipuzkoa) Embalan 3 lantegiko langilea, zama bat gainera erorita. 2024 urtean hiltzen den 26. langilea da.
51 urteko garraiolariaren kamioia irauli egin da Ejea de los Caballerosen (Aragoi). 2024an hiltzen den 23. langilea da.
Asteazkenean eseri dira epailearen aurrean Zorroza Gestión de Residuos enpresako arduradunak, 2020an gertatutako lan heriotzaren harira. Epaileak urtebete eta sei hilabeteko espetxe zigorra eta 30.0000 euroko kalte-ordaina ordaintzea ezarri die bi akusatuei.