Gutxienez 2027ra arte atzeratu dituzte berriro ere AHTren obrak EAEn
2024ko otsailean Astigarraga-Hernani tartea amaitu zutenean Abiadura Handiko Trena 2027an prest egongo zela aurreikusten zuen Eusko Jaurlaritzak. Orain Arkautiko lotunearen obren lizitazioari ekin dio Jaurlaritzak; Euskal Trenbide Sarea enpresaren esku utzi du, eta 2027an hasiko direla aurreikusi. Obren lizitazioaren inguruko astelehenean egindako agerraldian ez dute proiektuaren inguruko epe gehiago eman.
Atzeratu egingo dira, berriz ere, Euskal Y-aren obrak, eta Jaurlaritzak egin zuen azkeneko aurreikuspenaren kontrara, Abiadura Handiko Trena ez da 2028an martxan izango. Jaurlaritzak astelehenean eman dio Euskal Trenbide Sarea (ETS) enpresari Arkautiko lotunea eraikitzeko hitzarmena sinatzeko baimena, Espainiako Gobernuaren mandatu baten ondorioz.
Arkautiko lotunea trenak Gasteizko kanpoaldetik hainbat norabidetara banatzeko aukera emango duen azpiegitura da . “Ezinbestekoa” da Madrilekin lotzeko, eta horren obrak 2027 urtera arte ez dira hasiko. Horrek esan nahi du azpiegitura ez dela prest egongo 2029ra arte, gutxienez. Arkautiko lanak hasi arte, Eusko Jaurlaritzak ez du iragarriko AHT martxan jartzeko datarik.
PSE-EEko Mugikortasun Jasangarriko Sailburu Susana García Chuecak “berri ontzat” jo du obrak hasteko hitzarmena sinatu izana, baina zeharka onartu duenez, Arkautiko obrak nekez hasiko dira 2027a baino lehen. Jaurlaritzaren aurreikuspenen arabera, eraikuntza-proiektua “2025eko lehen hilabeteetan” lizitatuko da. Hala ere, kontuan hartuta “proiektu horiek idazteko epeak 22 eta 24 hilabete artekoak izan ohi direla”, Espainiako Estatuko Garraio eta Mugikortasun Jasangarriko idazkari Jose Antonio Santanok urrian adierazi zuen obrak ez zirela 2026an hasiko.
Garcia Chuecak azaldu du “eraikuntza-proiektuaren lizitazioa ahalik eta azkarren egingo dela; 2025aren hasieran, ostean eraikuntza-proiektua idatzi eta obra amaituko dutela”, proiektuaren inguruko epe gehiago ematea saihestuz.
Atzerapenez josia dago AHT duela 18 urte
2006ko urrian, hots, duela 18 urte, hasi ziren Abiadura Handiko Trenaren obrak EAEn, Araban zehazki. 2008an, trenbidearen hiru adarrak eraikitzen ari zirenean, AHT martxan jartzeko aurreikusten zuten urtea 2013a zen. Urtebete geroago proiektua 2015an edo 2016an amaituko zutela iragarri zuten. 2015 heldu eta 2019ra atzeratu zuten makro azpiegitura abian jartzeko data.
2017ko maiatzean, Euskal "Y" delakoa 2023an martxan egon zedin, EAJk kronograma bat, epeak eta inbertsioak jaso zituen aurrekontu-akordioa sinatu zuen Mariano Rajoyren gobernuarekin. Hilabete batzuk geroago, Bergarako lanei ekin zieten, baina lizitazioaren atzerapenak erritmoa kolokan jarri zuen.
2024ko otsailean AHT 2027an prest egongo zela aurreikusten zuen Jaurlaritzak Astigarraga-Hernani tartea amaitu zutenean. Orain iragarri dute 2025eko lehen hilabeteetan lizitatuko dela Arkautiko lotuneko proiektua, eta 2027an hasiko direla obrak. Espainiako Ministroen Kontseiluak 146 milioi euroko inbertsioa onartu du obra horretarako, eta Adif enpresak beste 34,7 milioi euro gehitu dizkio.
