Gutxienez 1.717 lagun hil ziren iaz, Espainia eta Europako migrazio politikaren ondorioz
Iaz 1.717 pertsona hil ziren, Espainiako Estatuko lurretan sartu nahian, inoiz erregistratu den kopururik handiena. Espainiako Gobernuak eta Europar Batasunak dituzten “migrazio politika kriminalak” dira heriotza horien erantzule, giza eskubideen aldeko Andaluziako elkartearen esanetan. Espainiako koalizio gobernuaren akordioan egoera aldatzeko borondatea agertu zuten arren, ez dutela ezer egin salatu du elkarteak.
Ohiko dinamika errepikatzen dela kritikatu du giza eskubideen aldeko elkarteak: orain Kanariar Uharteetara migratzaile ugari iristen ari dira “eta Gobernuaren erantzuna errepresioa izaten ari da: milaka lagun baldintza tamalgarrietan itxita, giza eskubideak errespetatuko diren bermerik gabe; milaka lagun kale gorrian lotan, laguntza legalik gabe, gurasoak seme-alabengandik bananduta…”. Berriki, Malitik pateran Kanariar Uharteetara bidaiatu duen 2 urteko neskato bat hil da.
Gobernu berriak, lehengo lepotik burua
Elkarteko kideek kritikatu dute Alderdi Popularraren errepresio bera errepikatzen ari dela PSOE-Podemos koalizio gobernupean. “Gai honekiko sentiberagoak ziruditen, baina migratzaileei bide legal eta ziurrak bermatzeko proiektuak baztertu ditu, nahiz eta hasierako gobernu-akordioan agertzen ziren. Gaur egungo legediarekin, lortzen duten gauza bakarra da pertsonekin trafikatzen duten mafiak areagotzea”, salatu dute El Salton.
Baliabideak, kanporatzera bideratuak
Baliabideak bideratu ordez migratzaileen harrerara edo bidaia modu seguruan egin dezaten, migrazio politikarako diren baliabide guztiek pertsonen sarrera mugatzea edo pertsona horiek kanporatzea dute helburu, elkarteak gogoratu duenez. Baliabide horien artean aipatu dituzte Kanpo Bijilantziarako Sistema Integratua, migratzaileen espetxe modukoak bihurtu diren CIEak, Andaluziako kostaldean dauden harresiak, edota mugak zaintzera eta patera eta itsasontziak kontrolatzera dedikatzen den Frontex agentzia.
108 pertsona erreskatatu dituzte asteburuan Mediterraneoan. Italiako Gobernuak ez die utzi gertuko portu batean lehorreratzen, eta Salernora bideratu dute Aita Mari ontzia. Litekeena da Europako Batasunak migrazio politikaren araudia gogortu aurreko azken misioa izatea. Aita... [+]
Elkarteko Andoni Burguetek nabarmendu du espetxean dauden presoek egindako delitu gehienek behar sozioekonomikoekin lotura dutela.
350 poliziako "Force Frontière" dispositiboa baliatu dute Gipuzkoako eta Lapurdiko mugetan migratzaileen kontra egiteko martxoaren 26 eta 27an. Aurrez "terrorismo islamistaren" aurka egiteko aitzakiaz erabiltzen zituzten dispositiboak, orain "migrazio... [+]
Aljeriatik datoz Mohamed eta Said [izenak asmatuak dira], herri beretik. “Txiki-txikitatik ezagutzen dugu elkar, eskolatik”. Ibilbide ezberdinak egin arren, egun, elkarrekin bizi dira Donostian, kale egoeran. Manteoko etxoletan bizi ziren, joan den astean Poliziak... [+]
Kritika artean abiatu dira Gasteizko Arana klinika zena Nazioarteko Babes Harrera Zentro bilakatzeko obrak. Ez auzokideak, ez errefuxiatuekin lan egiten duten gobernuz kanpoko erakundeak, ez PSEz bestelako alderdi politikoak ez daude ados proiektuarekin: makrozentroen ordez,... [+]
Europako Batzordeak lege-proiektu berri bat aurkeztu du asteartean. Dokumenturik gabeko pertsonak jatorrizko herrialdeetara edo igarotze-herrialdeetara deportatzeko prozesua areagotzea eta azkartzea helburua du.
Harrera-herri euskaldun nola izan gaitezkeen galdetu zion Leire Amenabarrek bere buruari eta parean zituenei iaz, Gasteizen, harrera-hizkuntzari buruzko jardunaldietan, eta galdera horrexetan sakontzeko elkartu gara berarekin hilabete batzuk geroago. Amenabarrek argi du... [+]
“Bi pertsona mota daude munduan: euskaldunak, batetik, eta euskaldunak izan nahiko luketenak, bestetik”. Gaztea zela, Mary Kim Laragan-Urangak maiz entzuten omen zuen horrelako zerbait, Idahon (AEBak), hain zuzen. Ameriketan jaio, hazi, hezi eta bizi izandakoak 70... [+]
Aurrekoan, ustezko ezkertiar bati entzun nion esaten Euskal Herrian dagoeneko populazioaren %20 atzerritarra zela. Eta horrek euskal nortasuna, hizkuntza eta kultura arriskuan jartzen zituela. Azpimarratzen zuen migrazio masifikatua zela arazoa, masifikazioak zailtzen baitu... [+]
Espainiako Estatutik Frantziakora “legez kanpoko” gero eta migratzaile gehiago igarotzen direla argudiatuta, mugetako kontrolak indartzea begi onez ikusi du Pirinio Atlantikoetako prefetak. Migratzaileek delitu txikietan “eragin hautemangarria” dutela... [+]
Hamasei migrante atxilotu zituzten otsailaren 6an Baionan, etorkinen eskubideen aldeko elkarteek salatu dutenez. Dirudienez, Baionako prokuradoreak eman zuen agindua. Operazioa autobus geltokiaren eta Pausa harrera zentroaren artean gauzatu zuen poliziak, tartean, adingabekoak... [+]
Agintean dagoen Alderdi Laboristak atxiloketen eta deportazioen irudiak erakutsi ditu, eta urtarril honetan "errekorra" egin duela esan du, harro-harro.
Zutabe hau idazten nengoela, gaia aldatu behar izan dut, nire arreta osoa harrapatu dutelako Trumpen muga-zergek. Azalpen gutxi beharko duzue, leku guztietan da berria, Txinako produktuei %10eko zerga eta Kanadako eta Mexikoko produktuei %25eko muga-zergak jarri dizkie. Trumpek... [+]