58 palestinar hil ditu Israelek, AEBek enbaxada Jerusalemera eramatearen aurkako protestetan
Astelehen benetan iluna gertatu da maiatzaren 14a Palestinako Gazan. AEBetako enbaxada Jerusalemera lekualdatzearen aurkako protesten kontra tirokatu du Israelgo Armadak, gutxienez 58 hildako eta 1.500 zauritu eraginez. Zenbakiak etengabe doaz gora.
Gazan astelehenean soldadu israeldarrek hildako jendeen kopuruak eten gabe ari dira igotzen. Ilunabarrerako 55 gutxienez baziren hildako palestindarrak, horietatik batzuk 16 urte gabeko gaztetxoak:
Israelgo estatua sortu zela 70 urte betetzen dira gaur, eta urteurrenarekin bat eginez inauguratuko dute Israelgo AEBen enbaxada berria, Tel Aviv-en zeukatena Jesuralemera lekualdatuz. Aldaketaren kontra protestan atera dira milaka palestinar, eta Israelgo Armadak hauen kontra egin du hegoaldeko Jan Yunis herrian. Minutuz minutu doaz handituz Israelgo armadak manifestari palestinarren artean hil dituenen kopuruak.
Martxoaren 30ean palestinar errefuxiatuen etxera itzultzeko eskubidea aldarrikatzen duen Itzuleraren Martxa Handia hasi zenetik Israelek hildako palestinarren kopurua gorako joan bada, gaurko egunak nabarmenki puztuko du zifra. Israelek esan du muga babesteko egin dutela tiro, eta Armadak paskinak ere jaurti ditu palestinarrei mugara ez hurbiltzeko ohartaraziz eta segurtasuna arriskuan jartzen duen edonorren kontra egingo dutela adieraziz. Israelgo Hezkuntza ministro Naftali Bennett-ek adierazi du mugara gerturatzen den edozein terroristatzat joko dutela.
Gertakizun larriok ez dute aldarazi Washingtongo agintarien plana eta agindu bezala gauzat dira beren enbaxada Jerusalemen irekitzeko protokolozko ekitaldiak, bertan zela Donald Trump lehendakariaren aholkulari eta suhi Jared Kushner:
Egunean zehar militar israeldarrek zauritutakoen artean gutxienez bat kazetaria da, prentsakoa dela jazkietan nabarmen markatuta zeraman Aljazeeerako Wael Dahdouh:
Hildakoez gain egunean zehar zaurituak ere bi mila badirelarik –horietatik 900 zuzenean bala edo bestelako munizioz–, erakunde humanitarioek ohartarazi dute Gazako osasun sistema lehendik ahulduak horiek artatzeko dauzkan arazoez, tartean Amnesty Internationalek:
Gutxienez 201 dira 2023ko urriaz geroztik Israelek Gazan hildako kazetariak. Abenduaren 26 honetan hildako azken bostak Al-Quds telebista katean zebiltzan lanean.
Ekimena abenduaren 28an egingo da Iruñeko Baluarte plazan. Goizeko 11:00etan ipuin irakurketa antolatu du Yalak La diverxa Cris ipuin kontalariarekin eta, ondoren, 12:00etatik aurrera, BDZ (Boikota, Desinbertsioa eta Zigorra) ekimenak antolatuta egingo da irakurketa.
Israel entitate sionista Palestinan egiten ari den "genozidio eta sarraski terrorista" salatzeko Lekeitioko hainbat eragilek txandakako hamar orduko elkarretaratzea egingo dute abenduaren 28an.
Palestinatik aberriratu eta urtebetera, Espainiako Gobernuak jakinarazi du familien harrera programa ez duela gehiago finantzatuko eta aterpetxe eta hostaletako egonaldia abenduaren 31n etengo diela. Urtarriletik aurrera Gasteizko Udalak Gazako bost familien ostatuaren gastuak... [+]
Israelgo Atzerri Ministerioak igandean iragarri du Dublinen daukaten enbaxada itxiko dutela, Irlandak iragarri eta gero bat egingo duela Hegoafrikak Israelen aurka jarritako salaketarekin.
Palestinarekin Elkartasunak "sionistekin harreman oro etetera" deitu du. Kanpaina bat jarri dute abian Euskal Herriak Israelgo estatu terroristaren bizirautea bermatzen duten harreman militar, diplomatiko eta kulturalak seinalatu eta hauen etetea exijitzeko. Pasa den... [+]
Israelgo lehen ministro Benjamin Netanyahuk "immunitatea", hau da, babes politikoa duela adierazi du Frantziako Kanpoko Aferen ministroak. Israelgo Haaretz eta Maariv komunikabideek jakitera eman dute Libanorekin adosturiko su-etenaren baldintzen artean zuela... [+]
Save the Children erakundearen esanetan, Gaza iparraldeko 130.000 haur artatu gabe daude 50 egunez, gutxienez.
Palestinan genozidio bat burutzen ari den Israelgo estatu eta berarekin batera diharduten enpresa eta erakunde guztiekin eteteko asmoz sortu zen EHU Palestina. Israelen inpunitatea Europan eta Estatu Batuetan dituen harreman politiko, militar, ekonomiko, zientifiko zein... [+]
Egunkariaren editoreak egindako adierazpen batzuen harira hartu du neurria Israelgo Gobernuak. "Netanyahuren erregimena krudela da eta apartheid-a ari da egiten", esan zuen Amos Shocken editoreak Londresen emandako hitzaldi batean, duela hilabete.
Forensic Architecture erakundearen ondorioetakoa da hori, ikusita Israelgo Armadak nola antolatu duen Gazaren egungo kontrola. Suntsiketa maila hori bakarrik litzateke Gazaren kontrola segurtatzeko, zeren eta, berez, txikitze maila askoz handiagoa da lurraldearen gainerako... [+]
Espainiako Defentsa Ministerioaren 6 milioi euroko esleipen publikoak jaso ditu aurten enpresak. Margarita Robles ministroaren arabera, urriaren 7tik ez diote "armarik saldu edo erosi Israelgo Estatuari", baina indarrean zeuden kontratuei eutsi diete. Elbit Systemsek... [+]
Gizateriaren aurkako krimenak eta gerra krimenak egotzi dizkie Hagako auzitegiak bi sionistei. Erabakia "antisemitismotzat" jo du Netanyahuk, eta Hamasek, aldiz, "Justiziarako urrats garrantzitsutzat".
Hori da Israelgo hedabideetan azken egunotan bolo-bolo dabilen albistea. Baieztapenaren inguruan auzi ugari daude, eta horietako batzuk ikerketa judizialean aztertzen ari dira. Israelgo Estatuko Fiskaltza urriaren amaieratik ikertzen ari da Benjamin Netanyahu Israelgo lehen... [+]