Ez dezazuela lotura hau Ezkiotik bilatu, ez eta Altsasutik ere, are gutxiago Ebro ibaia Castejonetik zeharkatuz. Euskal Yaren eta Nafarroako AHTaren arteko lotura, edo hobeto esanda, loturak, dagoeneko errealitate bat dira. Pluralean dauden lotura horiexek dira kezkatu beharko... [+]
.jpg)
EAE, Akitania Berria eta Nafarroak osatutako euroeskualdearen batzarra egin dute Iruñean martxoaren 25ean. AHT izan dute topaketaren ondoko agerraldiko aipagai nagusien artean eta Akitania Berriko ardatza Hego Euskal Herriko trenbidearekin lotzeko konpromiso politikoa... [+]
Datorren udaberrian, Stop AHT Zundaketak ekimenak bi urte beteko ditu. 2023ko maiatzean, ADIFek Itza, Sakana eta Goierriko udalei jakinarazi zien zundaketa geoteknikoak eta beste jarduketa batzuk egingo zituela AHTaren Nafarroako korridorea Euskal Y-arekin lotzeko alternatibak... [+]
Josu Estarrona EH Bilduko Arabako senatariak egindako galderari erantzun dio Espainiako Sustapen Ministerioak, eta hor berretsi du Ezkioko aukera zailtasunez beteta dagoela.
"Gasteiztik egin ezean, ez da egingo", adierazi du PSNren bozeramaile Ramón Alzorrizek. Kontra azaldu dira Geroa Bai, UPN eta PP.
2.000 milioi euroko kostua izango dute AHT Madrilekin eta AVE trenarekin lotzeko aurreneko lanek. Asteburuan egin dute manifestazio bat Iruñean, AHTa eraikitzeko obretako esklabotza-baldintzak salatzeko.
Abiadura handiko trenaren aurkako manifestazioa egingo dute Iruñean larunbat honetan AHT Gelditu plataformak deituta, 12:00etan Diputaziotik abiatuta. Castejon eta Iruñea arteko trenbidearen eraikuntza lanek aurrera jarraitzen dute eta Espainiako Garraio... [+]
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Nafarroan eraikitzen ari den tren lasterraren langileak esklabotza egoeran ari direla salatu du AHT Gelditu elkarteak Iruñean emandako prentsaurrekoan.
Añana eta Trebiñuko kuadrilletako ordezkariek eta Arabako nekazari eta abeltzainek salatu dute "mespretxu instituzional izugarria" jasaten dutela AHTren lanak direla-eta. Denera bi miloi metro koadrotik gora "lur emankor" desjabetuko dituzte... [+]
Azken asteotan Castejón-Soria trenbidea berreskuratzeko eta Tuterako tren-geltokia gaur egun dagoen tokian mantentzeko edo, Nafarroako Erriberako hiriburuan Abiadura Handiko Trenaren ustezko geralekuak aitzakiatzat hartuta, hirigunetik kanpo beste bat egiteko... [+]
Frantziako Gobernuak Espainiakoari baieztatu dionez, Abiadura Handiko Trena ez da Hego Euskal Herrira iritsiko (Irungo loturara) gutxienez 2042 urtera arte. Ez dago Parisen lehentasunen artean.
Espainiako Garraio Jasangarrirako estatu idazkari José Antonio Santanok adierazi du Eusko Jaurlaritzaren helegite bat onartu dutela Ezkio-Itsasoko konexioari buruz, Aralarri "hainbeste" kalte egingo ez liokeena.
Informaziorik helarazi gabe eta baimen eskaerarik gabe hasi dituzte Abiadura Handiko Trena eraikitzeko asmoz lehenago egin beharrak diren zundaketa lanak Otsobi kontzejuaren lurretan. Stop Zundaketak plataformak jakinarazi du egoera: "Izako Udalari edo Otsobiko kontzejuari... [+]